| | |
| | |
| | La Carlotta, Napoli, A spese de lo Mpressario, 1726 |
| | a cura di Mariapia Giardullo |
| |
| |
| |
|
| |
| | ATTO II |
| |
| | SCENA PRIMMA |
| |
| | Vosco de l’Astrune, co Padiglione da parte. Sciummo, co Ponte, sotta a na Collina da dove scennarranno precedute da gran numero de Cacciature, e stromiente de sciato, tutte li perzonagge, de li quale: BETTINA, SILVANO, LIVIA, e MACCHIONE, trasarranno dinto a lo vosco, e AURELIO, CARLOTTA, CASIMIRO, e FELICE restarranno a Cantare li vierze seguente. |
| |
| | CARLOTTA - AURELIO - CASIMIRO - FELICE |
| |
| 650 | Ogne chianta, ed ogne sciore |
| | Pare ch’ardano d’ammore |
| | E nce mitano a gaudè. |
| |
| | MACCHIONE |
| | Sia Carlotta venite |
| | Ca lo Viecchio ve chiamma: che facite? |
| 655 | Iammo pe chesta via. |
| | CARLOTTA |
| | Veccome. Iammo (ad Aurelio.) |
| | AURELIO |
| | Vengo |
| | FELICE |
| | (O gelosia.) |
| |
| | SCENA II |
| |
| | CASIMIRO, e FELICE. |
| |
| | FELICE |
| | Chi sa se st’Alesandro è Aurelio mio? |
| | CASIMIRO |
| | (O quant’è bella sta Felice Oddio!) |
| | FELICE |
| | Vuje non ghiate servenno |
| 660 | La sia sposa?... |
| | CASIMIRO |
| | Non pozzo, |
| | Perché da ssi bell’uocchie |
| | Esce no cierto lampo, che m’abbaglia. |
| | FELICE |
| | A mme? vuje site Aurelio? |
| | CASIMIRO |
| | Pe servirla. |
| | FELICE |
| | (Che busciardo!) non site cca benuto |
| 665 | Pe ve sposà Carlotta?... |
| | CASIMIRO |
| | Tutt’è bero |
| | Ma mo’ non aggio chiù tale penziero. |
| | FELICE |
| | ,, E perché? |
| | CASIMIRO |
| | ,, Ca co mico non nc’hà genio |
| | ,, Mperrò voglio cercà priesto d’avere |
| | ,, Li cincomilia scute da Silvano; |
| 670 | ,, E da po vita mia |
| | ,, Stregnere a tte si vuoje la bella mano. |
| | ,, Chi sa, si lo destino, |
| | ,, Sto gusto me darrà. |
| | FELICE |
| | ,, (Che trafechino!) |
| | ,, (Ma mo’ te lo carfetto.) |
| 675 | Che responnite? |
| | FELICE |
| | Oddio! |
| | Io saccio che nce sta dint’a sto pietto: |
| | Vasta; so’ resoluta, |
| | si mm’ajuta la sciorte |
| | O d’essere d’Aurelio: o de la morte. |
| | CASIMIRO |
| 680 | O Fortuna mpenzata. |
| | FELICE |
| | (Sì, sì staje frisco.) |
| | CASIMIRO |
| | Subbeto è ncappata. |
| | FELICE |
| |
| | Sento a sto core ammore |
| | (Ma tu non saje pe chi.) |
| | Cchiù non te pozzo di’, |
| 685 | Lassame mpace. |
| | Qua sia la sciamma mia |
| | Priesto se saparrà. |
| | (Ma tu de me ncappà |
| | Non si’ capace.) |
| |
| | SCENA III |
| |
| | CASIMIRO sulo. |
| |
| | CASIMIRO |
| 690 | Si chesta non m’abburla, |
| | E si me resce avere sti denare; |
| | Io non saccio pe me che chiù sperare. |
| | Sciorte non me tradì: Sto miezo all’onne |
| | Tu mm’aje fatto marcare |
| 695 | Tu portame a lo puorto: |
| | Da te ajuto sper’io, da te confuorto. |
| |
| | Da cca la speranza |
| | Conforta lo core: |
| | Da llà lo timore |
| 700 | Spaviento me dà! |
| | Che faccio? che tento? |
| | Fortuna pietà. |
| | Chi sa si sta lanza |
| | La rompo sto juorno, |
| 705 | O si me ne torno |
| | Convinto, chi sa. |
| |
| | SCENA IV |
| |
| | AURELIO, e CARLOTTA. |
| |
| | CARLOTTA |
| | Lo mormorio dell’acque de sto sciummo |
| | Lo cantà de st’aucielle, |
| | M’allegrano lo core. |
| | AURELIO |
| | E all’arma mia |
| 710 | Non c’è cosa, che dia |
| | Cchiù gustuso contento |
