| | |
| | |
| | Ll'alloggiamentare, Napoli, Mechele Loise Muzio, 1710 |
| | a cura di Stefania Napolitano |
| |
| |
| |
|
| |
| | ATTO II |
| |
| | SCENA PRIMMA |
| |
| | MILLA sola scopanno mmocca a la casa, e po LELLA, che esce felanno dala casa de Zeza. |
| |
| | MILLA |
| |
| | Si sto a spasso, si fatico, |
| 465 | Sempe Ciommo sta co mmico; |
| | Né lo veo, |
| | Ma mme creo |
| | De tenerlo sempe nnante. |
| | Che fa Copinto cano, |
| 470 | Te lo mette chiano, chiano |
| | Ncellevriello |
| | N’Ommo bello, |
| | Po se spassa co li chiante. |
| |
| | LELLA |
| | Gnorsì, gnorsì, sto a bascio, (da dinto.) |
| 475 | Oh, oh! chest’è chiù bella! (esce.) |
| | Voglio felare addo’ mme pare, e piace. (Milla, lassa la scopa, e piglia doje segge pe fa la rezza.) |
| | MILLA |
| | Lassame fatecà no pocorillo |
| | A la rezza cca nnanze, |
| | Azzò che si pe sciorte |
| 480 | Vene Ciommo passanno |
| | Vedè lo pozza, e dire |
| | Ch’isso sulo mme face scevolire. |
| | LELLA |
| |
| | A na femmena ch’è nnammorata, |
| | Ogne fuso marito le pare. |
| 485 | Pe l’anchire nce vo’ na jornata, |
| | E se spassa co sempe felare. |
| |
| | MILLA |
| | Lella a la casa mia |
| | T’era dato lo grasso into a lo core; |
| | Sempe stive malata |
| 490 | Pe stare a spasso, e mo’, |
| | Fatiche, t’arreviente, e nce lo bo’. |
| | LELLA |
| | Milla a la casa toja, |
| | Mm’aggio sempe ste vraccia meze strutte, |
| | E songo stata sempe |
| 495 | Na femmena massara; e nzomma mo’, |
| | Ussignoria se pò sapè che bo’. |
| | MILLA |
| | Te si’ pigliata collara? |
| | LELLA |
| | Già so’ sbotata. |
| | MILLA |
| | E che mme mporta. |
| | LELLA |
| | E a mmene, |
| | Che fastidio mme dà si campe n’ora. |
| | MILLA |
| 500 | Parla Le’ co chiù termene, e creanza. |
| | LELLA |
| | Si non vuo’ la resposta statte zitto. |
| | MILLA |
| | Vide ca quarche juuorno |
| | Tu proprio scasarraje sta casa mia. |
| | LELLA |
| | Vuo’ scasà lo malan, che di’ te dia. |
| |
| | SCENA II |
| |
| | LISO, e li stisse. |
| |
| | LISO |
| |
| 505 | Nenna bella, co sta rezza |
| | Che pretienne de ncappà. |
| | Si lo pesce |
| | Trase, & esce |
| | Da la rezza dinto mare, |
| 510 | Io non pozzo chiù scappare. |
| | Pocca sulo ssa bellezza |
| | Seppe st’arma ncatenà. |
| |
| | MILLA |
| | Liso sta rezza cca non piglia pisce. |
| | LISO |
| | Ma ssa mano de latte ancappa core. |
| | MILLA |
| 515 | Non te fa tanto nnanze ca po cade. |
| | LELLA |
| | Liso lassala jre a chesta perra, (nsecreto a Liso.) |
| | Che te mancano femmene, |
| | Vi’ ca cca stammo a Napole |
| | Ogne juuorno ne schiudono, |
| 520 | Et ad ogne pontone |
| | Te nne può anch’ì na sarma. |
| | LISO |
| | Ma non chella che m’hà sperciata st’arma! (a Lella, e po a Milla.) |
| | Addonca sempe a tanta chiante mieje |
| | Tosta te mustre, e buoje, |
| 525 | Che m’accidano schitto st’uuocchie tuoje? |
| | MILLA |
| | Che bolesse lo Cielo, o Liso mio |
| | Ch’accedetare fossero st’uuocchie, |
| | Ca campà non porria, |
| | Chillo che fa morì chest’arma mia. |
| | LISO |
| 530 | Saje pecché tu non truove |
| | A le lacreme toje quarche piatate? |
| | Pecché nn’aje caretate, |
