| |
| |
| La Cianna, Venezia, Casparro Stuorto, 1711 |
| a cura di Stefania Napolitano |
|
|
|
|
|
| ATTO I |
|
| SCENA I |
|
| Capeta’ LUCACCHIO vestuto da Pollecenella, co duj’autre ammascarate, che non parlano. |
|
| LUCACCHIO |
|
| Ah quernuta, cacciottella, |
| Vecco cca Pollecenella: |
| Menamillo |
| No vasillo, |
5 | Ca lo piglio pell’aria. |
| Trasetenne, |
| Vavattenne, |
| Cotenara |
| Pedocchiosa, |
10 | Fattocchiara |
| Guallarosa, |
| Che te venga la sciesciola. |
|
| SCENA II |
|
| CANNETA da lo Barcone, e lo stisse. |
|
| CANNETA |
| Mascare! |
| LUCACCHIO |
| Fata mia, |
| Schiavuottolo d’uscia. |
15 | Cca sta lo Palommiello |
| De tutte le bellizze. |
| CANNETA |
| Ll’agg’a gusto. |
| LUCACCHIO |
| D’ammore lo ciammiello è chisto fusto. |
| CANNETA |
| (Fegnimmo ) Già lo saccio. |
| LUCACCHIO |
| Ma tu, facce d’argiento, |
20 | De st’arma faje scafaccio, |
| E de sto core mio si’ lo trommiento. |
| CANNETA |
| Vide quanta nne saje. |
| LUCACCHIO |
| O schiecco mprosecato. |
| CANNETA |
| (S’autro chi è!) |
|
| SCENA III |
|
| FERRANTE vestuto Zingara, co duj’autre ammascarate, che non parlano. |
|
| FERRANTE |
| Cca staje? |
| LUCACCHIO |
25 | Hu bonora, è, che sfizio m’haje |
| Non fusse maje venuto. |
| FERRANTE |
| Che nne vo’ de la quaglia? |
| LUCACCHIO |
| Cierto |
| FERRANTE |
| T’hà canosciuto? |
| LUCACCHIO |
| Ente co’. Pe mme squaglia, |
30 | Va strillanno comm’arza. |
| CANNETA |
| (No la sento la voce.) |
| FERRANTE |
| Allegramente. |
| E Ciannella non sente? |
| LUCACCHIO |
| N’è comparza. |
| CANNETA |
| (Stamm’a bedere.) |
| LUCACCHIO |
| Oje femmene, addo’ state? |
| Sta cca lo spasso vuosto, è cca pacione. |
|
| SCENA IV |
|
| CIANNA da lo barcone, e li stisse. |
|
| CIANNA |
35 | Uh quanta mascarate! |
| FERRANTE |
| Veccote Cianna mia. |
| LUCACCHIO |
| Bello schiantone. |
| FERRANTE |
|
| Addio bella |
| Fatella, |
| Sbrannore de lo Munno, |
40 | Ch’esce da sto spreffunno |
| De bellezza. |
|
| CANNETA |
| (Iss’è.) |
| CIANNA |
| (Ferrant’è chisto.) |
| CANNETA |
| (Ah tradetore.) |
| LUCACCHIO |
| Vuocchie de vasalisco, caccia core. |
| FERRANTE |
|
| Tu miette la capezza |
45 | A quanta nnammorate |
| Restano frezzejate |
| Da chiss’uuocchie. |
|
| LUCACCHIO |
| O popatella d’oro. |
| Tu si’ chella. |
| CANNETA |
| Mo’ moro. |
|
| SCENA V |
|
| PEPPO da la Taverna, e li stisse. |
|
| PEPPO |
50 | Che d’è co sse zannate? |
| LUCACCHIO |
| Avimmo da fa niente? |
| FERRANTE |
| Che nc’è lloco? |
| PEPPO |
| Co figliole norate, |
| Non se fanno ste ghioje. |
| LUCACCHIO |
| Vuoje, che t’affoco? |
| PEPPO |
| A mme chesto? Addo’ site? |
55 | Oje fegliule, corrite. |
| CANNETA-CIANNA |
| Ajemmè! |
| PEPPO |
| Datele ncuollo. |
| FERRANTE |
| A nnuje? |
| PEPPO |
| Ntra cap’e cuollo, |
| Refelatele nchino a sti bribbante. |
| LUCACCHIO |
| A nnuje sto trademiento? |
| PEPPO |
60 | Sfrattate da cca nnante. |
| CANNETA-CIANNA |
| (Uh che spaviento.) (se nne traseno.) |
| PEPPO |
| Urre llà. |
| LUCACCHIO |
| Quanto primmo |
| V’agghiust’affè! |
| FERRANTE |
| S’hà da vedè chi simmo. (se nne vanno.) |
| PEPPO |
| Accossì, secotatele, |
