| | |
| | |
| | La Ciulla, Napoli, Agnolo Vocola, 1728 |
| | a cura di Giuseppe Castagna |
| |
| |
| |
|
| |
| | ATTO II |
| |
| | SCENA PRIMMA |
| |
| | MARCONE, e LISA. |
| |
| | MARCONE |
| | Già ll’ora va venenno |
| 585 | O Lisa de scialare; |
| | Perzò, vamme sentenno |
| | Lassa sso peccejare; |
| | Ca sarrà sta jornata |
| | Pe tte... pe mme, e pe Cola affortunata. |
| | LISA |
| 590 | Lo ssaccio sio Marcone, |
| | Ca lo gusto è pe ttene. |
| | MARCONE |
| | Accojetate mone. |
| | LISA |
| | E lo ssaccio porzì, ca n’è pe mmene. |
| | MARCONE |
| | Siente; mo’ nnanze ccane |
| 595 | Propeo a sto pizzo. Cola |
| | Mm’ha ditto, ca te vole... |
| | LISA |
| | E chessa sola |
| | Speranza pò aiutare |
| | Sto desperato core; |
| 600 | Ca si no comportare |
| | Chi pò tanto dolore? |
| | MARCONE |
| | Zitto, ca nguadearraje chesta jornata. |
| | LISA |
| | O vocca bella, tu mm’aje conzolata. |
| |
| | Mo’ che ssa speranzella, |
| 605 | Sto core ha conzolato; |
| | Chillo nennillo ammato |
| | Tu portamillo cca |
| | Portalo accanto a mme. |
| | Va curre e non trecare; |
| 610 | Non mme fa cchiù aspettare; |
| | Va trovalo addo’ sta. |
| | Va chiammalo addov’è. |
| |
| | SCENA II |
| |
| | MARCONE, e NARDO da la Taverna. |
| |
| | MARCONE |
| | Mme pare c’ha jodizejo |
| | Subbeto attacca a curto la sia Lisa. |
| | NARDO |
| 615 | Fruste che fusse accisa, |
| | Fruste te vaa no piello. |
| | MARCONE |
| | Nardo, Nardo, ch’è stato? |
| | NARDO |
| | Va ca si t’aggio mmano te spestello. |
| | MARCONE |
| | E non respunne; lazaro frustato? |
| | NARDO |
| 620 | Mo’ lo decimmo, non ce fa ssa cera, |
| | Na gatta forastera |
| | Co na granfa teranno chiano chiano, |
| | Ha dato quase funno allo tejano. |
| | Chesto è stato; ll’ aje ntiso? |
| | MARCONE |
| 625 | O che te vighe mpiso, |
| | E che ’nova mmardetta mm’aje portato. |
| | Povere rrobbe meje, so’ arrojenato. |
| |
| | SCENA III |
| |
| | ZEZA, e li stisse. |
| |
| | ZEZA |
| | Ch’è stato sio Marcone? |
| | MARCONE |
| | Sso suzzo, mbreacone, |
| 630 | Mme vole arrojenare. |
| | NARDONE |
| | E che nc’aggio da fare; |
| | Si na mmardetta gatta, |
| | Ha ghiocato d’ancino. |
| | MARCONE |
| | Paga lo danno, e schiatta malandrino. |
| | ZEZA |
| 635 | Marcone... gioja mia... |
| | MARCONE |
| | Tu mm’haje acciso; (a Zeza.) |
| | Vommeca mo’ lo vagno, non m’aje ntiso? |
| | NARDO |
| | (Uh, che stizza.) |
| | ZEZA |
| | Marcone... |
| | MARCONE |
| | Mm’aje frusciato, no cchiune. (a Zeza.) |
| | ZEZA |
| | Sienteme core mio. (a Marcone.) |
| | MARCONE |
| 640 | Manco te sbriche tune? |
| | ZEZA |
| | Ne cano vuoje che mmora? |
| | MARCONE |
| | Li denare... (a Nardo.) |
| | ZEZA |
| | Non siente?... (a Marcone.) |
| | MARCONE |
| | E ’ba a mmalora. (a Zeza.) |
| | L’ammore m’ha mpazzuto, |
| | Lo nteresso mme scanna |
| 645 | E ssa pesta de vecchia mm’ha strodduto. |
| |
| | Mo’ ch’aggio sta stizza |
| | A mmuorze ve magno, |
| | Tu caccia lo vagno (a Nardo.) |
| | Tu squaglia a ’bonora... (a Zeza.) |
| 650 | La carne, o te sgorgio (a Nardo.) |
| | E ancora staje cca. (a Zeza.) |
| | Non serve ssa mpizza, (a Nardo.) |
| | Ca ncanna te nzagno. |
| | Vedite che sfuorgio |
| 655 | Nfettanno mme va. (a Zeza.) |
| |
| | SCENA IV |
| |
| | ZEZA, NARDO, e po MENELLA. |
| |
| | ZEZA |
| | Comme l’ha ditta bella; |
| | E non sa lo scasato |
| | Ca a ’buon cavallo, non le manca sella. |
| | NARDO |
| | Si è no ciuccio mmardato |