| | Si’ na torca, na sgrata |
| | MILLA |
| | Mo’ sì ca mm’aje nfettata! (se sose de furia, e trase le segge dinto.) |
| | LISO |
| |
| 535 | Non t’arraggià |
| | Non tanto no. |
| |
| | MILLA |
| |
| | Se pò sapè |
| | Da me che buo’. |
| |
| | LISO |
| |
| | Cò mmico di’. |
| 540 | Comm’accossì. |
| | Senza piatà |
| | Mostrà te puo’. |
| |
| | MILLA |
| |
| | Ca mm’amme tu, |
| | Chillo non si’, |
| 545 | Che st’arma cca. |
| | Bene le vo’. |
| |
| | SCENA III |
| |
| | CIENZO, e LELLA. |
| |
| | CIENZO |
| | Lella, Lella che faje. |
| | LELLA |
| | Cienzo mio no lo bide |
| | Ca fatico a sto pizzo, e cca mme steva |
| 550 | Pe nsino a craje matina, |
| | Se tu no mme venive a retrovare. |
| | CIENZO |
| | Lassa, non chiù felare. |
| |
| | Tu nce cride, o no nce cride, |
| | Ca mme tuorce co sto fuso; |
| 555 | E sta mano jancolella |
| | De lo fecato n’ascella |
| | Mm’ha fellato a piezze già. |
| | Tu lo bide, o no lo bide |
| | Dint’a st’arma lo pertuso, |
| 560 | Che non faje a sta pedata |
| | Co sta stoppa na stoppata, |
| | E nce pienze a mme sanà. |
| |
| | LELLA |
| | È lassato lo fuso, e la conocchia |
| | Foss’accisa la stoppa, e chi la fila. |
| | CIENZO |
| 565 | Mo’ te voglio chiù bene, che no primma |
| | Mo’ non te lasso chiù mente so’ bivo, |
| | Pe chessa cortesia, che tu mme faje. |
| | LELLA |
| | Ma non concrude maje! |
| |
| | Tu lo siente, o no lo siente |
| 570 | Lo martiello dell’ammore, |
| | Che te tozzola lo core, |
| | Che d’aprirlo te nne piente, |
| | Ne sto gusto mme vuo’ dà! |
| | Tu tien uuocchie, o si cecato, |
| 575 | Che non bide tanto fuoco |
| | De sto core annegrecato; |
| | Né lo stute chiù no poco, |
| | Ca mme vuoje far’arraggià! |
| |
| | LELLA |
| | Ora sa Cienzo mio |
| 580 | Mme nne voglio saglì ncoppa a la casa. |
| | CIENZO |
| | Gioja mia va vattenne, |
| | Ca nce vedimmo po mmiero sta sera. |
| | LELLA |
| | Viene quanno tu vuoje, |
| | Sto sempe lesta a li commanne tuoje. |
| | LELLA-CIENZO |
| |
| 585 | Ma tu arrecordate |
| |
| | ZEZA |
| |
| | Ca sto mussillo. |
| |
| | CIENZO |
| |
| | Ca st’uuocchio bello. |
| |
| | ZEZA |
| |
| | È lo tentillo. |
| |
| | CIENZO |
| |
| | È lo martiello, |
| |
| | A DUE |
| |
| 590 | De st’anema. |
| | D’ogn’autra/o scordat’ |
| | Vuoglieme bene, |
| | St’arma pe ttene |
| | Già spasema. |
| |
| | SCENA IV |
| |
| | QUEQUERA sulo. |
| |
| | QUEQUERA |
| 595 | Io pe mme so’ mpazzuto, |
| | Voto, e revoto Napole, |
| | Mm’aggio strutte le gamme, e lo cierviello |
| | Né te pozzo chiù ascià frate mio bello! |
| |
| | Uuocchie meje, e che facite, (appassionato.) |
| 600 | Che de lacreme n’anchite |
| | Na cesterna propeo cca? |
| | Ma co sto chiagnere, |
| | Co chiste trivole |
| | Che facio che! |
| 605 | Cossì ha da essere (penza, e po dice.) |
| | Comm’a no pazzo |
| | Vogl’j pe Nnapole, |
| | P’ogne palazzo, |
| | P’ogne suppuorteco |
| 610 | Voglio spià. |
| |
| | SCENA V |
| |
| | CIULLO, che porta sotta la nzalata, e lo stisso. |
| |
| | CIULLO |
| | Mo m’abbusco no buono veveraggio |
| | Pocca da tanto tiempo, (da sé, e Quequera lo sente.) |
| | Non s’è potuto asciare, e lo sio Quequera |