| | Che stare nnanze a tte. |
| | CARLOTTA |
| | Non tanto Aurelio |
| | Ca me canosco, e bedo. |
| | O delleggià me vuoj, |
| 715 | O si te paro bella |
| | Sarrà nganno cred’io dell’uocchie tuoje. |
| | AURELIO |
| | Appunto sa modestia, e so desprezzo |
| | Ch’aje de te stessa o bella, |
| | Songo doje gioje, che non anno prezzo. |
| | CARLOTTA |
| 720 | Chiste so’ compremiente; ed io nfratanto |
| | Peno nfra la speranza, e lo timore |
| | Si sarraje mio, si mm’ame, |
| | Si si’ Aurelio; si no: povero core. |
| | AURELIO |
| | Si conforme so’ Aurelio |
| 725 | Fosse accossì securo |
| | D’essere da te ammato, |
| | Ommo chiù fortunato |
| | De me non ce sarria: |
| | Levate da sti dubbie anima mia. |
| | CARLOTTA |
| 730 | Zitto; pare che senta |
| | Cantà no rescegnuolo. |
| | AURELIO |
| | È na palomma llà, che s’allamenta: |
| | Vejate lloro; godeno |
| | La libertà, che non avimmo nuje. |
| | CARLOTTA |
| 735 | Gelosia no le struje |
| | AURELIO |
| | No nce so’ trademiente. |
| | CARLOTTA |
| | Stanno dinto a no maro de contiente; |
| | Sto rescegnuolo, che sta cantanno. |
| | AURELIO |
| | Sta palommella, che chiagne sola. |
| | CARLOTTA |
| 740 | Saje tu che dice? |
| | AURELIO |
| | Saje tu che bo’? |
| | CARLOTTA |
| | La bella soja sta sosperanno. |
| | AURELIO |
| | Vo’ lo compagno, che la conzola |
| | AURELIO - CARLOTTA |
| | Ma po contiente vanno a gaudè. |
| | CARLOTTA |
| | Accossì fosse la pena mia! |
| | AURELIO |
| 745 | L’affanno mio fosse accossì! |
| | CARLOTTA |
| | Ca chiù tormiente non patarria. |
| | AURELIO |
| | Ma sta fortuna non è pe me. |
| |
| | SCENA V |
| |
| | MACCHIONE sonanno lo ciufolo, esce, e s’assetta ncopp’a no puojo: BETTINA vestuta da pescatrice co la cannuccia mano che hà da pescare a lo Sciummo! |
| |
| | MACCHIONE |
| | Che buo’ sonare cchiù? sona si puoje; |
| | Si sempe nanze a st’uocchie |
| 750 | Tengo chella Bettina |
| | Che creo, ca stammatina |
| | Manco ca sia venuta: |
| | ,, Pe n’avere denare |
| | ,, M’hà chiantato accossì, cana verruta. |
| | BETTINA |
| 755 | O te! Macchione appunto. |
| | M’aggio abbuscata apposta sta magnosa |
| | Sto Vestito, e sta Canna |
| | Pe nn’esse canosciuta. |
| | MACCHIONE |
| | Ora via su spassammonce lo tiempo; |
| 760 | Ca chi se piglia pena |
| | Pe na femmena, è pazzo de catena. (Macchione Sona lo Ciufolo, co lo quale suono Bettina canta.) |
| | BETTINA |
| |
| | Onde voi che mormorate |
| | Deh portate un pesciolino |
| | A quest’amo per pietà. |
| |
| | MACCHIONE |
| 765 | Potta de me! Bettina? |
| | Bettina? |
| | BETTINA |
| | Con chi ll’ai sei tu ubriaco? |
| | MACCHIONE |
| | Tu parle ntoscanese? |
| | BETTINA |
| | Chi sì ardito ti rese |
| | D’insultare un’onesta contadina? |
| | MACCHIONE |
| 770 | Commo, non si’ Bettina? |
| | BETTINA |
| | Chi è questa Bettina? |
| | MACCHIONE |
| | O è na malora negra: |
| | Davero non si’ essa? |
| | BETTINA |
| | E va via che sei stolto. |
| | MACCHIONE |
| 775 | Mia Signora, il suo volto |
| | L’arresomeglia assaje. |
| | BETTINA |
| | Che tu l’amavi? |
| | MACCHIONE |
| | Sbisciolatamente. |
| | BETTINA |
| | Io già quella non sono, |
| | Ma se già ti piacesse |
| 780 | Di riveder questa beltà che dici, |
| | Io che so di Maggia, per l’aria a volo |
| | Di mie voci al tenore |
| | Qui la farò venir. |