| 660 | Non canosce lo ’buono. |
| | ZEZA |
| | E ’bì si la pretenne, e stace ntuono. |
| | Ma dillo tu ncoscienzea; |
| | Sta bella carnatura, sta maneila, |
| | Quanto va? |
| | NARDO |
| | Va no gnuoccolo. |
| | ZEZA |
| 665 | Parla buono schfienzeja |
| | O nfronte te l’abbio mo’ no zuoccolo. |
| | Che d’è? stisse tu puro nguarnascione? |
| | NARDO |
| | Va te stipa ca si’ no calascione. |
| | ZEZA |
| | So’ ’calascione! a guitto mala razza |
| 670 | Mo’ t’aghiusto. Menella. |
| | MENELLA |
| | Che ’buoje? |
| | ZEZA |
| | Piglia na mazza. |
| | NARDO |
| | Gnornò ca site bella, anze bellissema. |
| | MENELLA |
| | Che d’è ssa guittaria? |
| | ZEZA |
| | So’ calascione ne! brutto anemale. |
| | MENELLA |
| 675 | N’è niente ha pazzeato. |
| | ZEZA |
| | La paghe malenato, e pe nzegnale, |
| | Mme mozzeco lo dito. |
| | NARDO |
| | Ente chi vo’ marito. |
| | Na vecchia fgavenata, |
| 680 | Na papara moccosa, |
| | Na vavosa, na grimma, n’arrappata! |
| | MENELLA |
| | Zitto; ca si’ sopierchio. |
| | ZEZA |
| | Siente ’brutto campierchio |
| | Io non songo de chelle |
| 685 | Che mm’alliscio, mme rado |
| | Che mme stiro la pelle, |
| | Che songo tutta magra, e solemato, |
| | Ca si le vase, rieste ntossecato. |
| |
| | Sedunto, fetente, |
| 690 | E sienteme, siente; |
| | Na cosa cchiù bella |
| | De chesta faccella |
| | Trovà chi la pò. |
| | Vi cca malandrino, |
| 695 | Si vace a ccarrino |
| | Sto fusto attellato; |
| | Mm’addora lo shiato, |
| | E saccio abballare, |
| | Te videme cca... |
| 700 | Te siente crepare, |
| | Va mpiennete mo’. (abballa.) |
| |
| | SCENA V |
| |
| | NARDO, e MENELLA. |
| |
| | NARDO |
| | Chessa è ghiuta mpazzia! |
| | MENELLA |
| | Tu puro si’ ’sopierchio. |
| | NARDO |
| | E che’ so’ qua campierchio, |
| 705 | Che ’borria fa l’ammore co n’arpia; |
| | Tu, che si’ no morzillo. |
| | Che non te dico niente; tune o cara |
| | Mme tire, ca si’ propeo na vorpara. |
| | MENELLA |
| | (Spassammoce tantillo) |
| 710 | E ttune a ’poco, a poco. |
| | Mmell’aje puosto lo chiuovo int’a sto core. |
| | NARDO |
| | A mme decite? a mmene? |
| | MENELLA |
| | Sine: schiecco d’ammore. |
| | Sine nennillo, sine |
| 715 | Co ss’uocchie me frezzie, |
| | Ca sparano frezzeate. |
| | NARDO |
| | Co ’bona sanetate. |
| | MENELLA |
| | Ssa vocca, è na peschera, |
| | Che la grazea nce sta pe ’pescetiello. |
| | NARDO |
| 720 | Addonca songo bello? |
| | MENELLA |
| | Bello! e de che ’manera; |
| | Lo ssacc’io che ’patesco tanto male. |
| | NARDO |
| | Sopporta n’autro ’poco... |
| | MENELLA |
| | (O che anemale.) |
| |
| | Ninno bello fatillo d’ammore. |
| |
| | NARDO |
| |
| 725 | Nenna bella fatella d’ammore. |
| |
| | MENELLA |
| |
| | Mme frezzie, co ss’uocchie cianciuse. |
| |
| | NARDO |
| |
| | M’addecrie, co ss’uocchie ammoruse. |
| |
| | MENELLA |
| |
| | Ah!... lo core... |
| |
| | NARDO |
| |
| | Menella ch’è stato? |
| |
| | MENELLA |
| |
| | Na frezzata... mo’ moro... pe tte. |
| |
| | NARDO |
| |
| 730 | Tu si’ pazza; ssa cosa, che d’è? |
| |
| | MENELLA |
| |
| | Mala razza se parla accosì; |
| | Va a malanno, non faje cchiù pe mme. |
| |
| | NARDO |
| |
| | Ne Menella, te cagne accossì. |
| | Siente bella. |
| |
| | MENELLA |
| |
| | So’ sorda, non sento. |
| |
| | NARDO |
| |
| 735 | Sto trommiento mme daje, e perché? |
| |
| | MENELLA |
| |
| | Non mme sierve, no faje chiù pe mme! |
| |
| | NARDO |
| |
| | Comm’è stato? tornammolo a ddi’. |
| |
