| | |
| | |
| | Li duje figlie a no ventre, Napoli, Ricciardo, 1725 |
| | a cura di Paologiovanni Maione |
| |
| |
| |
|
| |
| | ATTO II |
| |
| | SCENA PRIMMA |
| |
| | GRANNIZEA, RITA, e RAPISTO. |
| |
| | GRANNIZEA |
| | Gnorsì non ce vo’ aoto |
| | RITA |
| | Ora mo’ sona. |
| | GRANNIZEA |
| | Io te dongo la dota, |
| | T’aggio da mmaretà, co chi voglio io. |
| | RITA |
| 635 | Che susta bene mio! te pare cosa |
| | Che boglio cagnà ll’uocchie pe la coda. |
| | RAPISTO |
| | Retella quacche bota |
| | Besogna ntenn’a mammeta no cana. |
| | Sta tosta |
| | GRANNIZEA |
| | E sine prita de Rapisto |
| 640 | Io no le dico quacche cosa storta. |
| | RITA |
| | Vide che negra sciorta! |
| | Lo marito te dico |
| | Hà da stare co mmico, e non co tico. |
| | E si non te va a genio |
| 645 | N’è pezza che se scosa |
| | E nne sortesce po quacch’aota cosa. |
| | RAPISTO |
| | Ma la figlia ha da fare |
| | Chello che bo’ la mamma attiento Rita |
| | Tiene la corda ntienne |
| 650 | Nzò che te dice mamma |
| | GRANNIZEA |
| | Avite visto. |
| | RITA |
| | Io non lo boglio fare |
| | GRANNIZEA |
| | E che borrisse |
| | Ghirete scrapecciando a gusto tujo? |
| | RITA |
| | Si troppo mme trommiente io mme ne fujo. |
| | GRANNIZEA |
| | E che buo’, che t’afferra, |
| 655 | E te torcio lo cuollo. |
| | RAPISTO |
| | No Grannizea; |
| | Ca fa chello che buo’ mponta li piede. |
| | GRANNIZEA |
| | Ssa schefienzea se crede |
| | A lo munno esse sola: |
| | Nce so’ femmene assaje, Retella mia |
| 660 | E l’affisa è calata a le cetrola. |
| | Nc’è tanta maccaria |
| | De femmen’a lo munno: ogne pontone |
| | Na vateca, na chiorma nzanetate |
| | Te fanno vommecà li nnammorate. |
| | RAPISTO |
| 665 | Aje ragione, è lo vero. |
| | GRANNIZEA |
| | Tu pe tutta sta sera |
| | Aje da esse de Tonno. |
| | RITA |
| | A me |
| | RAPISTO |
| | Di’ sine. |
| | RITA |
| | Statt’abedere, e laudane la fine. |
| |
| | Tu ncuocce ca sì, |
| 670 | Io dico ca no, |
| | Se sboto dapo, |
| | Te faccio a bedè |
| | Mannaggia la sciorta |
| | Che sciato te dà. |
| 675 | Già bedo Gnorsì |
| | Ca non se pò cchiù |
| | E saccio ca tu; |
| | Vuo’ fa crepà a mme; |
| | Ca quanno so’ morta |
| 680 | Mme mann’atterrà. |
| |
| | SCENA II |
| |
| | GRANNIZEA, e RAPISTO. |
| |
| | GRANNIZEA |
| | Aje ntiso la lenguta. |
| | RAPISTO |
| | Ll’aggio ntesa |
| | Sta ncappata co Ciullo, e fa che buoje, |
| | Ca sempe torna a coppa. |
| | GRANNIZEA |
| | Che pozz’essere mpesa, |
| 685 | Che le pozz’afferrà male feruto, |
| | Non pote traccheggià porzì co Tonno? |
| | RAPISTO |
| | Lo cato quann’è chino |
| | Non ce ne cape cchiù d’acqua, o de vino. |
| | E l’auciello ncappato |
| 690 | Non va a lo semmenato. |
| | GRANNIZEA |
| | Ma pò esse, che scappa, e se nne torna. |
| | RAPISTO |
| | Ma ntramente, che chiamme la vammana |
| | La fegliata è speduta. |
| | GRANNIZEA |
| | Ah perra cana |
| | Mme vo’ guastare li designe mieje |
| 695 | Tonno stace mporpato, |
| | E giovane polito |
| | Va te lo trova meglio lo marito. |
| | RAPISTO |
| | Grannizea sient’a mme, Retella è pazza |
| | Pigliala co lo buono; |
| 700 | Ca de chesta manera |
| | Se sol’accojetà ssa mala razza |
| | Non pegliara la spata pe la ponta |
| | Ca ssa via, crid’a me, non troppo sponta. |
| |
| | Na fraschetta, che bole marito |
| 705 | Pare justo na cana fegliata, |
| | Si l’allisce: fa festa, e pazzea |
| | Si la vatte: te sa mozzecà. |
| | Chillo |
| | Zito |