| | Mo’ pe zierto mme dace no cianfrone. |
| | QUEQUERA |
| 615 | Ciullo mme disse tu qua’ bona nova? |
| | CIULLO |
| | A tiempo, a tiempo, e te la voglio dare |
| | Propeo bona. |
| | QUEQUERA |
| | L’avisse asciato |
| | CIULLO |
| | È lesto. |
| | QUEQUERA |
| | Addove stace? |
| | CIULLO |
| | Addove? |
| | Mo’ sì ca tu lo ssaje |
| 620 | Si mprimmo li fellusse no mme daje. |
| |
| | Non so’ papurchio, |
| | Né qua’ Sciaddeo? |
| | Ca si non veo |
| | Nmprimmo lo vagno, |
| 625 | Io mme sparagno |
| | De te lo di’. |
| | Può predecare |
| | A lo desierto, |
| | Pocch’io pe zierto |
| 630 | Non te lo dico, |
| | Si tu co mmico |
| | Mo’ sgrato si’. |
| |
| | QUEQUERA |
| | Tu vide chesta vorza? |
| | CIULLO |
| | Che so’ cecato. |
| | QUEQUERA |
| | Ora chesta te juro, |
| 635 | Te la do ncarne, e nn’ossa comme stace. |
| | CIULLO |
| | Mme nne daje la parola? |
| | QUEQUERA |
| | La mecco a chisto pizzo. (Quequera mette nterra la vorza.) |
| | CIULLO |
| | Ora mo’ sacce. |
| | Ca mente stea accattannome st’arucule |
| | Sti rafanielle, e sta nzalata ccane |
| | QUEQUERA |
| 640 | Addove? |
| | CIULLO |
| | A lo Mercato, |
| | Io ll’aggio visto. |
| | QUEQUERA |
| | E comme? |
| | CIULLO |
| | Mmiezo a la folla |
| | QUEQUERA |
| | E tune |
| | CIULLO |
| | Io stanno lesto |
| | So’ ghiuto reto pede reto pede. |
| | QUEQUERA |
| | Che signe beneditto! & aje po visto, (Quequera abbraccia Ciullo.) |
| 645 | Addove è ghiuto? |
| | CIULLO |
| | E comme? |
| | Non saje tu chella chianca a lo pontone? |
| | QUEQUERA |
| | La chianca de Marzullo? |
| | CIULLO |
| | Chella propeo; |
| | Sott’a chillo chiancone s’è schiaffato. |
| | QUEQUERA |
| | Scurisso annegrecato, (da sé.) |
| 650 | A che l’ave arreddutto l’abbesuogno! |
| | CIULLO |
| | Io ntanno lesto co na fonecella |
| | Ll’aggio legato ncanna, |
| | E nascuosto mo’ sta a na zierta vanna. |
| | QUEQUERA |
| | A fratemo? |
| | CIULLO |
| | Chi frateto, lo cane |
| 655 | Che perdiste, non saje, io ll’aggio asciato. |
| | QUEQUERA |
| | Te cca lo veveraggio. (le dà no scoppolone.) |
| | CIULLO |
| | Uh mamma mia? |
| | QUEQUERA |
| | Che puozz’essere acciso. (lo secuta.) |
| | CIULLO |
| | Chesso de cchiune. |
| | QUEQUERA |
| | Aspettame cuornuto. |
| | Ca te voglio agghiustare. |
| | CIULLO |
| | Ajuto, ajuto. |
| |
| | SCENA VI |
| |
| | ZEZA da lo Barcone, e li stisse. |
| |
| | ZEZA |
| 660 | Chiano, chiano sio Quequera, ch’è stato! |
| | E non te piglie scuorno |
| | Pigliaretella co no peccerillo? |
| | QUEQUERA |
| | Siente cca Zeza mia. |
| | CIULLO |
| | Che buo’ di’? |
| | QUEQUERA |
| | Mo’ lo siente. |
| | ZEZA |
| 665 | Che t’accorre? |
| | QUEQUERA |
| | Sto schefienza |
| | CIULLO |
| | Sentiteme |
| | QUEQUERA |
| | Mo’ le do nautra chiechera! |
| | ZEZA |
| | Agge no po’ de freoma. |
| | QUEQUERA |
| | Sacciate |
| | CIULLO |
| | Patrò n’è beretate. |
| | QUEQUERA |
| | E manco la fornisce! |
| | ZEZA |
| | Comme ncoccia! |
| | QUEQUERA |
| 670 | Mente cca stea |
| | CIULLO |
| | E lo puo’ di’ ncoscienzia! |
| | QUEQUERA |
| | Sta a bedè si mme scappa la pacienzia! |
| | ZEZA |
| | Nsomma se pò sapè ch’avite avuto? |
| | CIULLO |