| Vattit’a chi cchiù pò, |
65 | Scancarejatele. (se nne trase.) |
|
| SCENA VI |
|
| DIANORA, e SAPATIELLO. |
|
| DIANORA |
| Mascare va facenno, |
| Lo frabbutto, lo nfamme? |
| SAPATIELLO |
| Da cca banno scorrenno. |
| DIANORA |
| Uh, che le voglio fa, si l’acchiappammo. |
70 | Negregata Dianora: |
| Da quanno lo pigliaje |
| Non se pò di’, ca n’ora |
| Sò stata senza guaje |
| Semp’affritta, e scontente, |
75 | Mm’hà fatto penejare |
| SAPATIELLO |
| Agge parol’a mente, |
| Ca chillo mme par’isso. |
| DIANORA |
| Isso mme pare. |
| Vide lo mascauzone |
| SAPATIELLO |
| Tu statt’a sto pontone, |
80 | E bedimmo, che fa; ch’io sto cc’abbascio, |
| E quanno v’afferrate, io faccio l’ascio. |
| DIANORA |
| Va buono. |
|
| SCENA VII |
|
| LUCACCHIO porzì bestuto da Pollecenella, e li stisse. |
|
| LUCACCHIO |
| Lo scocozzo |
| È poco, lo spetaccio |
| N’abbasta, lo smenozzo |
85 | Manco chesto, l’adaccio. Ajebbò n’arrivo: |
| Peo morte nce vo’. L’abbruscio vivo. |
| DIANORA |
| Co chi ll’hà, lo potrone! |
|
| SCENA VIII |
|
| CANNETA da lo barcone, e li stisse. |
|
| CANNETA |
| Lucacchio n’autra vota! |
| LUCACCHIO |
| Sciavo tujo mascolone. |
| DIANORA |
90 | Vi’ co chi parla mo’! |
| SAPATIELLO |
| Sta zitto, ascota. |
| LUCACCHIO |
|
| Si mbe’ mpietto lo sdigno me volle |
| Tutto ammore sò, cara, pe te. |
|
| DIANORA |
| Ah perro, tradetore. |
| LUCACCHIO |
| Uh scajenza quernuta! |
| DIANORA |
95 | Frustato ingannatore |
| E tu |
| CANNETA |
| Auza la gamma. (se nne trase.) |
| DIANORA |
| Si’ fojuta? |
| Va ch’aje da fa co mmico. |
| N’è lo ve’? |
| LUCACCHIO |
| Quanno lasse? |
| SAPATIELLO |
| O bello ntrico! |
| DIANORA |
| Leva ssa mascarella, |
100 | Scommogliate ssa facce lazzarone. |
| LUCACCHIO |
| O chesta è bella! mo’, ch’è Carnevale |
| No po’ de sfazejone, |
| Non mme pozzo piglià. |
| DIANORA |
| Cera de mpiso, |
| Facce de cavejale |
| LUCACCHIO |
105 | E sempe faje la ciavola! |
| DIANORA |
| Te pozza vedè acciso, |
| Che mme puozze venì ncopp’a na tavola. |
| LUCACCHIO |
| Che buo’, che te sfarino? |
| DIANORA |
| Vuoje, che te scippa ss’uuocchie? |
| SAPATIELLO |
| Adaso, chiano |
110 | Che d’è? |
| DIANORA |
| Vi’ comm’è bello l’assassino. |
| LUCACCHIO |
| Vattenne, ca mme volleno le mmane |
| Vi’ lloco, Sapatiello, |
| Che bo’ ssa cancaressa. |
| DIANORA |
| Tu a mme co lo cortiello! |
115 | Mme stiv’a spasemà co sta sberressa. |
|
| Pe te so’ mpezzentuta, |
| Pe te so’ gnettecuta, |
| E tu chesto mme faje: |
| Mannaggia quanno maje |
120 | T’aggio pigliato. |
| Me fosse scesa gotta |
| Primmo de ncappà sotta |
| A tanta nigre affanne: |
| Tu saje quanta malanne |
125 | Aggio scardato. |
|
| LUCACCHIO |
| Orsù, tu la vuoje rompere, |
| Ed io mo’ la sfracasso. |
| SAPATIELLO |
| Che d’è tanto sconquasso. |
| LUCACCHIO |
| Ma si no la vo’ scompere |
130 | Chesta gliannola negra. |
| DIANORA |
| A mme sta nciuria |
| SAPATIELLO |
| Adaso co sta furia |
| LUCACCHIO |
| E tu propio nne vuoje. |
| DIANORA |
| Leva da miezo |
| LUCACCHIO |
| Scosta, benagg’oje. |
| DIANORA |
|
| Te stravesejo |
|
| LUCACCHIO |
|
135 | Te scancarejo |
|
| DIANORA |
|
