| | |
| | |
| | La festa de Bacco, Napoli, Recciardo a Fontana Medina, 1722 |
| | a cura di Ida Paradiso |
| |
| |
| |
|
| |
| | ATTO II |
| |
| | SCENA PRIMMA |
| |
| | LUZEIO sulo. |
| |
| | LUZEIO |
| | Ciulla de Rajemo! ed io |
| | Non do a lo trunco! e ’bao sfrennesejanno? |
| |
| | SCENA II |
| |
| | NINFA, e lo stisso. |
| |
| | NINFA |
| | Luzeio mio, frate mio! |
| 650 | Cca staje? uh! da quant’hà te vao cercanno. |
| | LUZEIO |
| | Ninfa; la botta è ghiuta. |
| | NINFA |
| | Che ’botta? |
| | LUZEIO |
| | Da ste mmano |
| | È muorto Rajemo. |
| | NINFA |
| | Ah! cano! |
| | Cano, c’haje fatto! ajemmene! io so’ speduta! |
| | LUZEIO |
| 655 | A lo passo l’aspetto. |
| | NINFA |
| | Ddonca n’è muorto ancora? |
| | LUZEIO |
| | Va co la morte ncoppa a lo cozzetto. |
| | NINFA |
| | (Reshiato.) |
| | LUZEIO |
| | A mme (bonora!) |
| | S’hà da levare Ciulla? uh! |
| | NINFA |
| | Va sentenno, |
| 660 | Ch’aggio cose de gusto. |
| | LUZEIO |
| | E ’ba decenno. |
| | NINFA |
| | A ’Pomponeio contaje |
| | Quanto ntra tene, e ’Ciulla era socciesso |
| | LUZEIO |
| | Sì? |
| | MAFRONE |
| | Ed isso nne restaje... |
| | LUZEIO |
| | E ’po, che resorvette? |
| | NINFA |
| | E ’siente appriesso. |
| 665 | Ntra lo trascurzo, pone, |
| | Se mostratte de mene nnammorato: |
| | Sta ’bella accasejone, |
| | Lesta, l’agguanto... |
| | LUZEIO |
| | E mbe’? Che nn’haje cacciato? |
| | NINFA |
| 670 | Siente a mmene: io fegniette, |
| | Ca co gran gusto le sarria mogliere... |
| | LUZEIO |
| | Sì? |
| | NINFA |
| | Ed isso mprommettette |
| | Dà Ciulla a ’te. |
| | LUZEIO |
| | E ’da chesto, che nne spiere? |
| 675 | Tu puoje pegliare ad isso? |
| | NINFA |
| | Cca nce penz’io: che ’buoje? |
| | LUZEIO |
| | Che buoje penzà! ca chisso |
| | Hà ditto chesto pe li fine suoje. |
| | NINFA |
| | Chillo vo’, che ’buoje cchiune? |
| 680 | L’è Patre! |
| | LUZEIO |
| | Uh! che schiattiglia! |
| | Voglia; comme vuoje tune; |
| | Abbesogna vedè, si vo’ la figlia. |
| | Chessa è na chiacchiarella. |
| | NINFA |
| | Ma io... |
| | LUZEIO |
| | Tu si’ ncocciosa: |
| 685 | Mo’ nce la cuoglie a ’chella. |
| | NINFA |
| | Siente: fa n’autra cosa... |
| | LUZEIO |
| | Che? |
| | NINFA |
| | A la gatta cecata, |
| | Che ’farrà Ciulla, tu, vestuto femmena, |
| | Mmescate co ’nuje autre: |
| 690 | Vasala: ed è la toja. |
| | LUZEIO |
| | Bona penzata! |
| | Sore mia, mme conzuole. |
| | NINFA |
| | Priesto: sbricate. |
| | LUZEIO |
| | Mo’ vao addo Zia Meneca |
| | Pe lo vestito; e ’bengo a fa l’appiello. |
| | NINFA |
| | Viene correnno. |
| | LUZEIO |
| | Haje da vedè n’auciello. |
| |
| 695 | Mm’haje sorzetato |
| | Co sto conziglio; |
| | E ’già mm’è nato |
| | No bello sguiglio |
| | De contentezza |
| 700 | Mmiezo a sto core. |
| | Già sento |
| | Mpietto, |
| | Che lo trommiento, |
| | Tutto docezza, |
| 705 | Tutto dellietto |
| | Li ’hà fatto Ammore. |
| |
| | SCENA III |
| |
| | NINFA sola. |
| |
| | NINFA |
| | Bene mio! ca jelato |