| 710 | Che cerca dancillo; |
| | Ca la vide modesta, e norata |
| | Ca si none: se mpesta, e ferea |
| | E po: vasta, non pozzo parlà. |
| |
| | SCENA III |
| |
| | TELLA, e GRANNIZEA. |
| |
| | TELLA |
| | Granni’ so’ desperata. |
| | GRANNIZEA |
| 715 | E che t’è ntravenuto? |
| | TELLA |
| | Chillo cano de Ciullo, m’ha bottata. |
| | GRANNIZEA |
| | E quanno nc’aje parlato?... |
| | TELLA |
| | Stammatina. |
| | GRANNIZEA |
| | Ll’aje contato ogne cosa?... |
| | TELLA |
| | Tanto bello. |
| | GRANNIZEA |
| | Ed isso che t’ha ditto? |
| | TELLA |
| 720 | Ca no mme pò vedè, ca sta ncappato. |
| | GRANNIZEA |
| | Ah cano perro, guitto. |
| | TELLA |
| | E steva nziemo co ssa segnorella. |
| | GRANNIZEA |
| | Ll’aje renfacciato tutto? |
| | TELLA |
| | Quanto te puoje penzà |
| | GRANNIZEA |
| | Vi’ che frabutto. |
| 725 | A lo mmacaro te si’ sgoleata |
| | E te siente, no poco allegeruta. |
| | TELLA |
| | E che buo’ che te dica |
| | Ca mme sento cchiù affritta mo’ de maje |
| | Me credeva co chesso |
| 730 | D’accojetà sto core |
| | Ma l’affann’è cresciuto, e lo dolore. |
| |
| | Lo malato ch’hà la freve |
| | Hà na sete, che l’accide: |
| | Si po veve |
| 735 | Tu lo vide |
| | Cchiù assetato ghì a morì. |
| | Lo mmedesemo songo io |
| | Dapo averelo sentuto |
| | So’ restata |
| 740 | Cchiù arraggiata |
| | Mm’è cresciuto |
| | Lo golio |
| | De tornarel’a sentì. |
| |
| | SCENA IV |
| |
| | GRANNIZEA sola. |
| |
| | GRANNIZEA |
| | Che raggia, che schiatti glia |
| 745 | Tengo dint’a sto core |
| | Pe chesta poverella: |
| | Che trommiento, e dolore |
| | Aggio pe Rita, ca non vole Tonno, |
| | E dapo mme martella |
| 750 | Lo sdigno e crepantiglia |
| | De Sebeone, ca vo’ bene a Rita |
| | E mme fuje, e mme sprezza, |
| | Cchiù de no cano muorto |
| | Ed io non pozzo cchiù zoffrì sso tuorto. |
| |
| 755 | Quanno volle na caudara |
| | Jetta scumma pe li late |
| | Sti prommune abbelenate |
| | Crid’a mme fann’accossì. |
| | Ciull’è Rita |
| 760 | Semp’attizza, |
| | Sebeone frasche mpizza |
| | E st’amara |
| | Negra vita |
| | No la vedo cchiù scompì. |
| |
| | SCENA V |
| |
| | RAPISTO, e MENELLA da la Taverna. |
| |
| | RAPISTO |
| 765 | Tu che bonora vuoje? |
| | MENELLA |
| | Sienteme doje parole. |
| | RAPISTO |
| | Non te pozzo sentì, ch’aggio da fare. |
| | MENELLA |
| | Che mme vuo’ fa crepare! |
| | RAPISTO |
| | Starria p enne vottà li vische tuoje. |
| | MENELLA |
| 770 | Comme si’ despettuso |
| | RAPISTO |
| | Via sentimmo, |
| | Ma sbrecateve priesto. |
| | MENELLA |
| | E che curre la posta, |
| | Aje lassato mogliereta a la seggia, |
| | Che n’aie no po’ de fremma. |
| | RAPISTO |
| 775 | Jate decenno |
| | MENELLA |
| | Oh Dio! |
| | Mme piglio scuorno. |
| | RAPISTO |
| | O che bella fegliola |
| | De se peglià vregogna: a te dà fuoco. |
| | MENELLA |
| | Tu saie chello che faccio: |
| | Quant’arrobbo a Grannizea, |
| 780 | Pe darlo schitt’a te, Rapisto mio. |
| | RAPISTO |
| | Passa nnante lo ssaccio. |
| | MENELLA |
| | Tu pe mme non saje niente |
| | RAPISTO |
| | E che borrisse? |
| | MENELLA |
| | Vorria, che mme volisse |
| | No tantillo de bene |
| | RAPISTO |
| | Ed a che serve? |
| | MENELLA |
| 785 | Comm’a che serve!... |
| | RAPISTO |
| | Siente |
| | Io non te pozzo ammà; ca so’ ncappato, |
| | Retella mme spertosa, |
| | E lo piett’e lo core, |
| | E pe chesso non pozzo cagnà ammore. |
| | MENELLA |
| 790 | Ah nfammo, e che nce vide |
| | A chella moccosella. |
| | RAPISTO |