| | MACCHIONE |
| | Mi faje favore. |
| | BETTINA |
| | Ma fuggi fuggi, oimmè poter del mondo |
| 785 | Due huomini Selvaggi |
| | Qui ti volgono il piede, io qui mi ascondo. (Escono due huommine sarvagge, Bettina fuje, e lloro acchiappano Macchione.) |
| | MACCHIONE |
| | O negregato mene, |
| | Chiano segnure mieje, |
| | Che v’aggio fatto? |
| | BETTINA |
| | (O povero Macchione.) |
| | MACCHIONE |
| 790 | Io chi so’? Songo n’ommo. |
| | BETTINA |
| | (Nigr’isso poveriello, che pietate.) |
| | MACCHIONE |
| | Mme volite contà ciento mazzate! |
| | BETTINA |
| | (Lo faranno morire.) |
| | MACCHIONE |
| | Comme co’? Me volite |
| 795 | Sacrefecare a Pane? |
| | BETTINA |
| | (O che destino.) |
| | MACCHIONE |
| | Cchiù priesto me vorria |
| | Sacrefecare a bino. |
| | Vuje m’attaccate! ah mamma bella mia. |
| |
| | Segnure mieje |
| 800 | Chesto, che d’eje? |
| | Che v’aggio fatto? |
| | Che canetà. (Fornuta st’aria se trovarranno sti sarvagge già attaccato Macchione de pietto a n’arvelo e sentenno sonà dint’a lo Vosco li cacciature; lassano de frezzejarlo, e partono.) |
| |
| | MACCHIONE |
| | Rompiteve lo cuollo, o scuro mene, |
| | Ca so’ allordato sotta de paura! |
| 805 | Chi sa si quarche Lupo |
| | Quarche puorco sarvateco, qua Urzo |
| | Me venesse a magnare, |
| | Ch’aggio da fare, chi me da soccurzo? |
| |
| | Io già so’ ghiuto, |
| 810 | So’ fritto, e sfatto, |
| | Soccurzo ajuto |
| | Pe Caretà. |
| |
| | SCENA VI |
| |
| | SILVANO, po BETTINA, e MACCHIONE. |
| |
| | SILVANO |
| | Pare ch’aggio sentuta |
| | La voce de Macchione; o sfortunato, |
| 815 | Chisto stace attaccato! |
| | Che d’è, che nc’è Macchione? |
| | MACCHIONE |
| | O viene cca Patrone |
| | Sciuoglieme, che te vaa lo buono juorno. (Silvano scioglie Macchione.) |
| | BETTINA |
| | Mo’ che se ne so’ ghiute da cc’attuorno |
| 820 | Chille mostre servagge |
| | Ajutammo Macchione, |
| | Ma ca stace Silvano! |
| | MACCHIONE |
| | O che te sia |
| | Benedetta la mano. (a Silvano.) |
| | SILVANO |
| 825 | Donca t’anno attaccato |
| | Duje huommene sarvagge? |
| | MACCHIONE |
| | Signor sine. |
| | BETTINA |
| | Godo vederti al fine |
| | Libero da quei mostri. |
| | SILVANO |
| | O Sia Bettina |
| | MACCHIONE |
| | (Zitto |
| 830 | Ca chesta non è essa.) |
| | SILVANO |
| | E che so’ orbo Sia Bettina mia. |
| | BETTINA |
| | Che Bettina? voi siete |
| | Andati tutti due certo in pazzia. |
| | (Spassammonce no poco) |
| 835 | Ma tu caro Vecchietto, |
| | E tu amabil garzone, |
| | Ai un’occhio forbetto, |
| | E una grazia sì cara, |
| | Che già il mio cuor per voi |
| 840 | Sta bollendo d’Amor nella caldara. |
| | SILVANO |
| | Bonora, chesta sì, ca sarria caccia. |
| | MACCHIONE |
| | Chesta sarria na sciorte de ciardino. |
| | SILVANO |
| | Nc’abburlate? |
| | MACCHIONE |
| | Scherziate? |
| | BETTINA |
| | Oh che bell’uomo in ver! che bel puttino. |
| |
| 845 | Per te sospira, per te delira, |
| | Quest’arma mia, questo mio core |
| | (Comm’è pantuosco! comm’è pastore) |
| | Vi lascio, Addio non posso più. |
| | Tu sei pur bello, e tu sei quello |
| 850 | Che m’innamora, che l’arma adora, |
| | Ed il mio bene, sei tu, sei tu. |
| |
| | MACCHIONE |
| | Io le vogl’ire appriesso. (Va Macchione appriesso a Bettina.) |
| | SILVANO |
| | Sì sì curre faje buono, si le femmene |