| | MENELLA |
| |
| | Si’ scordato? tornammolo a ddi’. |
| |
| | SCENA VI |
| |
| | COLA, e TORE. |
| |
| | COLA |
| | Qual è st’ affanno, o Tore, |
| 740 | Che tanto te trommenta? |
| | TORE |
| | Lo ssa st’affritto core, |
| | Che senza avè arrepuoso, e ppate, e stenta. |
| | COLA |
| | Fuorze dinto a qua ntrico, |
| | Te truove mmertecato? |
| 745 | Parla, spapura, ammico, |
| | Dimmelo; ca fedele io te so’ stato. |
| | TORE |
| | Tu mme porrisse, tune, |
| | Fare ascì da sti guaje, |
| | Che la sciorte mme manna a ’buonnecchiune; |
| | COLA |
| 750 | E comme? tu non saje, |
| | Ca t’apprezzo, te stimmo, e boglio bene; |
| | Non saje, ca da ste ’bene, |
| | Lo sango spennarria, pe tte da gusto? |
| | Addonca parla; e lassa fa a sto fusto. |
| | TORE |
| 755 | Perché saccio, ca bbene mm’aje voluto, |
| | Te dico... |
| | COLA |
| | Su spapura. |
| | TORE |
| | Ca tu te piglie Lisa; Tore è ghiuto. |
| | COLA |
| | E si è pe chesso non avè a ppaura; |
| | Io pigliareme Lisa! e non sia maje! |
| 760 | Chiù priesto vedarraje |
| | Senza arene lo mare, |
| | Senza stelle lo Cielo; |
| | Chesto no lo ppenzare, |
| | Ca a la sciamma de chella, io so’ no jelo. |
| 765 | Io lassà Ciulla mia... |
| | TORE |
| | O vocca bella |
| | Mm’aje tutto conzolato. |
| | Mo’ sorzeta lo core, e piglia sciato. (se nne va.) |
| |
| | SCENA VII |
| |
| | COLA sulo. |
| |
| | COLA |
| | Mo’ che si nfra no mare |
| | D’affanne, e de trommiente, |
| 770 | Che pienze o core; e che resuorve fare? |
| | Si st’arma sconzolata |
| | Fravecaje le castella |
| | De le speranze soie ncoppa a le nnuvole; |
| | Perchene dette creddeto |
| 775 | A mpromesse de femmena, |
| | De chi po, de na nata nvarvaria; |
| | D’una, che rride de la pena mia! |
| |
| | SCENA VIII |
| |
| | LISA, e lo stisso. |
| |
| | LISA |
| | (La nova che mo’ nnanze |
| | Marcone mm’ave data; |
| 780 | O quanto è stata bella!) |
| | Ma veccotillo cca... Marito mio |
| | COLA |
| | Marito mio! va chiano |
| | Sto nomme n’è pe mmene. |
| | LISA |
| | Ed accossine o cano |
| 785 | Tratte, chi te vo’ bbene? |
| | E non s’apre la terra, e te zeffonna, |
| | O fauzo, o ngannatore. |
| | COLA |
| | Si vuoje, che te responna |
| | Parla de tutto, e non parlà d’ammore. |
| | LISA |
| 790 | Già lo ssaccio, ca tune |
| | Pe Ciulla tiene mpietto na fornace. |
| | COLA |
| | E mente tu lo ssaje te puoje dà pace. |
| | LISA |
| | Ma si parlasse a chella, |
| | Pe cchi tiene a lo core na carcara; |
| 795 | Che te derrisse? |
| | COLA |
| | Io le derria o bella... |
| |
| | SCENA IX |
| |
| | CIULLA, che mente esce se fremma pe ssentì, e li stisse. |
| |
| | CIULLA |
| | O bella mia, o cara. |
| | (Uh! marame che sento!) |
| | COLA |
| | Viene dinto a sto pietto |
| | Viene stella d’ammore, |
| 800 | Viene... |
| | LISA |
| | Vasta no cchiune. |
| | CIULLA |
| | (Ah tradetore!) |
| | LISA |
| | (Io sto mmiezo a li nganne!) |
| | COLA |
| | Ed accossì contiente, |
| | Nc’accocchiarriamo. |
| | LISA |
| | Cierto. |
| | CIULLA |
| | E lo Cielo ve guarde pe cient’anne. |
| | COLA |
| 805 | Ciulla mia, luna, stella, (s’azzecca.) |
| | Viene... |
| | CIULLA |
| | Tu co cchi ll’aje; va dillo a chella. |
| | LISA |
| | (La farzata è scomputa!) |
| | COLA |
| | Lisa?... |
| | LISA |
| | Che malann’aje, Ciulla è bbenuta. |
| | COLA |
| | Ciulla cara... |
| | CIULLA |
| | No cchiù, ca mm’aje accisa. |
| | COLA |
| 810 | Siente?... |
| | CIULLA |