| | Mm’era tutto lo sango into a le ’bene! |
| | Sbrogliate sto ’felato: |
| 710 | Piata d’isso, e ’de mene, o Ammore, o sciorte: |
| | Pegliate vuje lo mpigno, |
| | Che ’resca sto designo; |
| | Adderezzate vuje ste ’gamme storte. |
| | Ah! sgrato... |
| |
| | SCENA IV |
| |
| | SENOBBEIA, e la stessa. |
| |
| | SENOBBEIA |
| | (O veccotella; |
| 715 | Cca sta la Segnorella.) |
| | NINFA |
| | (Sto tuorto mme puoje fa!) |
| | SENOBBEIA |
| | Si Ninfa: schiavo. |
| | NINFA |
| | Che d’è sta Segnoria? |
| | SENOBBEIA |
| | Schiavo, patrona mia. |
| | NINFA |
| | Che d’è? spapura. |
| | SENOBBEIA |
| | N’è accossì? si’ benuta da Soccavo, |
| 720 | Pe ’fa la ’bella ’giovena a ’Chianura. |
| | NINFA |
| | A mme? ch’assisa è chessa! |
| | Te nzuonne, o si’ mpazzuta? |
| | SENOBBEIA |
| | Pazza a mme? trepetessa: |
| | A mme? facce de scigna; gnettecuta. |
| | NINFA |
| 725 | Ih! la jolla, l’arpia! |
| | Io te porto respetto, ca si’ becchia; |
| | Ca si no, te vorria |
| | Sbrenzolejà ssa facce de pellecchia. |
| | SENOBBEIA |
| | Io vecchia! pettolella... |
| |
| | SCENA V |
| |
| | MAFRONE, PERNA, e le stesse. |
| |
| | MAFRONE |
| 730 | Nc’è costejune cca. (A Perna.) |
| | NINFA |
| | Da me, che ’buoje? |
| | Vorrisse qua ’gonnella? |
| | PERNA |
| | Sentimmo, ca nc’è senzo. (A Mafrone.) |
| | SENOBBEIA |
| | A mme? sfacciata; |
| | Io voglio, che te faje li fatte tuoje. |
| | Pomponeio è cosa mia. |
| | MAFRONE |
| 735 | Che gusto! è gelosia. (A Perna.) |
| | NINFA |
| | Cca si’ arrevata? |
| | Mme faje ridere propeio! |
| | SENOBBEIA |
| | Ne? te la piglie a ’ghiuoco? |
| | Mara te, si’ m’abbrieveie, |
| | Ca nc’aggio da fa mmattere lo ’fuoco. |
| | PERNA |
| 740 | Che sfizeio! (Ntra de lloro.) |
| | MAFRONE |
| | Stamm’a sentere. |
| | NINFA |
| | Tu parle a lo spreposeto: |
| | Ora mo’ si... |
| | SENOBBEIA |
| | Te coce? |
| | NINFA |
| | Tu sfrennesie; e mm’ashie propeio doce. |
| | SENOBBEIA |
| | Aggio ntes’io le smorfeie |
| 745 | Co ’chillo schefenzuso; |
| | Co ’chillo guallaruso vecchiummone. |
| | PERNA |
| | Parla buono de Ziemo. |
| | MAFRONE |
| | Ah, cana! cheste nciureie a lo Patrone? |
| | SENOBBEIA |
| | Vuje porzì contr’a mmene? |
| | MAFRONE |
| 750 | Ente sguessa, chiarchiolla! |
| | PERNA |
| | Uh! schefenzosa tene! |
| | Uh! spergessa, spappolla! |
| | SENOBBEIA |
| | A mme co ste parole? |
| | Chesta a mme, male razze? |
| | NINFA |
| | E si nce vole. |
| |
| 755 | Nce lo bo’, ca si’ soperchia, |
| | Ca te mancano le ’chierchia, |
| | Ca si’ pazza, mara te! |
| | Vi’, che ’fa la ’brutta fatta! |
| | Pazza, e mmeza: crepa, schiatta: |
| 760 | Gioja mia, fatt’a ’tenè. (Mentre Ninfa ll’areia, Senobbeia se le vo’ lanzà ncuollo; ed è tenuta da Perna, e Mafrone.) |
| |
| | SCENA VI |
| |
| | SENOBBEIA, PERNA, e ’MAFRONE. |
| |
| | SENOBBEIA |
| | Ah! guitta, malenata; |
| | Si t’aggio mmano... |
| | PERNA |
| | O ’biva! |
| | Che buoje fa? |
| | MAFRONE |
| | Le farraje na secotata. |
| | SENOBBEIA |
| | Io passà pe corriva? |