| | Non fossero busciarde de natura, |
| 855 | Chesta sarria pe me na gran ventura; |
| | Chi appriesso le vo’ j, si t’assassinano |
| | E po appriesso pretenneno |
| | D’essere ngrazeate, |
| | Stimate, reverute, e regalate. |
| |
| 860 | È la femmena mo’ no varviero, |
| | Che t’arrappa, te ntacca, te taglia, |
| | Ed appriesso po ll’aje da pagà. |
| | Si te parla maje dice lo vero, |
| | E si t’ama, è no fuoco de paglia, |
| 865 | Che allummato lo vide stutà. |
| |
| | SCENA VII |
| |
| | CARLOTTA, FELICE, e po CASIMIRO. |
| |
| | FELICE |
| | Aurelio è lo secunno che arrivaje, |
| | Ca ll’auto è no busciardo. |
| | CARLOTTA |
| | E st’Aurelio ha promisso |
| | De se sposare a tte? |
| | FELICE |
| | Non sulo quanno |
| 870 | Se partette da Napole: Ajersera |
| | Me ll’ave n’auta vota confermato. |
| | CARLOTTA |
| | (Ah ngannatore sgrato.) |
| | FELICE |
| | Si vuo’ che te lo ceda |
| | Si’ la patrona. |
| | CARLOTTA |
| | A chi? voglio che beda |
| 875 | Lo Munno, che sa fare sta fegliola! |
| | Lo voglio fa scannare; e si no nc’eje |
| | Chi sta grazia me faccia, |
| | L’accidarraggio co le mano meje. |
| | A mme vene a gabbare? a mmene? |
| | FELICE |
| | Zitto: |
| 880 | Vecco chill’auto guitto, |
| | Che Aurelio se vo’ fegnere: lo quale |
| | Puro co mico fa de lo ncappato. |
| | CARLOTTA |
| | De cchiù! chist’auto puro |
| | Doppiamente a gabbareme è benuto! |
| 885 | Addove simmo; che m’è ntravenuto! |
| | CASIMIRO |
| | Comme vuje state ancora |
| | Così oziose o belle, |
| | E già de la gran caccia è ghionta ll’ora. |
| | CARLOTTA |
| | E tu cca, che nce faje? |
| 890 | Perché non te ne vaje, |
| | Ca si’ stato scopierto |
| | Pe no latro? n’è bero? (a Felice.) |
| | FELICE |
| | È cierto. |
| | CASIMIRO |
| | È cierto. |
| | FELICE |
| | Si’ mbroglione, busciardo, tu arrubbaste |
| | La valice ad Aurelio. |
| | CASIMIRO |
| | (Ajemmè che sento.) |
| | CARLOTTA |
| 895 | (Vi’ che me fa vedere lo Destino!) |
| | CASIMIRO |
| | Ma io |
| | FELICE |
| | Si’ no birbante malantrino. (parte.) |
| | CASIMIRO |
| | Avite ntiso?... |
| | CARLOTTA |
| | Cierto aggio sentuto. |
| | CASIMIRO |
| | Ca io |
| | CARLOTTA |
| | Si’ cca benuto |
| | Co fenzione, e co nganno. |
| 900 | Levamette da nanze. |
| | CASIMIRO |
| | ,, Felice sa |
| | CARLOTTA |
| | ,, Sape ca non si’ Aurelio. |
| | CASIMIRO |
| | ,, Signor no |
| | CARLOTTA |
| | ,, Signor sì non c’è che dire. |
| | CASIMIRO |
| | ,, Sentite e po |
| | CARLOTTA |
| | ,, Manco te nne vuo’ jre? |
| |
| | SCENA VIII |
| |
| | AURELIO, e li stisse. |
| |
| | AURELIO |
| | Che nce Carlotta mia |
| | CARLOTTA |
| 905 | Che mia tu n’auto |
| | Fauzo, nfammo, busciardo ngannatore. |
| | CASIMIRO |
| | (Chesto che d’è!) |
| | AURELIO |
| | Vide ca staje n’arrore. |
| | CARLOTTA |
| | N’errore starraje tu, finto tiranno, |
| | Si cride, ca sto nganno, |
| 910 | Che trammanno me vaje pozza rescire. |
| | T’aggio da fa morire |
| | Nfelice, e desperato, |
| | Mostro de nfedeltà, perfedo, sgrato. |
| | CASIMIRO |
| | Che t’aggio ditto io? (a Carlotta.) |
| | CARLOTTA |
| 915 | E tu ancora staje cca! fuje, parte, vola. |
| | Da me che pretennite? |
| | Che bolite da me, che ne volite? |
| |
| | Si no nce na fera |
| | Che sgrato t’accida; |
| 920 | Spietata Pantera |
| | Sarragg’io pe tte, (ad Aurelio.) |