| | Che bbuoje da me, va parla a Lisa. |
| | COLA |
| | Lisa parla pe mme... Ciulla, ch’è stato? |
| | LISA |
| | Io so’ mmuta. |
| | CIULLA |
| | Io so’ sorda. |
| | COLA |
| | Io so’ ’barato. |
| |
| | Fauzo Ammore, e quanta stiente: |
| | Tu vuoje fareme patì! |
| 815 | Io te parlo, e tu non siente. (a Ciulla.) |
| | Ncuocce tu: tu te confunne. |
| | Tu mme fuje. Tu non respunne. (tutte doie.) |
| | Co ste cose che ’facite, |
| | Mme volite fa morì; |
| 820 | N’è lo vero?... n’è accossì! |
| |
| | SCENA X |
| |
| | CIULLA, e LISA. |
| |
| | CIULLA |
| | Sia Lisa? si’ contenta? |
| | LISA |
| | Ciulla pretienne cchiune? |
| | CIULLA |
| | La porrisse fornì. |
| | LISA |
| | Puoje scompe tune. |
| | Te vuoje mette co ’mico, |
| 825 | Tu che non saje, chi si’, né da ddo’ viene. |
| | CIULLA |
| | A sia Li’? siente a mmene |
| | Io non so’ mmaje co ttico |
| | Venuta a competenzeja; |
| | Ma non me ghi fruscianno, |
| 830 | Ca mme farraje scappare la pacienzea. |
| | LISA |
| | Tieme’, potta d’aguanno, |
| | Chi se face a tenere! |
| | Tu vaje cercanno guaje; |
| | Cola non è pe tte. |
| | CIULLA |
| | Tu manco ll’aje. |
| | LISA |
| 835 | Va t’arrecetta squaglia; |
| | Capone... |
| | CIULLA |
| | Io sto secura, |
| | Ca non la spunte none. |
| | LISA |
| | Cola sarrà lo mio; |
| | Così bbo’ la raggione, |
| 840 | Lo patre accossì bo’; cossì vogl’Io. |
| | CIULLA |
| | Non saccio che me cunte, |
| | No resoluto core |
| | Sa, che sse fa, quanno l’attizza ammore. |
| |
| | No sciummo, che correnno, |
| 845 | Da na montagna scenne; |
| | È pazzo chi pretenne |
| | Volerelo fremmà. |
| | Tu mo’, mme vaje decenno, |
| | Ch’io lasse d’ammà Cola. |
| 850 | Te ntenno; Ma ssa scola |
| | A ttene la puoje dà. |
| |
| | SCENA XI |
| |
| | LISA sola. |
| |
| | LISA |
| | O Lisa sbentorata, |
| | Vide a che negra sciorte t’ha arreddutto, |
| | De no sgrato l’ammore. |
| 855 | Ah! cano senza core |
| | Che ’buo’ vedè de cchiune? |
| | Viene, e accideme tune |
| | Già ch’aje gusto; che mmora, |
| | Sì ca voglio morire; e triche ancora? |
| 860 | Ma, che ddico? so’ ppazza! |
| | Mora Cola lo nfammo, |
| | Lo perro malarazza, |
| | Che de lo chianto mio, se gosta, e rride; |
| | Mora lo nfammo, mora... e chi l’accide! |
| 865 | Ahjemmè; ca già sbarejo! |
| | Chiù allerta non ’me rejo! |
| | Jettammonce cca nterra; |
| | E mente a st’arma mia |
| | Ammore, e gelosia, mme fanno guerra, |
| 870 | Ne scompere la vonno; |
| | Vienemo tune, a conzolare, o suonno. |
| |
| | Viene o suonno, e chisto core, |
| | Che sta chino de dolore, |
| | Fa no poco arreposà... |
| |
| | SCENA XII |
| |
| | TORE, e la stessa che dorme. |
| |
| | TORE |
| 875 | T’haje da straccquà na vota |
| | O sciorte, che ddelluvie li malanne |
| | Ncuollo a nn’affritto core. |
| | E tu Lisa porzine |
| | La scomperraje... che ’beo, |
| 880 | Dorme la nenna bella? ed accossine, |
| | Rieste o Tore de jelo accanto a chella? |
| | Mo’ puoje... ma no, ch’è ppeo; |
| | La modestia me mmezza, |
| | Ca sulo pò abbastà, |
| 885 | Ch’io pozza contemprà tanta bellezza. |
| |
| | Mo’ che porzì so’ chiuse |
| | Chesse popelle belle |
| | Jettano fuoco, e frizze, |
| | Pe ’fareme morì. |
| 890 | E già, che ’bole ammore, |
| | Che siano sse ’bellizze |
| | Ssi ciance grazejuse |
| | Trommiento de sto core; |
| | Gaudimmole accossì. |
| |
| | LISA |
| 895 | Caro non te partì... (nzuonno.) |
| | TORE |
| | Che ddice a mmene? |
| | LISA |
| | Core mio bello viene... |