| | MAFRONE |
| 765 | Li avive ashiata sola |
| | Chella scura fegliola? |
| | PERNA |
| | E che ’deceva |
| | De Zi Pomponeio! |
| | MAFRONE |
| | Haje ntiso? |
| | SENOBBEIA |
| | Gnorsì, ca la raggione lo ’boleva. |
| | MAFRONE |
| | Ch’è stato? chiano, chiano. |
| | SENOBBEIA |
| 770 | Gnorsì, ch’avea mprommiso |
| | De se pigliare a mmene; e mmo’, lo cano; (Chesto lo derrà, comme chiagnenno, arraggiata.) |
| | Cano, senza coscienzeia: |
| | Tratta de se peglià chessa schefienzeia. |
| | PERNA |
| |
| | A’chella, schefienzeia! |
| 775 | Moccosa, |
| | Vavosa, |
| | Schefienzeia si’ tu. |
| | Che bella |
| | Faccella, |
| 780 | Che sta mpretennenzeia! |
| | Vedite! shiù, shiù. (Cca porzì Senobbeia farrà pe dare adduosso a Perna; e Mafrone lo tenerrà.) |
| |
| | SCENA VII |
| |
| | SENOBBEIA, e MAFRONE |
| |
| | SENOBBEIA |
| | Ah! porca, pettolella... |
| | Non fuje? |
| | MAFRONE |
| | Via: no cchiù mone. |
| | No lo ’saje, ch’è accossì pazzejarella? |
| 785 | (Spassammonce no poco.) |
| | Addonca st’azzejone |
| | Pomponeio te vo’ fa? |
| | SENOBBEIA |
| | Lo ’bide lloco? |
| | MAFRONE |
| | Chisso è mpazzuto propeio! |
| | Tu si’ fresca, si’ bella: haje sango: haje grazeia: |
| 790 | Grazeia, che te nnammora: |
| | Sango, che t’affattora: |
| | Bellezza, che t’allegra, e ’che te sazeia. |
| | Che cchiù? chiss’uocchie belle |
| | Songo justo doje stelle speccecate; |
| 795 | E a ’chella vo’! |
| | SENOBBEIA |
| | Che ’singhe beneditto, |
| | Ca canusce lo buono. |
| | MAFRONE |
| | (Uh! premmonate!) |
| | Io, nvedennote schitto, |
| | D’ammore vao sperenno, |
| | De docezza me spognio. |
| | SENOBBEIA |
| 800 | Ih! che mme vaje decenno! |
| | Le’, ca mme faccio rossa, e mme vreognio. |
| | MAFRONE |
| | (Che ’facce! ah!) |
| | SENOBBEIA |
| | Che te siente? |
| | MAFRONE |
| | Uh! |
| | SENOBBEIA |
| | Che d’è? |
| | MAFRONE |
| | Ca sarria |
| | Lo primm’ommo contente, |
| 805 | Si... |
| | SENOBBEIA |
| | Parla. |
| | MAFRONE |
| | E no mme ntienne, o bella mia? |
| | SENOBBEIA |
| | Mara me! si’ sboccato! |
| | Le’, ca mme piglio scuorno. |
| | MAFRONE |
| | Videtillo: |
| | Giovene, bello fatto, aggrazejato. |
| | Haje niente, che nce di’?. |
| | SENOBBEIA |
| | Tu si’ tentillo. |
| | MAFRONE |
| 810 | Si chillo no nte vole, |
| | Songo cca io pe ’tene... |
| | SENOBBEIA |
| | Vattenne. |
| | MAFRONE |
| | Gioja mia, facce de Sole. |
| | SENOBBEIA |
| | E mme vorrisse bene? |
| | (Ih! ch’aggio ditto!) |
| | MAFRONE |
| | Uh! quanto scialarrimmo. |
| | SENOBBEIA |
| 815 | Chesta via non è storta: |
| | Vasta. Chi sa? Vedimmo: |
| | Fuorze t’attoccarrà sta bella sciorta. |
| | MAFRONE |
| |
| | Fuorze mm’attoccarrà |
| | Sta bella sciorta, ne? |
| |
| | SENOBBEIA |
| |
| 820 | Sì, va speranno, sì. |
| |
| | MAFRONE |
| |
| | Ah ah, ah ah, ah ah. |
| |
| | SENOBBEIA |
| |
| | Sto riso mo’, che d’è! |
| |
| | MAFRONE |
| |
| | Ih ih, ih ih, ih ih. |
| |
| | SENOBBEIA |
| |
| | Frabutto, |
| 825 | Lazzarone, |
| | Mm’abburle, n’è lo ve’? |