| | E tu vedarraje |
| | Carlotta chi è! (a Casimiro.) |
| | (Carlotta, che faje |
| 925 | Me sento morì.) |
| | Va va t’allontana |
| | Da st’uocchie tiranno, (ad Aurelio.) |
| | E tu co sto nganno |
| | Che spiere de fa? (a Casimiro.) |
| 930 | (Na Pena chiù strana |
| | Chi pote soffrì?) |
| |
| | SCENA IX |
| |
| | AURELIO, CASIMIRO, e po MACCHIONE. |
| |
| | AURELIO |
| | Te vasta, o puro staje |
| | Co lo stisso penziero |
| | De me fa stare cchiù dint’a sti guaje? |
| 935 | Cca simmo nfra de nuje, |
| | Tu già saje, s’io so’ Aurelio, vavattenne. |
| | CASIMIRO |
| | Già me songo mpegnato, |
| | Ll’aggio da sostenè nfi’ ch’aggio vita. |
| | AURELIO |
| | Addonca vuo’ apettare ch’io t’accida? |
| | CASIMIRO |
| 940 | Tu accidere me vuoje? |
| | Tu! abbesognante, che te senta, e rida. |
| | AURELIO |
| | Tu me tiente sopierchio, |
| | Non pozzo cchiù: già, che non aggio spata |
| | Co sto dardo briccone |
| 945 | Muore (Aurelio le dà na botta de dardo. Casimiro se l’apara.) |
| | MACCHIONE |
| | Ferma, fermate, |
| | Che facite! vi’ commo so’ ncanate! |
| | Qietateve e corrite (le bo’ spartere.) |
| | Ca già se dà la mena, jammoncenne. |
| | CASIMIRO |
| | Nce vedarimmo appriesso. (se ne va co Macchione.) |
| |
| | SCENA X |
| |
| | AURELIO sulo. |
| |
| | AURELIO |
| 950 | Attienne, attienne. (a Casimiro.) |
| | Cielo, Fortuna, Ammore |
| | Consigliate sto core, |
| | Ch’aggio da fa? mo’ nnanze lo Destino |
| | Me se fece vedere |
| 955 | Co na facce contenta, bella, e allegra, |
| | E me la mostra mo’ turbata, e negra. |
| |
| | Che tropea, che s’abbecina, |
| | Lampe, truone vedo, e sento, |
| | Che terrore? che ruina, |
| 960 | Che spaviento che mme dà. |
| | Tutto nzieme si’ sbotata |
| | Sciorte sgrata, Oddio perché? |
| | Comme n’aje de me |
| | Pietà. |
| |
| | SCENA XI |
| |
| | LIVIA sola. |
| |
| | LIVIA |
| 965 | Sta Sia Bettina me fa j mpazzia, |
| | Perché sape tantillo de Maggia, |
| | Mme vo’ dint’a na nuvola |
| | Pe gabbare a Macchione |
| | Co li vestite suoje cca fa venire |
| 970 | Ma siente, che te fanno int’a sto Vosco, |
| | Mo’ che se dà la mena! Io mperò resto |
| | De chille si puzille nammorate, |
| | Che non anno portato a regalare |
| | Manco no galaniello |
| 975 | A chella, che pretendono sposare, |
| | Abbesognante dicere |
| | Ca nuje femmene mo’, co ssi Milorde |
| | Nce potimmo abbottà de fave, e cicere. |
| |
| | Tutte ssi giuvenielle |
| 980 | So’ fatte Calavrise! |
| | Femmene puverelle, |
| | No nce so’ cchiù tornise, |
| | Jatev’arrecettà. |
| | Lo tiempo è già scomputo, |
| 985 | Che cierte fasanune |
| | P’avere no saluto |
| | Zecchine, e doppejune |
| | Solevano jettà. |
| |
| | SCENA XII |
| |
| | Parte deliziosa de lo Vosco. |
| | CARLOTTA tutta sbagottuta, e po no SATIRO. |
| |
| | CARLOTTA |
| | Ajemmè dove me trovo? |
| 990 | Dove so’ li compagne? |
| | Addo’ confusa ajemmè li passe io movo? |
| | Pare, che ancora vea chillo Cegnale, |
| | Che m’avarria sbranato |
| | Si lo dardo de Niso |
| 995 | Non m’avesse sarvato. (s’assetta vicino a n’arvolo.) |
| | Oddio comme me sento |
| | Morta pe lo terrore, e lo spaviento: |
| | O comme sape doce |
| | A chi stracquà se sente lo repuoso: |
| 1000 | Cca mme farria no suonno, |
| | E già me pare che sto frescolillo |
| | Addormire me fa chiano chianillo. |