| | Ntanno mme nne venea |
| | QUEQUERA |
| | Sta nzalluto |
| | CIULLO |
| | Signornò, n’è llo vero |
| | QUEQUERA |
| 675 | Ah, ah, chest’è chiù bella! |
| | CIULLO |
| | Uscia |
| | QUEQUERA |
| | E tu |
| | CIULLO |
| | Non steva cca? |
| | QUEQUERA |
| | Mo’ nnante, |
| | Non si’ benuto? |
| | CIULLO |
| | Et io non t’aggio asciato? |
| | QUEQUERA |
| | E che mm’aje ditto |
| | CIULLO |
| | A mme |
| | QUEQUERA |
| | Chesto de cchiune! |
| | Lo vorria sazià de secozzune! |
| | ZEZA |
| 680 | Ora via saglietenne schefenzuso, |
| | Da’ la nzalata a Lella, |
| | E di’ ch’allesta |
| | Lo magnà pe stasera. (da parte.) |
| | CIULLO |
| | Mo’ saglio; (nsomma a no paese stammo, |
| 685 | Addo’ nuje peccerille |
| | Sempe mazze abboscammo, e ncrosione, |
| | Maje avimmo trecchialle de raggione.) |
| |
| | SCENA VII |
| |
| | QUEQUERA e ZEZA. |
| |
| | QUEQUERA |
| | Ora che si’ restata, |
| | A sto barcone o fata, |
| 690 | Saname sta stoccata, |
| | Che co ll’auta spata, e col cortello |
| | Del vostro chiù che bello |
| | Mussillo tennerello |
| | Mm’avite fatto dinto al fecatello. |
| | ZEZA |
| 695 | Quequera non credeva, |
| | Ca tu sapive tanto; |
| | Ma mo’ che chesto saccio, |
| | Chiù bene assaje te nne vorraggio appriesso |
| | (Quanno si’ muorto ciesso.) |
| | QUEQUERA |
| |
| 700 | Addonca fata mia |
| | Lo pozzo dire ne. |
| | Ca sulo ussignoria |
| | Mme vole bene già? |
| | Azzò ch’ogn’uno saccia |
| 705 | Ca spaseme pe mme, |
| | Ch’è buono che te faccia |
| | Da tutte respettà. |
| |
| | ZEZA |
| | Chiano non dire chello che non è. |
| | QUEQUERA |
| | E comme? |
| | ZEZA |
| | Siente a mme. |
| |
| 710 | Te voglio bene sì, |
| | Ma siente lo pecché; |
| | Pecché si’ spacca, e pesa, |
| | Pecché si’ smargiassone, |
| | Ca de lo riesto pone. |
| 715 | Lo core mio non sente. |
| | L’ammore tujo pe niente, |
| | Né saccio che bo’ di’ |
| | Lo bolè bene a tte. |
| |
| | SCENA VIII |
| |
| | CIOMMO, e li stisse. |
| |
| | CIOMMO |
| | Fremma non te partì |
| | ZEZA |
| | Che bell’accunto! |
| | QUEQUERA |
| 720 | Oh che bravo negozio! |
| | CIOMMO |
| | Si be’ fosse de marmora mpastato |
| | Sto core ch’aje tu mpietto, |
| | Porzì respunnarrisse na parola |
| | Quanno te chiammo. |
| | ZEZA |
| | E tu, |
| 725 | Se fusse nato a na Cettà de turche |
| | Addo’ lo parlà nuosto non se ntenne, |
| | Averisse porzì caputo mone, |
| | Ca non te pozzo ammare propio none. |
| | CIOMMO |
| |
| | Sprezzame quanto saje, |
| 730 | Fa che non siente maje |
| | Chi pe tte more. |
| | Ca se derrà accossì, |
| | Ca bella assaje tu si’, |
| | Ma senza core. |
| |
| | ZEZA |
| 735 | Ciommo tu sempe tuorne a sta canzona, |
| | Io non saccio che tiene propio nchiocca! |
| | QUEQUERA |
| | Ah sio Ciommo che bole Ussignoria? |
| | Uscia lo ssa ca chest’è donna mia? |
| | ZEZA |
| | Mo’ sì ca ll’ha ngarrata |
| 740 | Lo Capetanio tonna de colata! |
| |
| | Tutte duje, ca vuje m’ammate, |
| | Che sperate! |
| | Ve potite arrecettà. |
| | Ca vuje tiseche morite, |
| 745 | Quanno Liso ve facite |
| | Tutte duje ve pozzo ammà. |
| |
| | SCENA IX |
| |
| | QUEQUERA, e CIOMMO. |
| |
| | CIOMMO |
| | Quequera |