| |
| | MAFRONE |
| |
| | Uh! brutto |
| | Cancarone |
| | Si’ cosa tu pe mme? |
| |
| | SENOBBEIA |
| |
| 830 | Nc’avisse da pagà. |
| |
| | MAFRONE |
| |
| | Appila: nzanetà! |
| |
| | SENOBBEIA |
| |
| | Vedite bello sfuorgio! |
| |
| | MAFRONE |
| |
| | Tenitemente ll’orca! |
| |
| | SENOBBEIA |
| |
| | Frustato, |
| 835 | Malenato... |
| |
| | MAFRONE |
| |
| | Vecchiumma, |
| | Fracetumma... |
| |
| | SENOBBEIA |
| |
| | Cammina, va a la forca... |
| |
| | MAFRONE |
| |
| | Va trova Masto Giorgio... |
| |
| | A DUE |
| |
| 840 | Ca llà te puoje spassà. |
| |
| | MAFRONE |
| |
| | Ah ah, ah ah, ah ah. (Non se lebbreca.) |
| |
| | SCENA VIII |
| |
| | CIULLA, e po PERNA. |
| |
| | CIULLA |
| |
| | Ntra l’ammore, |
| | E la speranza, |
| | Chisto core |
| 845 | S’ assecura; |
| | Ma nc’è mmiezzo la paura, |
| | Che sto pietto |
| | Mme sdellanza, |
| | E recietto |
| 850 | No mme dà. |
| | Spero, e ’tremmo, abbanpo, e ghielo! |
| | Sciorte, stelle, Ammore, Cielo, |
| | Ch’è perduta la piatà? |
| |
| | E Rajemo ha da venire |
| 855 | Da femmena vestuto! ajemmè! ca stongo, |
| | Che ’tremmo soccia! |
| | PERNA |
| | A; sore mia, che d’eje? |
| | La volimmo fornire? |
| | St’ammoine, che songo? |
| | CIULLA |
| | So’ le scajenze meje. |
| | PERNA |
| | E bia! già è ll’ora |
| 860 | De fa lo juoco: e tune |
| | Vaje gualejanno; e no nte sbriche ancora! |
| | CIULLA |
| | (O sciorte! e nne vuoje cchiune?) |
| | PERNA |
| | Volimmo accomenzare? |
| | Oje Ciu’ |
| | CIULLA |
| | (Mmarditto juoco! |
| 865 | Vi’, che ghiuoco vo’ fare |
| | Chi sta miezo a lo ’fuoco!) |
| | PERNA |
| | E puro tridece! |
| | Ll’haje da fa, ch’a’te attocca. |
| | CIULLA |
| | (Uh!) Chiamma ss’autre femmene |
| | Priesto. |
| | PERNA |
| | Bbù! ca t’ascette da la vocca! |
| |
| | SCENA IX |
| |
| | CIULLA sola. |
| |
| | CIULLA |
| 870 | Marame! chi pò nchiudere |
| | Lo schianto, che sto core mme fracella! |
| | Cielo, che nn’hà da schiudere, |
| | Pe Ciulla poverella, da sto ntrico! (Resta penzosa.) |
| |
| | SCENA X |
| |
| | PERNA, NINFA, SENOBBEIA, co d’autre ’femmene de comparza; e la stessa. |
| |
| | PERNA |
| | Su: venite co mmico: |
| 875 | facimmo festa chiena: |
| | A lo juoco, a lo juoco. |
| | CIULLA |
| | (Io so’ confosa!) |
| | SENOBBEIA |
| | (E sto propeio de vena.) |
| | NINFA |
| | (E co qua gusto aggio fa sta cosa?) |
| | PERNA |
| | Cca so’ tutte; ed io puro; |
| 880 | Oje Ciu’? |
| | CIULLA |
| | Su: via, sbrecammo. |
| | SENOBBEIA |
| | Damme lo moccaturo, |
| | Ca te l’attacco a ll’uocchie; e accommenzammo. |
| | PERNA |
| | (Ah potta! no le sona!) (Pecché bede Ciulla fredda a ’caccià lo moccaturo.) |
| | SENOBBEIA |
| | Che cos’è! no lo tiene? |
| | CIULLA |
| 885 | Piglia. (Le dà lo moccaturo.) |
| | SENOBBEIA |
| | Mettete ’bona. |
| | Via, serra ll’uocchie. (Mo’ l’attacca lo moccaturo.) |
| | PERNA |
| | E astrigne: vi’ che faje. (A Senobbeia.) |
| | CIULLA |
| | (Meglio sarria pe mmene, |