| | TORE |
| | Songh’io, o non sonch’io; |
| | Co chi parla la bella! |
| | LISA |
| | E bbiene, oh Dio, |
| | Viene sbrannente Stella... |
| | TORE |
| 900 | Parla nzuonno, e mme chiamma. |
| | Cara; che ’buoje che faccia? |
| | Dov’aggio da venì. |
| | LISA |
| | Viene a chi t’amma. |
| | TORE |
| | Veccome... |
| | LISA |
| | Chi mme sceta... |
| | Da me, che bbuoje? da ddove si’ sguigliato! |
| | TORE |
| 905 | No cara t’accojeta |
| | Steva a chillo pontone e mm’haje chiammato. |
| | LISA |
| | Io a ttene? |
| | TORE |
| | Sì tune, |
| | Ammoruso confuorto. |
| | LISA |
| | Via via, zitto no cchiune |
| 910 | Va sfrattanno da cca, ch’aje ntiso stuorto. |
| | TORE |
| | E addo’ vogl’ire o cara, |
| | Si tu co sse bellizze |
| | Sempe aghiugne cchiù fuoco a chella sciamma |
| | Che pe tte mm’arde mpietto; |
| 915 | Non esse bella si non voje; che t’amma. |
| |
| | Quanno porzì so’ chiuse |
| | Chesse ’popelle belle |
| | Jettano fuoco, e frizze, |
| | Pe ffareme morì. |
| |
| | SCENA XIII |
| |
| | LISA sola. |
| |
| | LISA |
| 920 | Cielo; e che cchiù despietto |
| | Puoje fare a nna fegliola? |
| | Pe dareme arrecietto. |
| | Nzuonno me manne Cola, |
| | E po, pe cchiù dolore |
| 925 | Mme sceto chiammo chillo, e trovo a Tore? |
| | Te ntenno, sì te ntenno |
| | Fortura mia mperrata |
| | Tu chesso vaje facenno. |
| | Pe ’fareme morì, da desperata. |
| |
| 930 | Già sento a sto pietto |
| | Despietto, ed ammore, |
| | Che a st’arma, a sto core |
| | Le moveno guerra, |
| | E mmorta cca nterra |
| 935 | Mme vonno vedè. |
| | Che ’dico, non saccio; |
| | Che faccio! che ’boglio! |
| | O Cielo, e che mbruoglio, |
| | È chisto pe mme. |
| |
| | SCENA XIV |
| |
| | ZEZA e MENELLA, scopanno mmocca a la casa. |
| |
| | ZEZA |
| |
| 940 | Addo’ te mozzecaje la tarantella, |
| | Me mozzecaje lo pede; ahiemmè ca moro, |
| | Me mozzecaje lo pede, e bbo’, che abballa; |
| | E addo’ te mozzecaje... |
| |
| | MENELLA |
| | Tu mm’aje strodduta. |
| | ZEZA |
| 945 | Trevellessa verruta |
| | Ammafara ssa vocca; |
| | Va dinto, e porta caà da fatecare. |
| | MENELLA |
| | Mo jammo. (Menella trase dinto la casa.) |
| | ZEZA |
| | E non trecare. |
| | A ttene, a tte copinto. |
| 950 | La speranza de Zeza arrecommanno |
| | E quanno mme conzuole, quanno; quanno? |
| | Non viene cchiù; Menella? |
| | MENELLA |
| | Chiano, mo’ vengo aspetta; |
| | Veccome cca, che d’è? |
| | ZEZA |
| 955 | Te nfade n’è lo ve’, sia moccosella (torna Menella co na conocchia e na cauza.) |
| | Miettete a fatecare, e cca t’assetta. |
| | MENELLA |
| | Gnorsì: ma ve volimmo cca ’becino. (s’assettano.) |
| |
| | SCENA XV |
| |
| | NARDO mmocca a la Taverna, e le stesse. |
| |
| | NARDO |
| | Havimmo seje de vino. |
| | E cinco so’ de pane, che fan’unnece; |
| 960 | Quatto de carne, e trippa, che so’ quinnece. |
| | L’arrusto che so’ binte, |
| | Quatto de companaggio vintequatto: |
| | Seje de prode ve faccia, che so’ trenta. |
| | Pigia sso vagno, ca lo cunto è ffatto. |
| | ZEZA |
| 965 | (L’ammore, mme trommenta!) (faticano.) |
| | MENELLA |
| | (Sto ffatecà, mme nfetta abbuonecchiune!) |
| | NARDO |
| | Oh! cca staje Menella. |
| | MENELLA |
| | E cca si’ ttune? |
| | NARDO |
| | Sine si’ sciamma bella de sto core. |
| | MENELLA |
| | Va cchiù llà co lo ciuccio; aje fatto arrore. |
| | ZEZA |
| 970 | Ohie, sciagallo campierchio, |
| | Tu da chessa che bbuoje; mo’ si’ ’sopierchio. |
| | NARDO |