| | QUEQUERA |
| | Ciommo |
| | CIOMMO |
| | Aje ntiso? |
| | QUEQUERA |
| | Veramente |
| | T’amma de core. |
| | CIOMMO |
| | Zierto |
| | Te vole bene propio. |
| | QUEQUERA |
| 750 | Sapisse chi è sto Liso. |
| | Addo’ stace, ch’omm’eje, |
| | Addo’ pratteca, e addove se la face? |
| | CIOMMO |
| | Che nne vuo’ fa? |
| | QUEQUERA |
| | Potta d’aguanno? e comme |
| | Aggio da sopportare |
| 755 | Che n’ommo comm’a mmene |
| | Non sia voluto bene |
| | Da sta femmena cca pe no schefienza! |
| | Zierto ca già mme scappa la pacienza! |
| |
| | Si mme sagliono |
| 760 | Li spirete, |
| | Co no sciuscio, co no sciato |
| | Tutto chino no mercato |
| | Te lo manno pe ll’aria. |
| | E pe tenerme |
| 765 | N’abbastano |
| | Cient’uommene |
| | Si mme vene la zirria. |
| |
| | SCENA X |
| |
| | CIOMMO sulo. |
| |
| | CIOMMO |
| | Quanno vorrà fornì sta sciorta mia! |
| | Quanno vorraggio dà nterra a la carma |
| 770 | Dapo’ tanta tempesta! |
| | E quanno venerrà chell’ora, quanno |
| | Che decerrà sta scanoscente, e sgrata |
| | De volerme sanà st’arma nchiajata! |
| |
| | Desperato |
| 775 | Nnammorato |
| | Pozzo dire ca song’io. |
| | Pocca chisto core mio |
| | Non retrova chiù piatà. |
| | Senz’ajuto |
| 780 | So’ feruto |
| | Da no core de pepierno, |
| | Da na furia de lo nfierno, |
| | Ch’accossì morì mme fa. |
| |
| | SCENA XI |
| |
| | MILLA da lo barcone, e po LELLA da vascio strellanno. |
| |
| | MILLA |
| | Zeza, Zeza |
| | LELLA |
| | Chi è lloco? |
| | MILLA |
| 785 | Chiammo Zeza nce siente? |
| | LELLA |
| | Che t’accorre? |
| | MILLA |
| | Tu va scopa la casa si sta lorda, |
| | Damme na voce a Zeza, |
| | Né te ntrecare ad autro. |
| | LELLA |
| | O ca scopo, o ca filo, o ca sto a spasso |
| 790 | Aggio a da cunto a tte? |
| | MILLA |
| | No mme nfettà de chiacchiere, ca tengo |
| | Tanto na capo |
| | LELLA |
| | E tu |
| | Si no lo puo’ sentì chess’è la via. |
| | MILLA |
| | Zeza, Zeza. (strellanno.) |
| | LELLA |
| | Mo’ schiatta. |
| | MILLA |
| 795 | Puozze schiattà; e crepare schefensosa. |
| | LELLA |
| | Chi de te chiù schefienza! |
| | Vuo’ che parla, che dice? |
| | MILLA |
| | Che buo’ parlà, che mme puo’ di’ vajassa? |
| | LELLA |
| | Milla, Milla te nsuonne |
| 800 | De provà ste manzolle, che te pare? |
| | MILLA |
| | Tu passe troppo nnanze, |
| | Juuoche troppo de coda, & io no juuorno |
| | Co na mazza te scorno. |
| | LELLA |
| |
| | Va vattenne. |
| |
| | MILLA |
| |
| | Trasetenne. |
| |
| | LELLA |
| |
| 805 | Cca sto bona. |
| |
| | MILLA |
| |
| | Stange morta. |
| |
| | LELLA |
| |
| | Facce storta. |
| |
| | MILLA |
| |
| | Cotenara. |
| |
| | A DUE |
| |
| | Ll’aggio a gusto si te mpienne. |
| |
| | LELLA |
| |
| | Va vattenne. |
| |
| | MILLA |
| |
| | Trasetenne. |
| |
| | SCENA XII |
| |
| | LISO, e MILLA. |
| |
| | LISO |
| | Milla Milla |
| | MILLA |
| | Che buo’? |
| | LISO |
| 810 | E no lo ssaje mo’, ca voglio schitto |
| | Che de sto core affritto agge piatà! |
| | MILLA |
| | Mme truove doce sa! |
| | LISO |
| | Che bo’ di’ chesta cera! |
| | Sempe de sta manera |
| 815 | Te demustre co mmico, e di’ pecché! |
| | Fuorze ca chiù non ncè |