| | Si le chiudesse, e ’no l’apresse maje.) (Lo ’dice ntra tanto, che Senobbeia l’attacca lo moccaturo.) |
| | SENOBBEIA |
| | Ncignammo, ca sta buono: |
| 890 | Via, lo soleto canto. |
| | PERNA |
| | A ’buje, lo suono. |
| | CORO |
| |
| | Viva Bacco, viva Ammore, |
| | Ch’isse ponno, de docezza, |
| | D’allegrezza, |
| | Ogne ’core |
| 895 | Fa sguazzà. (Ntra tanto, che se canta, se fa lo juoco de la gatta cecata.) |
| |
| | SCENA XI |
| |
| | LUZEIO vestuto da femmena; e le stesse. |
| |
| | LUZEIO |
| | (A ’tiempo so’ benuto.) |
| | CIULLA |
| | Ninfa nc’hà da ncappà. (Ntutta chesta scena sempe se va facenno lo juoco.) |
| | NINFA |
| | Tu no mme mbruoglie. |
| | LUZEIO |
| | (O Ammore; damme ajuto.) |
| | PERNA |
| | No mme la ficche a mme. |
| | SENOBBEIA |
| | No mme nce cuoglie. |
| | LUZEIO |
| 900 | (Lo core va trammanno!) |
| | SENOBBEIA |
| | N’autra vota lo canto; e ’ba joquanno. |
| | CORO |
| |
| | Ma te fanno po la zappa, |
| | Ca l’ammore, e la sciurappa; |
| | Quanno troppo te nn’abbutte; |
| 905 | Fanno a ’tutte |
| | Mbrejacà. (Ntra tanto se secoteja lo juoco.) |
| |
| | SCENA XII |
| |
| | RAJEMO, vestuto femmena, ch’esce faccefronte addo’ è asciuto Luzeio; e li stisse. |
| |
| | RAJEMO |
| | (A ’leviello so’ ghiunto.) |
| | LUZEIO |
| | (Io so’ ghielato!) |
| | RAJEMO |
| | (Armo Rajemo.) |
| | LUZEIO |
| | (Armo Luzeio.) (S’accostano senza farese a ’bedere, e ’senza vederese ll’uno co ll’autro; e se vedeno quanno vanno pe ’basare a ’Ciulla.) |
| | LUZEIO - RAJEMO |
| | O gioja... |
| | Ah! cano! |
| | LUZEIO |
| | Fremma |
| | RAJEMO |
| | Vascia sse mmano. (se nne fujeno le ’Comparze.) |
| | CIULLA |
| 910 | Ajemmè! ch’è stato! (se leva lo moccaturo da ll’uocchie.) |
| | NINFA |
| | (Rajemo, porzine!) |
| | SENOBBEIA |
| | Uh figlio! |
| | PERNA |
| | Ih! che d’è chesto! (Ninfa tene Luzeio; e ’Senobbeia Rajemo.) |
| | LUZEIO |
| | Ah! guitto! |
| | RAJEMO |
| | Ah! frabuttone... |
| | CIULLA |
| | (Uh! brutte guaje!) |
| | LUZEIO |
| | Te sbodello... |
| | RAJEMO |
| | Te scresto... |
| | NINFA |
| | Fremmate, frate mio. (Lo tene cchiù forte.) |
| | SENOBBEIA |
| | Figlio, che faje? (Puro accossì.) |
| | CIULLA |
| 915 | (Maramene! e ’che ’beo!) |
| | PERNA |
| | (Janca me! so’ agghielata!) |
| | NINFA |
| | Potive fa cchiù peo, |
| | Ngannatore, vegliacco! (A Rajemo.) |
| | LUZEIO |
| | Arma mperrata: |
| | Doje facce, tradetora... (A Ciulla.) |
| | RAJEMO |
| 920 | A ’Ninfa st’azzejone? (A Rajemo.) |
| | LUZEIO |
| | A mme sto tuorto? (A Ciulla.) |
| | RAJEMO |
| | E ’lassame, bonora! (A Senobbeia.) |
| | LUZEIO |
| | Lassame ghì. (A Ninfa.) Si’ ghiuto. (A Rajemo.) |
| | CIULLA |
| | Tenitele. (Luzeio e Rajemo fanno forza pe scappà.) |
| | RAJEMO |
| | Si’ muorto. |
| | CIULLA - SENOBBEIA - PERNA |
| | Ajuto, ajuto. |
| |
| | SCENA XIII |
| |
| | POMPONEIO, MAFRONE; e li stisse. |
| |
| | POMPONEIO |
| | Che ’remmore nc’è lloco? |
| | PERNA |
| 925 | Zio mio... Curre Mafrone, |
| | Priesto... |
| | MAFRONE |
| | Chiano no poco. (A Luzeio e Rajemo.) |