| Canna de chiaveca |
|
| LUCACCHIO |
|
| Lengua pestifera |
|
| DIANORA-LUCACCHIO |
|
| Chesto nce vo’. |
|
| SAPATIELLO |
|
| No cchiù, ch’avite, |
140 | Scompite mo’. |
|
| LUCACCHIO |
|
| Vi’, ca te fello, |
| Vi’, ca te scresto. |
|
| DIANORA |
|
| Co sto chianiello |
| Te facc’arriesto. |
|
| DIANORA-LUCACCHIO |
|
145 | Cchiù non se pò. |
|
| SAPATIELLO |
|
| Chiano le mmano: |
| Cchiù nce nne so’. |
|
| SCENA IX |
|
| CIANNA sola da la casa. |
|
| CIANNA |
| Mara me sfortunata: |
| Mmardetta costejune. |
150 | Cierto ca, pe sta strata |
| Ferrante mio no nce pò passà cchiune. |
| E sto core, che schitto |
| Hà da chill’uocchie suoje doce confuorto; |
| Sconzolato, ed affritto, |
155 | È ghiuto già, se pò tenè pe muorto. |
| Canneta sarrà chella |
| Che pò tutto agghiustare. |
| Mo’ la voglio chiammare. Oje Cannetella. |
|
| SCENA X |
|
| CANNETA da dint’a la casa, e po fora; e la stessa. |
|
| CANNETA |
| Chi è? |
| CIANNA |
| Cca bascio staje? |
160 | Sienteme doje parole. (Esce Canneta.) |
| Si tu no mme conzuole, |
| Io già faccio le pose. |
| CANNETA |
| Non sia maje. |
| Parla, che t’è socciesso. |
| CIANNA |
| Già sapimmo, |
| Ca tata te va appriesso, |
165 | E ca fa tutto chello, che te piace. |
| CANNETA |
| È bero. Concrudimmo. |
| CIANNA |
| Vi’ de fa fa sta pace, |
| Levammo ste roine, |
| Ca tata lo farrà. |
| CANNETA |
170 | Qua pace s’hà da fa. |
| CIANNA |
| De Peppo, co Lucacchio, e co Ferrante. |
| CANNETA |
| E co Ferrante? |
| CIANNA |
| Sine, |
| Ca si no, no nce passa ccannante |
| Fallo, ca fa lo puoje, |
175 | Ajuto, sore mia. |
| CANNETA |
| Tanto bene le vuoje? |
| CIANNA |
| Moro, non pozzo cchiù. |
| CANNETA |
| (Che gelosia.) |
| CIANNA |
| Fammillo sto piacere, |
| Che te pozza vedere |
180 | Janca, e cotolejata |
| Co Peppo tujo. |
| CANNETA |
| E ba, ca ll’aje nzertata. |
| CIANNA |
| Repara tu n’aggrisso. |
| CANNETA |
| (Lassa fa a mme.) co chisso. |
| (Essa non sa ca fegno.) |
185 | Sta zitto, ch’a servirete mme mpegno. |
| CIANNA |
|
| È no bauzamo ssa speranza |
| Pe la chiaja de chisto core. |
| E po spero, che la valanza |
| Tenga justa lo Dio d’Ammore. |
|
| CANNETA |
190 | Comm’è nzemprece Cianna! |
| Crede, ch’io sia de Peppo nnammorata; |
| Ma, la scura, se nganna, |
| Ca porzì pe Ferrante io sto nchiajata. |
| Pe d’isso io moro cessa. |
195 | Sempe chiagno, e m’affrio; |
| E mo’ pozzo sperà, che Cianna stessa |
| Sia la sanzara de lo gusto mio. |
|
| Bella sciorte, à sto povero core, |
| Che more |
200 | Speruto, |
| Mo’ è lo tiempo de dà quacch’ajuto, |
| Mo’ nce vole no po’ de piatà. |
| Si co Ammore tu vaje de conzierto, |
| È cierto |
205 | Ca st’arma |
| Pe l’affanne già ghietta la sarma |
| A le pene le sporchia pò dà. |
|
| SCENA XI |
|
| PEPPO sulo nnanz’a la Taverna. |
|
| PEPPO |
|
| Cca lo cardo azzellente. |
| Cca saporita, e guappa, |
210 | Fina, doc’è raazente |
| Avimmo la sciarappa. Oje cannarune, oje mbrejacune, |
| Sguazzammo, a nuje: Scialammo. |
|
| SCENA XII |
|
| MARCONE, e lo stisse. |
|
| MARCONE |
| So’ muorto. Che mannaggia |
| Quanno maje nce so’ stato. |
| PEPPO |
215 | Che d’è, Compa’ Marcone? |