| | SATIRO |
| | Chi mai cotanto audace |
| | Di questa ombrosa Selva |
| 1005 | Di me viene a disturbar la pace? |
| | Io che dall’Alpi venni, |
| | Fatto adulto e fuggiasco |
| | A formar qui l’ignoto mio soggiorno, |
| | Soffrirò questo corno? |
| 1010 | ,, Giuro pe ’l Dio sì temuto Averno, |
| | ,, Che a quanti mai ne incontro, all’erto, al piano, |
| | ,, Lacerar vo’ le membra a brano a brano, |
| | Ma che rimiro! ecco del primo colpo |
| | Del mio terribil braccio |
| 1015 | L’ignoto scopo, e la cagion funesta, |
| | In fronte a quella rupe |
| | La sbalzerò ma chi il mio braccio arresta, |
| | ,, Chi mi trattien? quale importuno affetto |
| | ,, L’egra Mente m’ingombra! |
| 1020 | Qual nuovo, oimè non conosciuto lume, |
| | Qual’ignoti splendori |
| | A rischiarar gli orrori, |
| | Di questa selva, all’improviso uscio? |
| | Al vinto imbelle Dio; |
| 1025 | E ’l mio fasto orgoglioso, |
| | De la tua destra al fulminar depongo. |
| | CARLOTTA |
| | Scura me poverella (Se sceta e vo’ fuire.) |
| | SATIRO |
| | T’arresta o mai perché t’involi o bella? |
| | CARLOTTA |
| | Oddio lassa: (so’ morta.) |
| 1030 | Che brutto mostro Aimmè (chi me soccorre?) |
| | SATIRO |
| | Dunque da te s’abborre |
| | L’esser qui meco o folle? ,, e dove mai |
| | ,, Trovar per te sorte miglior potrai? |
| | ,, Se dal sembrarti forse ch’io mi sia |
| 1035 | ,, Deforme, nasce il tuo sì vil timore; |
| | ,, Sappi che il Ciel mi diede |
| | ,, In vece di beltà, forza e valore, |
| | Non irritarmi, vieni. |
| | CARLOTTA |
| | Addo’? |
| | SATIRO |
| | Nell’antro. |
| | CARLOTTA |
| | Ah per piatà lassame oddio te prego |
| 1040 | Pe sta forza che te tiene, |
| | E pe sse braccia nervorute, e forte |
| | Si me vuo’ dà la morte |
| | Eccome a piede tuoje |
| | Lassa; e po fa de me chello che buoje. |
| | SATIRO |
| 1045 | Alzati: che sospiri o mai son questi |
| | ,, Che lacrimosi umori |
| | ,, Che il labro essala e ’l sen da lumi accoglie? |
| | Già non son sì deforme |
| | Che de’ Regni del pianto, e dell’affanno |
| 1050 | Non rassembri più torvo |
| | L’ingiurioso, e barbaro tiranno |
| | E pur’egli rapio |
| | La Vergine Sicana: |
| | Taci, vien meco. |
| | CARLOTTA |
| | Oddio |
| 1055 | Siente |
| |
| | SCENA XIII |
| |
| | AURELIO, e po tre aute cacciature. Isso feresce lo Satiro: Chisto lassarrà Carlotta, e accomenzarranno a commattere, li Cacciature, co lo Satiro lo quale da po averele ferute resta a commattere co Aurelio, da chi restarrà vinto, e muorto. |
| |
| | AURELIO |
| | Che bedo! ah sciorte |
| | Mano a sto mostro sta l’idolo mio! |
| | O compagne corrite cca benite. |
| |
| | SCENA XIV |
| |
| | Cacciature e li stisse. |
| |
| | SATIRO |
| | Oimmè chi mi trafigge? |
| | AURELIO |
| | Cade mostro nn’umano. |
| 1060 | O bravo bravo; già Carlotta è nzarvo. |
| | SATIRO |
| | E tu fuggisti! O mia vergogna! o scorno? |
| | AURELIO |
| | Anemo Cacciature, |
| | Ca nce volimmo mortalà sto juorno. (Carlotta fuje. Fornuto lo commattemiento dirrà Carlotta.) |
| | CARLOTTA |
| | Aurelio quanto devo |
| 1065 | A lo valore de sso vraccio! sgrata |
| | Essere non te pozzo. Tu despune |
| | De sta vita ch’è toja: Ma da sto core |
| | Maie non sperà, né addimannare amore. |
| | AURELIO |
| | O sentenza crodele! o tirannia |
| 1070 | No maje chiù ntesa! non vuo’ esse sgrata |