| | Che malann’aje, ch’è stato? |
| | MENELLA |
| | Sciollà, fruste vattenne. |
| | NARDO |
| | Che so’ gallina, o gatta! |
| | ZEZA |
| 975 | Si’ na smorfea redicola. |
| | NARDO |
| | So’ la mala sciagura, che te vatta; |
| | Siate accise ncocchia. |
| | ZEZA |
| | Vattenne. |
| | NARDO |
| | Pe despietto. |
| | Te voglio straccià tutta ssa conocchia. (se sose l’afferra.) |
| | MENELLA |
| 980 | Ah! frabutto, guittone, |
| | Mo’ te voglio agghiustà. (s’auza Menella e piglia na scopa.) |
| | ZEZA |
| | Dalle Menella... |
| |
| | SCENA XVI |
| |
| | SCERVECCHIA, e li stisse. |
| |
| | SCERVECCHIA |
| | Ched’ è ssa guittaria? |
| | Mara me poverella |
| | Neputemo, va dinto. (traseno Zeza e Menella.) |
| | NARDO |
| 985 | N’è niente, pazzejavamo; covernate. |
| | SCERVECCHIA |
| | Da ddo’ è sguigliata tanta confedenzeja. |
| | A ghire pazzejanno |
| | Co la stoppa de Ziema, bon’ora? |
| | Buono, ca se nn’è ghiuto, |
| 990 | Ca si no, già lo sango |
| | Se jeva ntrovolanno; Ma no juorno |
| | Neanche torno da Puortece. |
| | Si mme vene pe proda, arrassosia. |
| | Nne voglio fa no stuppolo, |
| 995 | Lo voglio dessossà ncoscienzeja mia. |
| |
| | Si ncappa a cheste ’mano |
| | Sso lazzarone cano; |
| | De scervecchiune e scoppole |
| | De cauce muorze, e pizzeche, |
| 1000 | Schiaffune, buffe, e ’puneja, |
| | Uh quanta nn’ha d’avè! |
| | O puro co na perteca |
| | Si arrassosia mme stizzo, |
| | Le faccio no carizzo |
| 1005 | Nfra capo, cuollo e fspalle; |
| | E ’dalle, e ’dalle, e ’dalle, |
| | L’agghiusto pe sì affé. |
| |
| | SCENA XVII |
| |
| | MARCONE, e CIULLA. |
| |
| | MARCONE |
| | Va decenno che d’aje? |
| | CIULLA |
| | Veo, ca sulo pe mmene |
| 1010 | Le scajenze, si guaje, |
| | Ll’una va, l’autro vene |
| | Ne la scompeno maje, de mme fa guerra. |
| | MARCONE |
| | Che d’aje; chi te secuta? |
| |
| | SCENA XVIII |
| |
| | COLA, de banna e li stisse. |
| |
| | COLA |
| | (E da qua negra stella |
| 1015 | Sta scajenza è benuta?... O! veccotella |
| | E nc’è tata porzine?) |
| | MARCONE |
| | Statte allegra scialammo; |
| | Via sfratta sso trommiento. |
| | Vecco la sciorte, che te sta stepata; |
| 1020 | Stienne cca ssa vranzolla, o nenna d’oro; |
| | Ca mo’ sarraje contenta, e mmaretata; |
| | Damme la mano, priesto. |
| | CIULLA |
| | (Ajemmè.) |
| | COLA |
| | (Mo’ moro!) |
| | MARCONE |
| | Priesto damme ssa mano, |
| | Sbrecammonce... |
| | CIULLA |
| | Sì... ma... (mente va pe stennere la mano Ciulla Cola s’azzecca.) |
| | COLA |
| | Tata, va chiano. |
| | CIULLA |
| 1025 | (Ecco lo tradetore!) |
| | MARCONE |
| | Che d’è ssa fenzejone? |
| | COLA |
| | Vo’ lo ghiusto l’annore, |
| | Lo Munno, e la raggione |
| | Ch’arreciette a mme primmo; e po tu puoje |
| 1030 | (Ssa perra nguadeà) piglià chi vuoje. |
| | CIULLA |
| | (O cano!) |
| | COLA |
| | (Arma de scuoglio.) |
| | MARCONE |
| | Lisa stace pe ttene... |
| | COLA |
| | Io non la voglio. |
| | MARCONE |
| | E ssi chesto non faje, |
| 1035 | Di’ ca patre non aje, |
| | Sfratta mo’ da la casa; è pe sso Munno, |
| | Te nne puoje ghire spierto e vagabbunno; |
| | Sfratta a chesta pedata. |
| | COLA |
| | Mo’ mme nne vao correnno, |
| 1040 | Ca chesto, non mme coce, |
| | (Azzò che guode tune arma nperrata!) |
| | E ghiarraggio decenno |
| | Addo’ vao, addo’ arrivo, ad auta voce |
| | De no patre crodele |
| 1045 | L’armo de sdigno armato; |
| | De n’ammante nfedele |
| | Lo core ntossecato, |
| | E si la doglia ch’aggio |