| | Chesto che d’è? |
| | POMPONEIO |
| | Che d’è sta mmenzejone! (Nvedenno Luzeio, e Rajemo vestute femmene.) |
| | PERNA |
| | Chiste cca son’ benute, |
| | E a lo juoco co ’nuje se so’ mmescate, |
| 930 | Accossì stravestute, |
| | Pe ’basà Ciulla. |
| | POMPONEIO |
| | O bravo! |
| | MAFRONE |
| | E ’sanetate! |
| | POMPONEIO |
| | Tutto chesto è socciesso! |
| | MAFRONE |
| | Scazza! che bello butto! |
| | LUZEIO |
| | Iammo; Ninfa; ch’appriesso |
| 935 | Hà da fare co mmico sso frabbutto: |
| | No mme scappe da st’ogna. (Parlanno a Rajemo.) |
| | RAJEMO |
| | Chest’a mme? malantrino... (va pe lassarese.) |
| | MAFRONE |
| | Fremma cca. (Mafrone lo tene.) |
| | LUZEIO |
| | Tu nne vuoje... (Se vo’ lassà isso puro.) |
| | POMPONEIO |
| | Via ch’è breogna. (Pomponeio lo tene.) |
| | RAJEMO |
| | A mmuorze te sfarino. (A Luzeio.) |
| | LUZEIO |
| 940 | Chisso core te passo. (A Rajemo.) |
| | CIULLA |
| | (Marame, che zeffunno!) |
| | PERNA |
| | (Uh che sconquasso!) |
| | LUZEIO |
| |
| | Puoje fa cunto, ca si’ mmuorto... |
| |
| | RAJEMO |
| |
| | Tu già fiete, tu si’ ghiuto... |
| |
| | A DUE |
| |
| | Mez’autr’ora puoje campà. |
| |
| | NINFA |
| |
| 945 | Tune haje tuorto, |
| | E ’de cchiù vuoje sbravejà! (A Rajemo.) |
| |
| | LUZEIO - RAJEMO |
| |
| | Chi songh’io |
| | Se vedarrà. |
| |
| | NINFA |
| |
| | Jammoncenne, frate mio, |
| 950 | Ca la sciorta ajutarrà. (A Luzeio.) |
| |
| | LUZEIO |
| |
| | Va te trova no tavuto... |
| |
| | RAJEMO |
| |
| | Va te chiagne, poveriello... |
| |
| | A DUE |
| |
| | Ch’è lo mmeglio, che puoje fa. |
| |
| | NINFA |
| |
| | De lo Cielo lo fraciello |
| 955 | La mennetta nne farrà. (A ’Rajemo. Se nne vanno Luzeio, e ’Ninfa.) |
| |
| | SCENA XIV |
| |
| | POMPONEIO, CIULLA, SENOBBEIA, RAJEMO, PERNA e MAFRONE. |
| |
| | POMPONEIO |
| | Mbe’? che te pare Rajemo? |
| | Venì, vestuto femmena, |
| | Pe basà Ciulla! è bona st’azzejone? |
| | RAJEMO |
| | E nn’è benuto Luzeio |
| 960 | Puro accossì? |
| | POMPONEIO |
| | Ma chillo avea raggione. |
| | RAJEMO |
| | Raggione! |
| | POMPONEIO |
| | Spia a ’chessa, |
| | Che le deze la fede; e ll’ha gabbato: |
| | Sientetello da essa. |
| | CIULLA |
| | Gnorsì; po chillo ammore mm’è passato. |
| | POMPONEIO |
| 965 | E mmo’ t’ha da tornare. |
| | RAJEMO |
| | Tornare! |
| | CIULLA |
| | Ah! Tata mio... |
| | POMPONEIO |
| | Non serve: a chillo llà t’haje da pegliare. |
| | CIULLA |
| | Comme |
| | POMPONEIO |
| | Accossì bogl’io. |
| | SENOBBEIA |
| | È ghiusto. |
| | MAFRONE |
| | È ghiusto, e mmiezo. |
| | PERNA |
| 970 | Dice ’buono. |
| | CIULLA |
| | (Maramene, e ’che sento!) |
| | RAJEMO |
| | (Ajemmè, e ’che ’truono!) |
| | CIULLA |
| |
| | O chisto, o la morte: (Mostra Rajemo, parlanno a Pomponeio.) |
| | Mme mpenno, mm’accio, |
| | Si n’aggio sta sciorte; |
| 975 | Ch’è meglio accossì. |
| | A ’chisto vogli’io: (Porzì mostra a Rajemo.) |
| | Si chesto non faje; |
| | Mo’ mmo’ vedarraje |
| | Na figlia morì. |
| |
| | SCENA XV |
| |