| | E me stracce lo core? |
| | Comme maje scompagnate |
| | Ponn’ì la gratetuddene, e l’amore! |
| | CARLOTTA |
| | (Me sento passà ll’arma) si sta legge |
| 1075 | Non te piace non chiammarme sgrata; |
| | E si premio pretienne, |
| | Sta vita ch’aje sarvata |
| | Tornatella a piglià, te privamenne. |
| | AURELIO |
| | Comm’accossì de botta si’ scordata |
| | CARLOTTA |
| 1080 | Lo mereto presente |
| | Assolvere non pò corpa passata. |
| | AURELIO |
| | Bella no chiù già ch’io |
| | Non saccio lo perché, te songo nn’odio, |
| | Me voglio allontanà dall’uocchie tuoje. |
| 1085 | Primma mperrò vorria |
| | Perdoname l’ardire, |
| | Vasà sta bella mano, e po morire. |
| | CARLOTTA |
| | No statte: E si la mano |
| | Vasà me vuoje, non te la nego: piglia. |
| | AURELIO |
| 1090 | Ma quanno, ca felice po sarraje |
| | Recordate, ca lo sgrato t’amaje. |
| |
| | SCENA XV |
| |
| | SILVANO, e li stisse. |
| |
| | SILVANO |
| | Povera figlia mia! O te! Carlotta? |
| | Comm’è stata la cosa? |
| | CARLOTTA |
| | Po ne parlammo appriesso; vasta, chisto |
| 1095 | M’a sarvata la vita |
| | SILVANO |
| | Signor mio |
| | Quanto ve devo! Ogge (ad Aurelio.) |
| | Mpperrò descorrarrimmo de sso mbruoglio, |
| | Ca mo’ scennere voglio |
| | A fa mettere nn’ordene ogne cosa, |
| 1100 | E ghirencenne tutte a Morgoglino, |
| | E fuimmo da cca. |
| | CARLOTTA |
| | Comme volite. |
| | SILVANO |
| | Nché ve faccio chiammare, e buje venite. |
| |
| | SCENA XVI |
| |
| | FELICE; po CASEMIRO, e li stisse. |
| |
| | FELICE |
| | Addove? pe qua via |
| | Sarrà ghiuta Carlotta? (Oh gelosia. |
| 1105 | Veccola là, co Aurelio pe la mano |
| | Io so’ morta! fegnimmo.) |
| | L’avisse ditto apprimmo |
| | Ca te stive a spassà, co sto Segnore. (a Carlotta.) |
| | CASIMIRO |
| | Bravo ca stanno tutte: Sia Carlotta |
| 1110 | Pe ghì trovanno a buje |
| | Songo tutto sudato. |
| | CARLOTTA |
| | Piglia st’accunto, e trovate ferrato. |
| | FELICE |
| | (E ride lo briccone.) |
| | CASIMIRO |
| | Sia Felice? |
| | FELICE |
| | Che buoje? |
| | AURELIO |
| | Tiranna mia. |
| | CASIMIRO |
| 1115 | Non tanto sdigno. (a Felice.) |
| | CARLOTTA |
| | (O Amore.) |
| | FELICE |
| | (O gelosia.) |
| | AURELIO |
| |
| | Tu me vuo’ fa morire. (a Carlotta.) |
| |
| | CASIMIRO |
| |
| | Tu me vuo’ fa sperire. (a Felice.) |
| |
| | AURELIO - CASIMIRO |
| |
| | Bella nemmica mia. (a Felice e Carlotta.) |
| |
| | CARLOTTA |
| |
| | (O pena.) |
| |
| | FELICE |
| |
| | (O gelosia!) |
| |
| | CARLOTTA |
| |
| 1120 | Pe chesta tradetore |
| | Muore; ma non per me. |
| |
| | FELICE |
| |
| | Non tormentà sto core, (a Casimiro.) |
| | Pena, ma non pe me. |
| |
| | AURELIO - CASIMIRO |
| |
| | (Perché non me daje morte, |
| 1125 | Sciorte, perché perché.) |
| |
| | FELICE |
| |
| | Sperisce pe no sgrato? (a Carlotta.) |
| |
| | CARLOTTA |
| |
| | La vita m’a sarvato. (a Felice.) |
| |
| | CASIMIRO |
| |
| | Perché tanto rigore, |
| | Vota chiss’uocchie a mmè. (a Felice.) |
| |
| | AURELIO |
| |
| 1130 | Bella, si non amore, |
| | Agge pietà pe me. |
| |
| | CARLOTTA - FELICE |
| |
| | Oddio che buo’ da me. (a Casimiro e Aurelio.) |
| |
| | SCENA XVII |
| |
| | BETTINA vestuta da Maga, e MACCHIONE. |
| |
| | BETTINA |
| | Or qui veder potrai |
| | La tua bella vezzosa |
| 1135 | In virtù di mie voci. |