| Che d’haje co tanta raggia? |
| MARCONE |
| Vengo da lo Mercato, |
| E so’ straccquo senz’utele. |
| PEPPO |
| Haje raggione. |
| MARCONE |
| Che buo’ lo munno è muorto, |
220 | E non se fa neozio, |
| Che, comm’a grancio, non cammina stuorto. |
| PEPPO |
| Lassammo ghì ssi chiajete. |
| Via zezzate no poco, e piglia spireto. |
| No Votto de vernuoteco |
225 | Te fa passà la collera. (Tras’a la Taverna.) |
| MARCONE |
| Che serve sto fastidio |
| Vorria, che desse Canneta |
| No defrisco a sto core, |
| Ch’a lo fuoco d’ammore arde, ed allumma, |
230 | E pe d’essa speresce, e se conzumma. |
| PEPPO |
| A te Marcone mazzeca; (Esce co no Tarallo, e lo vino.) |
| E bi’, che zoz’è chesta. |
| MARCONE |
| Hà buon’addore. |
| PEPPO |
| Prova, e po parla. È robba de segnore. |
| MARCONE |
| L’ammica non compare? |
| PEPPO |
235 | Pur haje ssa fantasia? |
| MARCONE |
| Pe d’essa io mme farria taccarejare. |
| PEPPO |
| Vi’ ca t’affuoche, gliutte. |
| MARCONE |
| Che nce vuoje fa? lo buono piac’a tutte. |
|
| A la salute |
240 | De Cannetella, |
| La palommella |
| De chisto core. |
| No scarfalietto |
| Pare sto pietto, |
245 | Tanta ferute |
| Nc’hà fatt’ammore. |
|
| È meglio de guarnaccia. |
| Lassamillo scolà. |
| PEPPO |
| E bon prode te faccia, e sanetà. |
250 | Orsù parlamm’a nuje: |
| Haje gusto de la fa sta parentezza? |
| Saje, ca Cianna mme struje |
| MARCONE |
| Sta pe te; ll’agg’a gusto. |
| PEPPO |
| (O contentezza!) |
| Ma priesto, ca mo’ nnante, |
255 | Co Lucacchio, e Ferrante |
| Mm’hagg’avuto a scornare. |
| MARCONE |
| Pecché? |
| PEPPO |
| Stevano a fare |
| La Zingarella a Cianna. |
| MARCONE |
| Ente guittune! |
| PEPPO |
| Ma nn’hanno avuto pelle a buonnecchiune. |
| MARCONE |
260 | Benedette le mmano. |
| Orsù, non è lontano |
| Lo tiempo de lo nguadejo. |
| PEPPO |
| Abbrevejammo. |
| MARCONE |
| Craje te la do. |
| PEPPO |
| Sì, tata mio, frusciammo. |
|
| Benemio che gusto pazzo, |
265 | Che contiento, che prejezza! |
| Va joquanno a mpizzo mpazzo, |
| Chisto core p’allegrezza! |
|
| MARCONE |
| E quanno a Marco puro |
| Sta sciorte attoccarrà co sta fatella? |
270 | Io lo spero securo, |
| Non pò mancà la nzerto oh beccotella. |
| Vi’, che bezzarra cosa! |
| E se la sta spassanno co na Rosa. |
|
| SCENA XIII |
|
| CANNETA da lo Barcone co na Rosa mmano, e lo stisso. |
|
| CANNETA |
| O quanto arresemmeglia |
275 | A te lo bello mio (parla co la Rosa.) |
| MARCONE |
| (O fortura, e foss’io.) |
| CANNETA |
| Tu si’ la maraveglia |
| De tutte le bellizze; ed isso puro (A la Rosa.) |
| MARCONE |
| (Io sarraggio securo.) |
| CANNETA |
280 | Ma po de spine armato |
| È ghiusto comm’a te (A la Rosa.) |
| MARCONE |
| (Chisto dubbio no ncè. Mo’ ll’haje sgarrato.) |
| CANNETA |
| No ncè maje no defrisco. |
| MARCONE |
| (Pe mme, te servo a sisco: |
285 | Mme truove sempe lesto.) |
| CANNETA |
| Marco che faje? |
| MARCONE |
| Oh Gioia miaC h’è chesto! |
| CANNETA |
| Viene cca sotta, accostate. |
| MARCONE |
| (Io so isso senz’autro.) |
| CANNETA |
| Comm’a tanta nzegnale, |
| N’haje visto pe’ nsi’ a mmo’, ca pe te moro? |
| MARCONE |
290 | (O, Campanella d’oro |