| | RAJEMO, POMPONEIO, SENOBBEIA, e MAFRONE. |
| |
| | RAJEMO |
| 980 | L’haje ntesa a ’chella? |
| | POMPONEIO |
| | E lesto. |
| | RAJEMO |
| | S’accide, ajemmene! |
| | POMPONEIO |
| | A, c’hà da fa co mmico: |
| | Non s’accide pe ’chesto: |
| | Te la facc’io cchiù molla de na fico. |
| | RAJEMO |
| | Penza... |
| | POMPONEIO |
| | Che buo’ penzare? |
| 985 | A ’chillo ll’hà mprommiso. |
| | SENOBBEIA |
| | Sì; figlio; e a ’chillo llà s’hà da pegliare. |
| | RAJEMO |
| | Tu puro? |
| | PERNA |
| | No ll’haje ntiso, |
| | Ca chillo è primmo? |
| | MAFRONE |
| | Ed a lo primmo attocca. |
| | RAJEMO |
| | Ddonca, accossì, de brocca |
| 990 | Mme scappa Ciulla mia? |
| | POMPONEIO |
| | Nce vo’ pacienzeia. |
| | MAFRONE |
| | Chesta è ghiustizeia. |
| | POMPONEIO |
| | È fatta la settenzeja. |
| | SENOBBEIA |
| | Ciede; figlio. |
| | RAJEMO |
| | Ed agg’jo |
| | Na mamma contra! |
| | SENOBBEIA |
| | Abbenta. |
| | RAJEMO |
| 995 | Ne? |
| | PERNA |
| | Buono fa. |
| | SENOBBEIA |
| | (Ma pe lo fine mio.) |
| | RAJEMO |
| | Uh! bonora! e ’che strenta! |
| | Addonca accossì buoje? |
| | POMPONEIO |
| | Cca lo carro è mpontato. |
| | RAJEMO |
| | E ’mutare non puoje? |
| | POMPONEIO |
| | Mo’ mm’haje zucato! |
| 1000 | Sto juorno no lo vide. |
| | RAJEMO |
| | Ora siente: è securo, |
| | Ca figliata s’accide: |
| | Io scanno a ’Luzeio e ’po mm’accido io puro |
| |
| | Da cca a nn’autro ’tantillo |
| 1005 | Tre muorte haje da vedè: |
| | So’ duje, figliata, e ’chillo; |
| | E io, che ’fanno tre; |
| | E chi nce corpa? tu. |
| | De lloro agge piatà: |
| 1010 | Agge piatà de me |
| | Fallo, ca lo puoje fa; |
| | Remollate; no cchiù. |
| |
| | SCENA XVI |
| |
| | POMPONEIO, SENOBBEIA, PERNA, e ’MAFRONE. |
| |
| | POMPONEIO |
| | Te! ch’è resciuto figlieto! |
| | SENOBBEIA |
| | Ne? vecchione, trammiero? |
| 1015 | È pe ’Ninfa sta machena? |
| | POMPONEIO |
| | A, a. |
| | SENOBBEIA |
| | Ma no nte resce sso penziero. |
| | POMPONEIO |
| | A ’chesto nce penz’io, |
| | PERNA |
| | Uh! c’hà fatto co ’chella |
| | Mo’ nnante, zio mio! |
| | MAFRONE |
| 1020 | E l’ajutajemo nuje, la poverella. |
| | POMPONEIO |
| | Ne? scalorcia fetente? |
| | SENOBBEIA |
| | Io scannà la voleva. |
| | POMPONEIO |
| | Tu mo’? ah, ah. |
| | PERNA |
| | E ’de tene chessa lloco |
| | N’hà ditto niente niente. |
| | POMPONEIO |
| | E ’che ’deceva? |
| | PERNA |
| 1025 | Ca si’ no schefenzuso: |
| | Ca si’... di’ tu lo riesto. (A ’Mafrone, comma se vreognasse de lo ’dicere essa.) |
| | MAFRONE |
| | Ca si’ no vecchiummone guallaruso. |
| | POMPONEIO |
| | Ah, ghianara! a mme chesto? |
| | Guallara a mmene? a mme? |
| | SENOBBEIA |
| | Fuerze è boscia? |
| | POMPONEIO |
| 1030 | Uh! guallorosa tene! |
| | Ssa toja è gelosia. |
| | MAFRONE |
| | Mo’ ll’haje nzertata. |
| | POMPONEIO |
| | Chella llà sta pe mmene. |
| | SENOBBEIA |
| | Ma tu non saje, ca Ninfa è ncaparrata. |
| | POMPONEIO |
| | Hà lo caparro mio. |
| | SENOBBEIA |
| 1035 | Resce a ’beffa ssa ’botta: |