| | MACCHIONE |
| | O bella cosa! |
| | BETTINA |
| | Vuoi tu vedere ancora |
| | Lampi, tuoni, saette? |
| | MACCHIONE |
| | Non Signora. (tremmanno.) |
| | BETTINA |
| | Vuoi tu mirar d’Averno |
| | Tutte le furie? or ora, |
| 1140 | Qui le chiamo.Venite. |
| | MACCHIONE |
| | Non Signora, |
| | Mme vuo’ fa speretare! |
| | BETTINA |
| | Voglio farti osservare |
| | La gran virtù di questa verga: Un mostro |
| | Che gli uomini divora |
| 1145 | Or qui apparisca: osserva. |
| | MACCHIONE |
| | Non Signora, |
| | Che me vuo’ fa venì la vermenara, |
| | Negromantessa mia? |
| | Famme vedè Bettina, |
| | E non vogli’auto. |
| | BETTINA |
| | Ben, scostati, attento; |
| 1150 | Ecco, o retto: superbo |
| | De la notte profonda |
| | Tre volte in terra miro, |
| | Ove ’l Sol che tramonta in mare affonda, |
| | E segno il campo d’incantato giro. |
| 1155 | Scorrano, i tuoni, i lampi, |
| | E s’oda alle mie voci |
| | Risonar l’aria, ed ondeggiare i campi. |
| |
| | O de’ Campi d’orror funesto Dio! |
| | Del fosco Regno tenebroso Giove! |
| 1160 | Al cui gran cenno, al cui divin desio |
| | L’oscuro Fato l’ombre sue rimove. |
| | Sì sì dagl’antri dell’ombroso obblio |
| | Altero sorgi a memorabil prove, |
| | E d’affin che costui l’intento ottenga |
| 1165 | Bettina qui, dentro una Nube or venga. |
| |
| | CASIMIRO |
| | O mamma bella mia, ca no nce cape |
| | Manco na meza setola. |
| | BETTINA |
| | A chi parlo? |
| | MACCHIONE |
| | De semmentella schitto (tremmanno.) |
| | Nce ne vole na |
| | BETTINA |
| | Zitto. (scenne na nuvola co Livia dinto co lo Vestito de Bettina e la facce coperta.) |
| 1170 | Ecco, che viene: Osserva. |
| | MACCHIONE |
| | Chesta vene pe ll’aria! che se nn’era |
| | Juta all’aute cauzune? |
| | BETTINA |
| | E parli ancora? |
| | MACCHIONE |
| | Non parlo non Signora. |
| | E se ne vene nzuoccolo |
| 1175 | La gioia mia. |
| | BETTINA |
| | Né taci? or venga fuora |
| | MACCHIONE |
| | Mo’ ammafaro, non serve non Signora. |
| | BETTINA |
| | Ecco, che in terra è giunta, or tu l’osserva. |
| | MACCHIONE |
| | Vide mo’ Sia Bettina |
| | Comme te faccio correre a bacchetta, |
| 1180 | Che d’è site ngrassata priesto priesto? |
| | LIVIA |
| | Songo le bone spese che me fanno |
| | Li nammorate mieje. (fegne Livia la voce.) |
| | MACCHIONE |
| | State porzì abbroccata? |
| | LIVIA |
| | Gnorsì sto no tantillo accatarrata. |
| | MACCHIONE |
| 1185 | Perché no ve scoprite? |
| | BETTINA |
| | (Mo’ venarrà lo bello.) |
| | LIVIA |
| | Che bolite? |
| | Me piglio scuorno arrassate. |
| | MACCHIONE |
| | E bia mone, (la scommoglia.) |
| | O bonora cca sta sto mascarone. |
| | BETTINA |
| |
| 1190 | Vecco llà Bettina toja. (mostra Livia.) |
| |
| | MACCHIONE |
| |
| | O che cancaro, ch’aloja! |
| |
| | LIVIA |
| |
| | Tu me fuje? a mme sto smacco? |
| |
| | MACCHIONE |
| |
| | Vavattenne ca te sciacco. |
| |
| | LIVIA - BETTINA |
| |
| | Io so’ morta de la risa. |
| |
| | LIVIA |
| |
| 1195 | Viene cca. |
| |
| | MACCHIONE |
| |
| | Che fuss’accisa. |
| |
| | BETTINA |
| |
| | Via va llà. |
| |
| | MACCHIONE |
| |
| | N’è mort’ancora. |
| |
| | LIVIA |
| |
| | Donca sgrato vuo’ che mora? |
| |
| | MACCHIONE |
| |
| | Tu che piello vuo’ da me. (a Livia.) |
| |
| | BETTINA - LIVIA |
| |
| | O che spasso pe ssi affè. |
| |
| |
| |
| |