| So’ stato n’anemale |
| Scusame, perna mia da ddo’ mm’è chiuoppeto |
| Sto bene.) |
| CANNETA |
| Oje Marco. |
| MARCONE |
| È nnestrece. |
| O, bene mio, ca tutto so’ scommuoppeto! |
| CANNETA |
295 | (Oh, che riso.) Ora sienteme |
| Vide, ch’a Peppo Chireco |
| Non passa mez’autr’ora, e ncela sonano, |
| Ca Lucacchio, e Ferrante l’ammasonano. |
| MARCONE |
| Saccio, ch’è stato. Ah potta! |
| CANNETA |
300 | E chesto mme despiace |
| Repara tu sta botta. |
| MARCONE |
| Mo’ le faccio fa pace, nce penz’io. |
| CANNETA |
| Va fallo a la ncorrenno. |
| MARCONE |
| È piso mio. |
| CANNETA |
| Addio, Marco docissemo. |
| MARCONE |
305 | Schiavo, schiecco bellissemo. |
| CANNETA |
|
| Vuoglieme bene sa |
| Non te scordà |
| De me. |
| Lo schiecco mio si’ tu: |
310 | Vuoje cchiù? |
| Squaglio pe te. |
|
| MARCONE |
| O, perna, o fata bella, |
| Tu de chist’uuocchie mieje si’ la popella. |
| Curre mo’ che buo’ correre, na zubba; |
315 | Si la capo, e lo core, |
| Fanno tubba, catubba? Adaso Ammore: |
| Adaso, ca sto fusto |
| Mo’ se nne va mbrodetto: |
| Va chiano, ca lo gusto |
320 | Fa peo de tarramoto int’a sto pietto. |
|
| Va vota, |
| E revota |
| La lecca, |
| E la mecca |
325 | E bide si ncè |
| Cchiù alliegro de me: |
| No ncè, signornò. |
| Ammato, |
| Stimmato, |
330 | Da chella |
| Fatella, |
| Lo gusto, che dà, |
| Contà |
| Non se pò. |
|
| SCENA XIV |
|
| FERRANTE sulo. |
|
| FERRANTE |
335 | Nce nne so’ cchiù scajenze, |
| O Ammore scajenzato? |
| Sacciammo, che te pienze, |
| Ca fuorze so’ mpastato de savorre, |
| Che li malanne a mmorre |
340 | Refunn’all’arma mia? |
| E nc’agghiugne porzì la gelosia. |
|
| SCEN XV |
|
| CIANNA, e lo stisso. |
|
| CIANNA |
| Ferrante mio, cca staje? |
| Mara mene |
| FERRANTE |
| Che d’haje? |
| CIANNA |
| Tremmo, ca nce pò mmattere |
345 | Quacch’autra buglia. Uh, che te fa lo core |
| O bene mio, che sbattere |
| FERRANTE |
| Zitto, ca staje nn’arrore: |
| Sso schefienzeja, sso suggeco, |
| Co sto fusto hà da fa. Passà pe chesto |
350 | No Ferrante Stampacchia: E ba, ch’è lesto. |
| CIANNA |
| None, si mme vuoje bene; |
| È meglio, ch’attennimmo |
| A scì da tanta pene. |
| FERRANTE |
| E, che farrimmo? |
| CIANNA |
| Ajemmè, che sciort’è chesta! |
| FERRANTE |
355 | Patreto sta cchiù tuosto de no cuorno; |
| E a nnuje sulo nce resta |
| De fa, senza speranza, no taluorno. |
|
| SCENA XVI |
|
| SAPATIELLO da banna, e li stisse. |
|
| SAPATIELLO |
| Scazza! |
| CIANNA |
| Jammo speranno |
| FERRANTE |
| Orsù vedimmo; e quanno |
360 | Veo, ca dura st’assedio, |
| Crid’a mme, ca non manca lo remmedio. |
| CIANNA |
| Sì, ma senza remmore. |
| FERRANTE |
| Non dubbetà, ch’Ammore |
| Le machene mme mpara |
365 | Pe t’havè nzino, o Popatella cara. |
| CIANNA |
|
| Gioja |
| Conzidera, |
| Ca Cianna toja |
| More pe te. |
370 | Sulo desidere |
| De t’havè mbraccia: |
| Fa tu sta caccia, |
| Penza pe mme. (Se nne trase.) |
|
| SAPATIELLO |
| (Povero Peppo!) |
| FERRANTE |
| Oh Dio, |
375 | Che spasemo, che sento! |
| SAPATIELLO |
| (Lo creo.) |
| FERRANTE |
| Ma nce penz’io. |
| Stamm’a bedè, che biento |
| Va scioscianno pe nnuje. |