| | Vencere non porrà la sciorte mia |
| 1050 | Si: ca mbe’ trovarraggio |
| | De morire la via, |
| | P’ascì da tanta pene |
| | E dà gusto e contiento a ttene, e a ttene. |
| |
| | So’ ’na Tigra nfurejata, |
| 1055 | Che stezzata |
| | Mmiezo a ccane, e ’cacciature, |
| | Cerca vencere, e morì. |
| | Ed io mmiezo a le sbenture, |
| | Tengo n’arma tanto forte, |
| 1060 | Che la morte |
| | Non l’abbatte, o la spaventa. |
| | (Si’ contenta? parla di’.) (a Ciulla.) |
| |
| | SCENA XIX |
| |
| | CIULLA, e MARCONE. |
| |
| | CIULLA |
| | Cola mio ddo’ si’ ghiuto... |
| | Tu spierto... ed io nce corpo... (e campo ancora!) |
| | MARCONE |
| 1065 | Oh! ca nne songo asciuto |
| | Una vota pe sempe a lla ’bonora! |
| | Su via dammo addo’ tene, |
| | Accocchimmonce sune, |
| | Fa priesto Ciulla... |
| | CIULLA |
| | A mmene? |
| 1070 | Cola t’è figlio, e ’tune |
| | O turco scanoscente |
| | Ne lo caccie... |
| | MARCONE |
| | E che d’è? |
| | CIULLA |
| | Te pare niente, |
| | Mannà spierto no figlio? e mmo’ pretienne |
| | A mme de te pigliare? |
| | MARCONE |
| 1075 | E tu che nne vuoje fare... |
| | Nguadeammonce priesto. |
| | CIULLA |
| | Ssa mingrea levatella. |
| | Si a no figlio faje chesto; |
| | Che farrisse a nna Schiava poverella? |
| |
| 1080 | Perde lo figlio ammato |
| | L’affritto Rescegnuolo |
| | E senza avè conzuolo |
| | Sempe chignenno va. |
| | E a tte core mperrato, |
| 1085 | Qual armo, e qua conziglio |
| | No figlio sbentorato |
| | Spierto te fa mannà. |
| |
| | SCENA XX |
| |
| | MARCONE sulo. |
| |
| | MARCONE |
| | Quanto cchiù ’bao penzanno |
| | A Cola, a Ciulla, io cchiù mme veo perduto; |
| 1090 | Ahu! potta d’aguano |
| | Lo ’parlare de chesta mm’ha strodduto. |
| | Facite vuje pe mmene o ammore o sciorte, |
| | E adderezzate vuje sse gamme storte. |
| |
| | SCENA XXI |
| |
| | ZEZA, e MENELLA. |
| |
| | ZEZA |
| | Ma tu nepote mia, cierto si’ pazza. |
| 1095 | Co ’bolere de audienzeja a sso schefice. |
| | MENELLA |
| | Non è comme la cunte. |
| | Nè manco è quanto dice; |
| | Ma ca fosse lo vero; che te pare? |
| | Nardullo è paro mio, |
| 1100 | Né chessa sciorte mme vorria guastare. |
| | ZEZA |
| | Na vota ch’aje golio |
| | De pigliare marito, che ’te manca |
| | No bello giovaniello, |
| | Che ’baa vestuto a ll’uso, |
| 1105 | Si a la dote che ’tiene figlia mia |
| | Chi manco cride, se nce calarria. |
| | MENELLA |
| | A Zi’? no nne staje ntesa de sso fatto. |
| | Tu mo’ vorrisse, che io dasse audienzea |
| | A qua, ’perucca, e ’posema; e non saje |
| 1110 | Ca addove vide sfarze; tubba, e sfuorge, |
| | Llà songo cchiù l’arzure, e cchiù li guaje. |
| | ZEZA |
| | Allo mmacaro abbusche qua rialo, |
| | Da chisse nenna mia. |
| | MENELLA |
| | Chessa puro e ’buscia, |
| 1115 | Mo’ li tiempe so scarze, |
| | E li Milorde stanno asciutte, ed arze. |
| | ZEZA |
| | De chesso, che nne saje? |
| | Da chi ll’aje ntiso dire? |
| | MENELLA |
| | Si sapere lo ’buoje, stamme a sentire. |
| |
| 1120 | Quanno vao dinto Napole, |
| | Mille de ssi fraschette, |
| | Sì, ca nne trovo sì. |
| | Uno co na raschetta, |
| | Fa zinno, e mme saluta. |
| 1125 | N’autro co no zì zì |
| | Appriesso mme secuta, |
| | Po n’autro ’me s’accosta, |
| | E co na facce tosta |
| | Sospira, parla, e ’dice, |
| 1130 | Minella mia Minella, |
| | Cotesta faccia bella; |
| | Il cor mi spertuggiò: |
| | Ma po de chisto e chille |
| | Si vide li vorzille |