| | Lo core into a sto pietto, |
| | O fuorze ca recietto |
| | Non vuo’ dare a chest’anema? respunne |
| 820 | Mossillo saporito, |
| | Vocchella nzuccarata, |
| | No mme sta chiù ntoseiata! |
| | MILLA |
| | Ca priedeche, che faje? |
| | Ca sperisce lo saccio, |
| 825 | Ca chiagnie io già lo sengo, |
| | Ca spaseme lo beo. |
| | Ma pienze de fa buono, e faje chiù peo. |
| | LISO |
| |
| | Non t’arraggiare chiù |
| | Core de tata! |
| 830 | Agge de st’arma cca |
| | Tantillo de piatà, |
| | Si saje ca sola tu |
| | Mme ll’aje nchiajata. |
| |
| | SCENA XIII |
| |
| | MILLA sola |
| |
| | MILLA |
| | Core mio che nne dice! |
| 835 | Spasemare ogne poco |
| | Pe no core de chiummo, e non se sa |
| | Quann’asciarraje tantillo de piatà. |
| |
| | Sempe spasemo, e sospiro, |
| | Sempe chiagno, e maje mme veo |
| 840 | Co no poco d’allegrezza. |
| | Penzo sempe a Ciommo bello |
| | Ch’a lo core dà martiello |
| | Senz’avè na contentezza. |
| |
| | SCENA XIV |
| |
| | QUEQUERA stravestuto galante, e LELLA da lo barcone de ZEZA da parte. |
| |
| | QUEQUERA |
| | Vengo mo’ proprio proprio |
| 845 | Da la jodea, e a sta pedata mm’aggio |
| | Sto vestito affettato |
| | Pe fa vedere a Zeza |
| | Ch’ogne juorno mme cagno no vestito |
| | Pocca comme le femmene |
| 850 | So’ no po’ interessate (esce Lella.) |
| | Se solono afferrare a lo nteresso. |
| | LELLA |
| | S’è stravestuto Quequera! |
| | Mo’ mme travesto io puro, e mme nciprejo |
| | E senza fa canoscere chi songo, |
| 855 | Co fegnere la voce, e lo parlare, |
| | Lo potesse gabbare. (se nne trase.) |
| | QUEQUERA |
| | Zeza mme vedarrà accossì galante, |
| | Mm’aprerrà ll’uuocchie ncuollo, e quanno mprimmo |
| | No mme volea, ma niente niente bene, |
| 860 | Mo’ mutarrà penziero, |
| | E se vorrà sposà sto Caaliero. |
| |
| | Si non haje a sto paese |
| | No trecchialle, no tornese |
| | No tantillo de jodizio |
| 865 | Mmalapena puo’ campà. |
| | Ca si gniegno tu non aje |
| | Si’ speduto, si non saje |
| | Dà partite, o non faje trapole! |
| | Pocca zierto stammo a Napole |
| 870 | Tutte quante pe gabà. |
| |
| | SCENA XV |
| |
| | LELLA, vestuta a la Rommana, e lo stisso. |
| |
| | LELLA |
| | Veccome cca mbarcone, |
| | Paro justo Rommana (da parte.) |
| | Stravestuta a la moda, |
| | Janchejata la faccia a na manera, |
| 875 | Che no mme pò canoscere pe n’anno; |
| | Or’io mo’ cola scusa |
| | De sternutà, voglio vedè chi sa |
| | Fuorze se vota, e boglio dirle po, |
| | Chi addomanna, e chè bo’. (Lella sternuta.) |
| | QUEQUERA |
| | Il Ciel vi salvi. (vede Lella e la saluta.) |
| | LELLA |
| 880 | Et anche a Ussillostrissima. (Quanta vote Lella parla con Quequera cagna voce.) |
| | QUEQUERA |
| | Potta d’oje, e che quaglia! |
| | LELLA |
| | Ha pigliato la scigna, |
| | No mme canosce zierto! |
| | Tornammo a stornutà, nsi’ che se vota, |
| 885 | E piglia parlamiento. |
| | QUEQUERA |
| | Vi saluto di nuovo. (torna a stornutare.) |
| | LELLA |
| | Et anche Ussillostrissima. |
| | QUEQUERA |
| | Comme jetta li titole! (da sé.) |
| | LELLA |
| | (Ch’Anemale!) (da parte.) |
| | QUEQUERA |
| | Quanto fa sto vestito! (da sé, e po a Lella.) |