| SAPATIELLO |
| (Scerocco scioscia.) |
| FERRANTE |
| Sciorte, si tu vaje moscia, |
380 | Stizzato, rraggia, e tuosseco |
| Aggio da ghì sbruffanno; |
| Ma nnanze de fa struppio, |
| Speranza bella, a te m’areccomanno. |
|
| No dellietto a sto pietto me sguiglia, |
385 | Ch’ast’arma conziglia, |
| Ch’è buono a sperà. |
| Ed Ammore sto core assecura, |
| Ca vence chi dura: |
| Lassammo sbafà. (Se l’abbatte.) |
|
| SAPATIELLO |
390 | E Peppo la pretenne? |
| Va, ca sta conzolato! |
| Oje, Peppo, staje nfacenne? (s’accosta a la Taverna.) |
|
| SCENA XVII |
|
| PEPPO che sta facenno colazione, e lo stisso. |
|
| PEPPO |
| Te, Sapatiello. A tiempo si’ arrevato. |
| Te, ca va no zecchino. |
| SAPATIELLO |
395 | Pruoje cca. Che d’è chesto? |
| PEPPO |
| È bentre chino. |
| SAPATIELLO |
| E bravo! |
| PEPPO |
| Scrofoneja, |
| Ca nce no grieco, che te chiacchiareja |
| Vi’ comm’è bello. Prova. |
| SAPATIELLO |
| Puozze campà cient’anne. |
| PEPPO |
| Vive forte. |
| SAPATIELLO |
400 | Ma ncè na brutta nova. |
| PEPPA |
| Parla. Che nova brutta? |
| SAPATIELLO |
| Haie mala sciorte. |
| PEPPO |
| Pecché? |
| SAPATIELLO |
| La Sia Ciannella |
| PEPPA |
405 | Cianna mia? |
| SAPATIELLO |
| T’è scappata. |
| PEPPO |
| Comme? |
| SAPATIELLO |
| La Segnorella |
| Co Ferrante facea la spasemata. |
| PEPPO |
| Ajemmè? |
| SAPATIELLO |
| Mo’ se nn’è ghiuto, |
| Alliegro, e ncepolluto, |
410 | Speranno, e ammenaccianno |
| Facea fuoco, e fortura. |
| PEPPO |
| Oh Dio, ch’affanno! |
| Uh, che conessa acerva! |
| SAPATIELLO |
| Ma si vuoje, che te serva, |
| Lo felato te mbroglio, |
415 | Azzò non vaa chiù mpoppa. |
| PEPPO |
| Buono. |
| SAPATIELLO |
| E te l’arravoglio |
| Comm’a no pollecino int’a la stoppa. |
| PEPPO |
| Si tu la faie sta machena; |
| O Sapatiello caro, |
420 | Cride, ca puoje desponere |
| De la Taverna, e de lo Tavernaro. |
| SAPATIELLO |
|
| Già le trapole |
| So’ a Napole |
| Lo cchiù affizio |
425 | Vertoluso, |
| Lo sarzizio |
| Cchiù socuso, |
| Che se pozza maje trovà! |
| E le mbroglie, |
430 | E l’arravuoglie, |
| Si le fanno |
| Li masaute, |
| Io mbroglianno |
| Comm’all’aute |
435 | M’arremesco pe campà. |
|
| PEPPO |
| Chiano, Peppo, addo’ ammurre? |
| Penza primmo, e trascurre: |
| Marco te l’hà mprommessa? |
| È bero, ma che nn’esce, |
440 | Che buo’ sperà, quann’essa |
| Pe Ferrante speresce? o nzemprecone, |
| Zitto, che d’haje? Nc’hà da penzà Marcone. |
|
| Chessa speranza sola |
| Conzola l’arma mia |
445 | Che tengo (arrasso sia) |
| Chiena d’affanne. |
| Essa po fa la botta, |
| De mme levà na frotta |
| De malanne. |
|
| SCENA XVIII |
|
| CAPETA’ LUCACCHIO, e MARCO. |
|
| LUCACCHIO |
450 | Che son’io qua bozzacchio? |
| MARCONE |
| Non dico chesto |
| LUCACCHIO |
| Uh Capetan Lucacchio |
| Un Lucacchio sferrone, |
| Un paro mio, stiazato |
| MARCONE |
| Tant’è lo saccio |
| LUCACCHIO |
| Il primmo Campejone, |
455 | Un’uom, che con un sciato |
| Con un scioscio, un’olà |
| Fa torcer, e tremmà Provinzie, e Regni: |
| Uno, che nell’impegni |
| Ha un cor, che d’ogni core, è l’arcicore |
460 | Un’Attorro, n’Arlanno |
| MARCONE |
| Decite buono |
