| | |
| | |
| | Ll'alloggiamentare, Napoli, Mechele Loise Muzio, 1710 |
| | a cura di Stefania Napolitano |
| |
| |
| |
|
| |
| | LL’ALLOGGIAMENTARE |
| |
| |
| | Commeddia Napoletana composta da lo Dottore Nicola Gianni pe lo Teatro de li Shiorentine in chist’Anno 1710. Dedecata alla Llostriss. e Azzellentiss. Segnora D. Giovanna Pignatiello D’Aragona Pymentel, Y Cortes, Dochessa de Monteleone, e Terranova; Marchesa de lo Vaglio, e de Cerchiara, Prencepessa de lo Sacro Romano Mperio, de Noja, e de lo Castiello-Vetrano, Contessa de Bonello, Baronessa de lo Castiello-Monardo, &c. |
| | A Napole. Pe Mechele-Loise Muzio 1710. Con lecenzia de li Superiure. Se venne sotto la Nfermaria de S. M. la Nova. |
| |
| |
| | Azzellentissema Segnora. |
| | Pare cosa redicola vedere ste doje Alloggiamentare ghì cercanno chi ll’alloggia, e pure è cosa da farne cunto, pocca si l’Azzellenzia Vosta non se nce fosse posta co tant’ammorosanza ad ajutarle, non trovarrianno no poco d’arrecietto, pecché la mmidia l’aveva arredotte de manera, che non potevano comparire pe lo Munno; Ora accossì mente l’Azzellenzia Vosta n’hà pigliato veramente la protettione de ste poverelle, ve pregano a non lassarle d’uocchie, & io che n’aggio avuto l’annore de portarle a li piede de Vosta Azzellenzia, pozza sta securo ca nesciuno mmediuso mme jarrà mormorianno, pocca sanno ca songo |
| | Dell’Azz. Vosta |
| | Devot. Osseq. & Obreg. Servetoriello. |
| | Dot. Nicola Gianni. |
| |
| |
| | Protesta. |
| | Gn’uno sape ca io songo nato a sta Cetà de Napole, addove la Christianetà resprenne chiù che lo Sole; mperzò quarche parola che te paresse illezeta, s’è posta sulo pe acconcià li vierze, e non pe autra cosa. |
| |
| | La Museca è de lo Signo’ Beneditto Riccio. |
| |
| |
| | Le Perzune, che parlano. |
| |
| | MILLA Alloggiamentara. |
| | La Gnora Vettoria Croce. |
| | ZEZA Alloggiamentara. |
| | La Gnora Ursola Baldini Torchetti. |
| | COLA sotto nomme de Liso frate de Quequera. |
| | La Gnora Catarina de Mora. |
| | CIOMMO figlio de Cienzo. |
| | Lo Gno’ Gio: Grieco. |
| | CIENZO Recottaro Patre de Ciommo. |
| | Lo Gno’ Iennaro Oleviero. |
| | CAPETA’ QUEQUERA frate de Cola. |
| | Lo Gno’ Giacchino Corrado. |
| | LELLA Vecchia creata de Milla. |
| | Lo Gno’ Peppo Carpano. |
| | CIULLO Creato de Zeza. |
| | Lo Gno’ Salvatore de Luca. |
| |
| |
| | Lo luoco addo’ se rappresenta è la Dochesca. |
| |
| | Apparenze de scene |
| | La Dochesca. |
| | Porta Capuana. |
| |
| |
| |
| |
| |