| 890 | Uscia tiene il Catauro? |
| | LELLA |
| | Il mutar’ajera, |
| | Mm’ha arquanto imbiscuttito il catarozzo. |
| | QUEQUERA |
| | De qua Paese è Uscia. |
| | LELLA |
| | Un poco chiù lontan da la Torchia. (siegue con voce finta.) |
| |
| | Poscia che restaje vedova |
| 895 | Mi portai nella Germania, |
| | Mi partij per la Pilonia |
| | Giunsi poi in Manfridonia |
| | Camminai in fino ad Ascoli, |
| | De la Pulia hò visto i pascoli, |
| 900 | Mo’ sto quinci, e magno broccoli, |
| | E cammino co li zoccoli |
| | Pe bedere sta Cità. |
| | (Oh che muodo de gabbà!) (da parte.) |
| |
| | QUEQUERA |
| | Site vedova addunque? |
| | LELLA |
| 905 | Pe servì Ussillostrissima. |
| | QUEQUERA |
| | Ve trattenite in Napole? |
| | LELLA |
| | Pe servì Ussillostrissima. |
| | QUEQUERA |
| | E a questo alloggiamento, che facite? |
| | LELLA |
| | Sto di passaggio arquanto. |
| | QUEQUERA |
| 910 | E quanno parterrite? |
| | LELLA |
| | Quanno vo’ Ussillostrissima. |
| | QUEQUERA |
| | Potta d’aguanno, già a la forastera (da sé.) |
| | Pare che ll’aggio genio |
| | Voglio trasì chiù dinto: |
| 915 | Sapè vorria comme se chiamma Uscia. |
| | LELLA |
| | Io me chiammo, (pe mo’) Donna Zofia. |
| | QUEQUERA |
| | Potarrissevo scenne nsi’ cca bascio, |
| | Quanto ve dico solo doje parole? |
| | LELLA |
| | Mo’ scenno a vosta voglia, |
| 920 | Che sconquasso sarrà, si mme scommoglia! (da parte.) |
| |
| | SCENA XVI |
| |
| | CIENZO da parte, QUEQUERA, e po LELLA. |
| |
| | CIOMMO |
| | No sta Lella affacciata a lo barcone, |
| | Manco la veo abbascio la portella! |
| | Chi sa ddo’ sarrà ghiuta! |
| | Ma te! che ba faccenno |
| 925 | Da cca sto Caaliero? |
| | LELLA |
| | Eccomi, so’ calata. (Esce Lella.) |
| | QUEQUERA |
| | Oh mia Signora! (Quequera s’accosta, e po se allontana.) |
| | Comm’è brutta mmalora! |
| | LELLA |
| | (Scura me, m’havarrà già scommogliata?) (da parte.) |
| | CIOMMO |
| | Uh te te n’autra Sdamma! (Ciommo s’abbecina da dereto a Quequera a Lella.) |
| | QUEQUERA |
| 930 | (Da coppa a bascio nce |
| | Na grossa defferenzia!) |
| | Vi faccio lleverenzia. (s’abbecina a Lella a Quequera) |
| | LELLA |
| | Mi strascino, m’inchino, |
| | Non so più che mi fare! (da parte.) |
| | QUEQUERA |
| 935 | Quanto la vego chiù, chiù brutta pare. |
| | CIENZO |
| | (Potta d’oje chest’è Lella!) (da parte.) |
| | LELLA |
| | Songo onori, e favori singolari, |
| | Che voi mi compartite! |
| | CIOMMO |
| | (Uuocchie mieje che bedite!) |
| | QUEQUERA |
| 940 | Questa mia osservanza |
| | Porzì di questo cor’è testimonio: |
| | (Bene mio ca mme pare no demmonio!) |
| | LELLA |
| | Con queste paroline |
| | Molto voi m’obligate! |
| | CIOMMO |
| 945 | (La gelosia mme roseca: |
| | Nce vogl’essere acciso.) |
| | Che cos’è sto trascurzo (Cienzo se mette mmiezo.) |
| | Sto cagnà de vestito schefenzosa? |
| | LELLA |
| | Mo’ sì ca lo marito (Lella vede Cienzo e se mette de banna.) |
| 950 | Zierto ca mme ll’abbusco con na ntosa. |
| | QUEQUERA |
| | Che cos’è sta creanza? |
| | Cienzo! |
| | CIENZO |
| | Quequera! |
| | E mbe’ che d’è sta cosa! |
| | Che nc’aje che fa co Lella? |
| | LELLA |