| | Te ntorza sso golio. |
| | POMPONEIO |
| | Ora mo’ abbotta. |
| | SENOBBEIA |
| | Non t’hà da venì fatta; |
| | E a mme mm’haje da preare. |
| | POMPONEIO |
| |
| | Ora mo’ schiatta. |
| 1040 | Chella fatella |
| | Cchiù no mme scappa; |
| | E ’tu la zella |
| | T’haje da raspà; |
| | E ’tu la mappa |
| 1045 | T’haje da magnà. |
| | Se pegliaje gusto |
| | Lo ’Dio d’Ammore, |
| | E pe sto fusto, |
| | Pe chisto core, |
| 1050 | Tutta bellezza, |
| | Tutta docezza, |
| | La jette a fa. |
| |
| | SCENA XVII |
| |
| | SENOBBEIA, PERNA, e MAFRONE. |
| |
| | SENOBBEIA |
| | Chest’a mme, mala razza? |
| | Chesto a ’Senobbeia? e lo ’puoje fa ncoscienzeia? |
| | PERNA |
| 1055 | (Che ’fa la vecchia pazza!) |
| | MAFRONE |
| | Siente: parla co mmico... |
| | SENOBBEIA |
| | Lazzarone, schefienzeia; |
| | Vuoie, che sbotta co ’tico? tu già saje, |
| | Ca te tengo segnato. |
| | MAFRONE |
| 1060 | Chiano: fremma; che d’haje? |
| | Ca tanno aggio abborlato; |
| | E mmo’... (dammole Perna) e mmo’ te juro, |
| | Ca te dico lo vero. |
| | Nc’è cchiù bella de te? |
| | PERNA |
| | Chesto è securo. |
| | MAFRONE |
| 1065 | Pomponeio è no sommiero, |
| | Ca scegliere non sa. |
| | SENOBBEIA |
| | Lo ’bi’ tu mone? |
| | PERNA |
| | Cagniare a te pe ’chella! |
| | SENOBBEIA |
| | N’è accossì, Perna mia? |
| | PERNA |
| | Cierto: haje raggione. |
| | Polita, cianciosella... |
| | MAFRONE |
| 1070 | Chesta n’è cosa nova. |
| | SENOBBEA |
| | Benedetta la vocca. |
| | PERNA |
| | Tregliuta, bella fatta. |
| | SENOBBEA |
| | E addo’ se trova? |
| | MAFRONE |
| 1075 | E lo guajo, che te stocca! |
| | PERNA |
| | Lo piello, che te vatta! |
| | SENOBBEIA |
| | Ah! malenate... |
| | MAFRONE |
| | E bi’, si se peccava! |
| | PERNA |
| | E ’bi’, si se ncreccava! |
| | A DUE |
| | Uh! vessecate. |
| | SENOBBEIA |
| | A mme chesto? Zannuottole... |
| | MAFRONE |
| | O ’che spasso! |
| | PERNA |
| 1080 | O ’che ’gusto! |
| | SENOBBEIA |
| | Canaglia; lo ’decite; |
| | Pe ghì a lo viento justo |
| | De Zieto, e ’de Patruneto, |
| | Chillo mala capezza; |
| | Ca vuje già lo ’bedite |
| 1085 | Te: grazeia, vezzarria, sango, e ’bellezza. |
| |
| | Addove |
| | La truove |
| | Cchiù cara: |
| | Cchiù bella, |
| 1090 | Cchiù doce de me? |
| |
| | PERNA |
| |
| | (Che ’brutta janara...) |
| |
| | MAFRONE |
| |
| | (Che cosa |
| | schefosa...) |
| |
| | A DUE |
| |
| | (Tiemente, tieme’!) |
| |
| | SENOBBEIA |
| |
| 1095 | Sta razeia nnammora: |
| | Sta facce affattora; |
| | Vediteme cca. |
| |
| | PERNA |
| |
| | Sta razeia nnammora... (contrafacennola.) |
| |
| | MAFRONE |
| |
| | Sta facce affattora... (contrafacennola.) |
| |
| | A DUE |
| |
| 1100 | Vediteme cca... (contrafacennola.) |
| |
| | SENOBBEIA |
| |
| | Ah! bribbante, ah! moccosella, |
| | Mme l’avite da pagà. |
| |
| | MAFRONE |
| |
| | Ah! bribbante... (porzì contrafacennola.) |
| |
| | PERNA |
| |
| | Ah! moccosella... |
| |
| | A DUE |
| |
| | Mme l’avite da pagà. (non se lebbreca.) |
| |
| |
| |
| |