| LUCACCHIO |
| Un mostro di valore: |
| Un che se rota il branno |
| Trona, sajetta, furmena |
| MARCONE |
| (E già spelata Patria.) |
| LUCACCHIO |
465 | Arde, manna pe ll’aria, |
| Schiana, atterra, precipeta. |
| MARCONE |
| Gnore ssine lo creo. |
| LUCACCHIO |
| Il più fiero, il più audace; |
| Con un vil Zabbadeo, |
470 | Un’osto, un potronazzo |
| Vuoje tu, che faccia pace? Eh, che sei pazzo. |
|
| Sso guitto breccone |
| Mme ll’hà da pagà. |
| La rrabbia mi punge, |
475 | Se in mano mi giunge, |
| Che mmazzejatone |
| Che ll’aggio da fa. |
|
| MARCONE |
| Io deceva |
| LUCACCHIO |
| Ammutisci. |
| Ecco, che già si move |
| MARCONE |
480 | Che se move? |
| LUCACCHIO |
| Atterrisci. |
| MARCONE |
| Che d’è? |
| LUCACCHIO |
| Queste son prove. Ecco s’accenne, |
| Fuma strepeta avvampa. |
| MARCONE |
| Che cosa? |
| LUCACCHIO |
| Fujetenne, |
| Ca mo’ esce la vampa. |
| MARCONE |
485 | Da ddo’? |
| LUCACCHIO |
| Dagli occhi ammarcia da so luoco, |
| Ca sta Taverna mo’ hà da ghir’a fuoco. |
| MARCONE |
| (Ente pacienzeja.) |
|
| SCENA XIX |
|
| PEPPO da la Taverna, e li stisse. |
|
| PEPPO |
| (Veccolo. (s’addona de Locacchio.) |
| Mo’ nne lo scopo.) |
| MARCONE |
| Ecco cca Peppo. |
| PEPPO |
| Scostate, |
| Marco, ca mo’ lo smafaro |
490 | Sso frabbutto, sso piccaro |
| Sso guappo arranc’e fuje. |
| LUCACCHIO |
| No, che non giovano |
| I tuoi preci, e le lagreme: |
| Non nce vonno descerpe |
495 | Marcone, io mo’ lo nfilo e tu nce curpe. |
| MARCONE |
| Statte Peppo, cojetate. |
| LUCACCHIO |
| Buono. Fallo sarvare. |
| PEPPO |
| E lassamillo accidere |
| LUCACCHIO |
| (Potta! E lo Si Ferrante non compare!) |
| MARCONE |
500 | Frate, tu mme faie ridere |
| Non saie chi è chisso? (a Peppo.) |
| E bia Lucacchio scumpela. (a Lucacchio.) |
| LUCACCHIO |
| A tiempo. Che buo’ scompere |
| Son qua con questo ferro (vede Ferrante.) |
505 | A far pezzi, a far straggi, incendio, e foco. |
| PEPPO |
| Bonora, si t’afferro |
| MARCONE |
| Ferma |
| LUCACCHIO |
| Addo’ è ghiuto. |
| PEPPO |
| Lassame |
| Ca mo’ lo sbentro. (co lo cortiello, che tene a la centura.) |
|
| SCENA XX |
|
| FERRANTE, e li stisse. |
|
| FERRANTE |
| Ah, cano, ferma lloco |
| Mo’ te caccio lo core. (a Peppo.) |
| LUCACCHIO |
510 | Adaccia si Ferrante, |
| MARCONE |
| Chiano, chiano. |
| LUCACCHIO |
| Le sarria tropp’anore |
| Muorto cader da chesta nvitta mano. |
| MARCONE |
| Chesta non è breogna, |
| Ntra vuje fare ste baje? |
| FERRANTE |
515 | È bero; ma non saie |
| Chisso, c’hà fatto. |
| MARCONE |
| Freoma nc’abbesogna. |
| LUCACCHIO |
| Ntosta comm’a na preta. (a Ferrante.) |
| MARCONE |
| Si Marcone nn’è digno, |
| Ssa cauzetta de seta |
520 | Io mme vorria abbuscà, si ve pejace. |
| FERRANTE |
| Pe te lasso lo mpigno. |
| (Sacc’io pecché lo faccio.) |
| MARCONE |
| Pace, pace. |
| Orasusso abbracciateve, |
| Stregnitev’e basateve |
525 | Via Lucacchio. |
| LUCACCHIO |
| Cedesti? Anch’io il perdono. |
| Innocente l’assolvo, e reo lo dono. |
| PEPPO-FERRANTE |
| Fegnimmo a chi cchiù pò. |
| FERRANTE |
| Peppo |
| PEPPO |
| Ferrante |
| LUCACCHIO |
| Tu sopierchio t’abbasce. (a Ferrante.) |