| 955 | (Uh janchejata mene poverella!) |
| | QUEQUERA |
| | Che Lella, co chi ll’aje, chell’è Romana. |
| | CIOMMO |
| | Videla buono nfaccia. |
| | QUEQUERA |
| | Oh potta d’oje! (Quequera s’abbecina a Lella, e la canosce.) |
| | LELLA |
| | Che d’è non foss’io femmena |
| | D’esse mogliere a tte? |
| 960 | Non fosse tanto bella, |
| | Che mme potesse chiune mmaretare. |
| | QUEQUERA |
| | E non te piglie scuorno brutta fatta |
| | De ngannare accossì no capetanio? |
| | Donna Zofia, bonnì, (s’abbecina a Lella, e le dà na strappannata.) |
| 965 | Te voglio fa vedere, |
| | Si li guappe se gabbano accossì. |
| |
| | Io non saccio chi mme tene. |
| | Che de punia non t’accia |
| | Vecchia pazza brutta già, |
| 970 | E te mmezza a contrattà. |
| | Che d’è a mme, ch’accido a tte, |
| | E te faccio felle felle, |
| | E te scorteco sta pelle |
| | E te manno ncoppa llà. |
| |
| | SCENA XVII |
| |
| | CIENZO, e LELLA. |
| |
| | LELLA |
| 975 | Passa cca schefenzosa, e mbe’ va buono? (la piglia pe la mano.) |
| | De fa le guattarelle |
| | Mmutarete vestito, e cagnà nomme! |
| | Chist’è l’ammore, dimme, che decive |
| | De portà a Cienzo tujo! |
| 980 | Chist’è l’affetto, parla, |
| | Che mostrave portareme schefienza? |
| | LELLA |
| | Sentiteme |
| | CIOMMO |
| | So’ surdo. |
| | LELLA |
| | Vediteme |
| | CIOMMO |
| | Nn’aggio vuocchie. |
| | LELLA |
| | Na parola |
| | CIOMMO |
| | Vattenne. |
| | LELLA |
| | Che v’aggio fatto |
| | CIOMMO |
| | Niente! |
| 985 | Che chiù bolive fare, |
| | De volereme bene, e me gabbare? |
| | LELLA |
| |
| | Cienzo mio, faccella d’oro, (chiagnenno a selluzzo.) |
| | Si chiagnenno mme nne moro, |
| | Mme perduone? dimme sì. |
| 990 | Dillo priesto gioja mia, |
| | Ca chest’anema la via |
| | Va piglianno pe partì. |
| |
| | CIOMMO |
| | Ora ca chiagne, o ca te scippe, o muore, |
| | Non aggio chiù dolore. |
| | LELLA |
| 995 | E de l’affetto mio? |
| | CIOMMO |
| | Mme so’ scordato. |
| | LELLA |
| | E de lo pentemiento? |
| | CIOMMO |
| | Non mme serve. |
| | LELLA |
| | E ste lacreme meje? |
| | CIENZO |
| | Pe mme non fanno. |
| | LELLA |
| | Addonca |
| | CIENZO |
| | Agge pacienza. |
| | LELLA |
| | Cienzo. |
| | CIENZO |
| | Lella |
| | LELLA |
| | Vi’ ca mme sboto? |
| | CIOMMO |
| | Et io |
| 1000 | So’ già sbotato. |
| | LELLA |
| | Ora su, fatte cunto |
| | De non vederme chiune tu mme ntienne |
| | E de l’affetto antico scordatenne. |
| | CIOMMO |
| |
| | Va te stipa brutta fatta. |
| |
| | LELLA |
| |
| | Lo malanno che te vatta. |
| |
| | CIOMMO |
| |
| 1005 | Brutta vecchia mmalorata |
| | Scartellata. |
| |
| | LELLA |
| |
| | Parla buono nnammecato |
| | Screanzato. |
| |
| | A DUE |
| |
| | Non mme ncappe maje chiù no. |
| |
| | CIOMMO |
| |
| 1010 | Che fegura! |
| |
| | LELLA |
| |
| | Che sciaddeo! |
| |
| | A DUE |
| |
| | La natura, |
| | Non poteva fa chiù peo! |
| |
| | LELLA |
| |
| | Guallaruso, sedontimma. |
| |
| | CIENZO |
| |
| | Va t’annetta sta scazzimma. |
| |
| | LELLA |
| |
| 1015 | Va t’acconcia ste mmascelle. |
| |
| | CIENZO |
| |
| | Va te scorteca sta pelle. |
| |
| | A DUE |
| |
| | Fuss’accisa/o chi te vo’. |
| |
| |
| |
| |
| |