| 1135 | È propejo na piatà. |
| | Chi co le ceremonie |
| | Trasire vole ngrazeja; |
| | Chi, ca non ha, che spennere, |
| | Te conta na desgrazeja |
| 1140 | E nzomma Zia mia |
| | Do nc’è milordaria |
| | No callo no nce sta. |
| |
| | SCENA XXII |
| |
| | ZEZA, po NARDO, e po MENELLA. |
| |
| | ZEZA |
| | Quanto fa sta fraschetta |
| | Non se pò di’ de cchiune. |
| | NARDO |
| 1145 | Nzomma vota, e ’revota... |
| | ZEZA |
| | O cca si’ ’tune |
| | Curre Menella, curre, |
| | Pagame mo’ la stoppa; |
| | MENELLA |
| | Caccia mo’ li denare; |
| | NARDO |
| | Chesso ched’è lassateme sciatare. |
| | MENELLA |
| 1150 | No la passe pe coppa, |
| | ZEZA |
| | Ente freuma ch’aje tune! |
| | NARDO |
| | Sentite a mme, no cchiune, |
| | Vuje sapite ca ncuollo |
| | Non aggio maje no chiallo; |
| 1155 | E sapite porzine, |
| | Ca si paro scioruto comme a bruoccolo, |
| | E tu mme vinne ncagliara, |
| | De lo cuorejo mio, non n’haje no gnuoccolo. |
| | ZEZA |
| | Non la passe accossine. |
| | MENELLA |
| 1160 | Sse smorfeje non mme servono. |
| | NARDO |
| | E sienteme bonora, che d’è stato? |
| | ZEZA |
| | Va decenno. |
| | NARDO |
| | Tu saje ca lo patrone, |
| | Tene na gran provista; lloco ncoppa. |
| | ZEZA |
| | E che pe chesto? |
| | NARDO |
| | Io mone |
| 1165 | Saglio pe sta fenesta a la despenza, |
| | Pe ghì a ghioquà de renza. |
| | Vuje stateve cca ssotta; |
| | Ca nche arrivo a trasire |
| | V’abbarruco no paro de presotta. |
| | ZEZA |
| 1170 | Fa comme vuoje. |
| | NARDO |
| | Ajutame a ssaglire. |
| | ZEZA |
| | A nnuje. |
| | NARDO |
| | Chiano bon’ora. (s’afferra a la fenesta, e le scappa la mano.) |
| | MENELLA |
| | Afferrate cchiù ncoppa. |
| | ZEZA |
| | Non si’ sagliuto ancora? |
| | NARDO |
| | Nne vottarria li vische de la stoppa. |
| |
| | SCENA XXIII |
| |
| | Mente Nardo sta appiso, MARCONE e li stisse. |
| |
| | MENELLA |
| 1175 | Uh! veccote Marcone. |
| | ZEZA |
| | Annascunnete cano. |
| | NARDO |
| | Ah mamma mia. |
| | MARCONE |
| | Che ’beo? tu, che faje lloco lazzarone? |
| | NARDO |
| | Niente patro’... mo’ dico a lossoria. |
| | MARCONE |
| 1180 | Guardea, guardea, pegliatelo |
| | Fegliu’ scite cca fora |
| | Co spite, e co le barde, a bbuje nfelatelo. |
| | Marejuolo frustato |
| | A lla despenza ne? |
| | NARDO |
| | Siente no poco |
| 1185 | Io... la stoppa... Scervecchia... |
| | MARCONE |
| | Tu, che mmalora dice? |
| | ZEZA |
| | (Che gusto benemio.) |
| | MENELLA |
| | (Già s’è mbrogliato.) |
| | NARDO |
| | Sienteme... io... e ’po tune, |
| | Già saje, ca simmo ammice; |
| 1190 | Mo’ te lo dechiarammo. |
| | MARCONE |
| | E mm’abburle de chiune |
| | Scinne da lloco marranchino nfammo. |
| |
| | Scinne priesto male nato... |
| |
| | NARDO |
| |
| | Io te perdo lo respetto... |
| |
| | ZEZA - MENELLA |
| |
| 1195 | Bene mio, e che spassetto! |
| |
| | MARCONE |
| |
| | Frabuttone scinne cca. |
| |
| | NARDO |
| |
| | Non cchiù mmo’, non t’accostà. |
| |
| | ZEZA - MENELLA |
| |
| | Bello gusto è chisto cca. |
| |
| | NARDO |
| |
| | Uh! bon’ora so’ schiattato. (Nardo mente scenne co la pressa de Marcone cade.) |
| |
| | ZEZA - MENELLA |
| |
| 1200 | Uh che ’butto poveriello. |
| |
| | MARCONE |
| |
| | Nce vo’ peo, mo’ te sbodello |
| | Mo’ te voglio spestellà. |
| |
| | NARDO |
| |
| | Ajutate ’bona gente |
| | Seccorrite pe pietà. |
| |
| | ZEZA - MENELLA |
| |
| 1205 | Via Marcone, ca n’è niente |
| | No cchiù mo’ lassalo sta. |
| |
| |
| |
| |