| FERRANTE |
| Da mo’ |
| PEPPO |
| Da oie nnenante. |
| PEPPO-FERRANTE |
530 | Sarrimmo cchiù cardasce. |
| MARCONE |
| A chesto ve conziglio. |
| LUCACCHIO |
| E l’approvava il Capitan Cocciglio. |
| PEPPO |
| Orsù pe compremiento |
| Nce vo’ na cardatella. |
| MARCONE |
535 | (Aiosa) uh, che contiento, |
| Ch’aggio dato già gusto a Cannetella. |
| PEPPO |
| Fegliu’, vengano tavole, |
| Trippa, zoffritto, maccarun’e rosole, |
| Grieco, amarena, e lagrema. |
540 | Via corrimmo frusciammo. |
| MARCONE-FERRANTE-LUCACCHIO |
| O bella pace? Alliegre, a nuje sguazzammo. |
|
| SCENA XXI |
|
| SAPATIELLO e li stisse. |
|
| SAPATIELLO |
| (Cardo cca s’apparecchia!) |
| MARCONE |
| Io ve rest’obbrecato. |
| SAPATIELLO |
| (O bella festa!) |
| FERRANTE-LUCACCHIO |
| Non ncè de che. |
| SAPATIELLO |
| (E la vecchia |
545 | Co l’acchiale sgargeja da la fenesta.) |
| PEPPO |
| Via, jateve zezzanno. |
| SAPATIELLO |
| Iss’è. |
| MARCONE |
| A la bona senza zeremonie. |
| SAPATIELLO |
| E se tasseja (mo’ siente lo malanno.) |
| Vecco cca porzì Sapato. |
| LUCACCHIO |
550 | Che si’ curz’a l’addore! |
| MARCONE |
| Piglia, magna, |
| Inchiete tu porzì. |
|
| SCENA XXII |
|
| DIANORA, e li stisse. |
|
| DIANORA |
| Bella coccagna! |
| SAPATIELLO |
| (Mo siente.) |
| LUCACCHIO |
| Ah potta d’oje! |
| DIANORA |
| Ogne bertute |
| Tene la gioja mia. |
| MARCONE |
| Che d’è, Dianora, via |
| DIANORA |
555 | Che d’è? li cannarute |
| Teneno pe sto puorco pottaniero. |
| Pe sso brutto forfante, taverniero. |
| LUCACCHIO |
| Bonora! mo’ la smerzo. |
| Justo comm’a cauzetta. |
| FERRANTE |
| E, che si’ pazzo? |
| DIANORA |
560 | Pigliala pe sto vierzo, |
| Facce de caparrone |
| LUCACCHIO |
| Abbja, ca te scamazzo |
| MARCONE |
| Zitto mo’ |
| DIANORA |
| Mbrejacone, |
| Jenimma de porciaglia. |
565 | Scumma de scefenzuse! |
| SAPATIELLO |
| (O, chest’è scena.) |
| LUCACCHIO |
| Vattenne, ca mme saglie |
| MARCONE |
| Che d’è? ch’è stato chesto? |
| SAPATIELLO |
| (O bella mena!) |
| DIANORA |
| Vide, che belle fammole, |
| Ammasca quant’arifece, |
570 | Te lo stanno a protejere! |
| E tu vecchione fuceto |
| Non te vureguogne de sbià li giuvene? |
| MARCONE |
| (Nce nn’è pe tutte.) |
| LUCACCHIO |
| Ah potta! |
| Mo’ te la faccio fa na negra botta. |
| DIANORA |
575 | Viene, vie’. |
| PEPPO |
| Sta cojeto. |
| DIANORA |
| Sta vota proprio hà da venir’a fieto. |
| Lo boja, sciala, e sguazza, |
| Ed io gliotto spotazza, |
| Ca non penza pe niente |
580 | A la negra Dianora. |
| LUCACCHIO |
| Tu nne miente |
| DIANORA |
|
| Ah, perro frabbutto, |
| Mm’haje strutto, |
| E mme lasse |
| Morì pe no tuozzo; |
585 | Mo’ chesto de cchiù? |
|
| LUCACCHIO |
|
| Che buo’, che te sbozzo; |
| Ca non se pò cchiù. |
|
| SAPATIELLO-MARCONE-PEPPO-FERRANTE |
|
| Che so’ ssi fracasse? |
| Scompite no cchiù. |
|
| DIANORA |
|
590 | Sso naso te scippo, |
| Te strippo, |
| Porcone, |
| Ca chesto t’attocca, |
| Ca chesto vuoje tu. |
|
| LUCACCHIO |
|
595 | A mme Janarone? |
| Se ssa chi si’ tu. |
|
| SAPATIELLO-MARCONE-PEPPO-FERRANTE |
|
| Chiudite ssa vocca. |
| Ferniscela tu. (a Lucacchio e Dianora.) |
|
|
|
|
|