| | Ora non tanta chiacchiere, |
| | Lassammene trasire a la Taverna, |
| | Fatte Menella mia no govierno. |
| | MENELLA |
| 795 | Che sciorta è chesta ponteca |
| | Ch’aggio da sopportà, meglio m’avesse |
| | Quanno nascette strafocata nfoce |
| | La scura Mamma mia, |
| | Che non sulo p’ammore |
| 800 | Chiagno: allucco porzì pe gelosia. |
| |
| | So’ fatta lo ciammiello |
| | De tutte le desgrazie, |
| | E tu quanno te sazie |
| | Sciorte mmardetta. |
| 805 | Non resce nill’appiello |
| | Mme roseca l’arraggia: |
| | Cantato pare c’aggia |
| | La Cevetta. |
| |
| | SCENA VI |
| |
| | TELLA, e po LILLO vestuto da ommo. |
| |
| | TELLA |
| | Oh Dio! non pozzo stare |
| 810 | Se non torno a bedere chillo sgrato, |
| | Chillo perro arraggiato |
| | Che mme fa de sto muodo caneare |
| | Pe poterele dire naota vota |
| | Li dolure, e li stiente |
| 815 | E tornarele a di’ li trademiente. |
| | LILLO |
| | Non te tradesco no Tella mia cara. |
| | TELLA |
| | Mara me! che d’è chesto? |
| | LILLO |
| | Ecco cca Lillo puosto a piede tuoje |
| | E si muorto lo vuoje |
| 820 | Vasta che dice, muore, ca s’accide. |
| | TELLA |
| | Tu chi si’! tu che buo’? Tella che bide! |
| | Comm’accossì bestuto? |
| | LILLO |
| | Songo no desperato, nzallanuto, |
| | Che non te saccio a dire |
| 825 | Si so’ bivo, o so’ muorto, e sti vestite |
| | Te ponno di’, ca tu mme faje morire. |
| | TELLA |
| | Si’ Lalla tu? nepote a Sebeone? |
| | LILLO |
| | Nepote a Sebeone, ma no Lalla. |
| | TELLA |
| | Comme?... |
| | LILLO |
| | So’ Lillo, che te prego, siente |
| 830 | Ste parole, e lamiente: |
| | Vi’ sto chianto, che ghietto, |
| | Ammollisce sto pietto, e si non vasta |
| | Te do sto sango |
| | TELLA |
| | Fremma |
| | LILLO |
| | Oh Dio! mo’ moro. |
| | TELLA |
| | (M’hà fatto ntenerire.) |
| | LILLO |
| 835 | Mme daje speranza, o no; doce trasoro. |
| | TELLA |
| | Sento dint’a lo pietto |
| | Sguigliareme n’affetto |
| | Dimme, si Lillo, e propio mme vuo’ bene. |
| | LILLO |
| | Ogne momento, oh Dio! moro pe tene. |
| | TELLA |
| 840 | Lassamence penzare. |
| | LILLO |
| | Mme faje star’accossine |
| | Co na cauda, e na fredda. |
| | TELLA |
| | Ah ca sent’io porzine |
| | E no jelo, e na freve, |
| 845 | Vago pe dire sì, ma se nne vene |
| | Subbeto Ciullo a mente, e mme trattene. |
| | LILLO |
| | Addonca Tella mia, |
| | Lassame ghì a ghiettà pe sso vallone. |
| | TELLA |
| | Se fosse la patrona |
| 850 | Lillo mio de sto core, t’amarria. |
| | LILLO |
| | Ma chessa è na piatà troppo crodele |
| | Ammare non mme vuoje, non vuoje che mora; |
| | Donca finghe fedele |
| | Non te mostar’a Ciullo tradetora. |
| | TELLA |
| 855 | Ma che nce pozzo fa se Ciullo schitto |
| | Mme tromment’e mm’accide |
| | E chisto core affritto |
| | Lo sento spasemà pe Ciullo sulo. |
| | LILLO |
| | Ah destino spiatato! |
| 860 | Io te lasso, io te fujo, io t’abbannono. |
| | TELLA |
| | Fremma Lillo |
| | LILLO |
| | Non sento |
| | Ca mo’ voglio scompire sto trommiento. |
| |
| | Te fujo, te lasso, |
| | Teranna spiatata: |
| 865 | Non pozzo, non voglio |
| | Mme sento morì. |
| | Foimmo da rasso |
| | Scompimmo sto mbruoglio |
| | No: st’arma nchiajata |
| 870 | Non pote Zoffrì. |
| |
| | TELLA |
| | Siente Lillo |
| | LILLO |
| | Che buo’? |
| | TELLA |
| | Torn’o m’accido. |
| | LILLO |
| | Fremma. |
| | TELLA |
| | Non desperarete |
| | Ca la sciorte chi sa? |
| | LILLO |
| | Che buo’, che spera: |
| 875 | Voglio ascì mo’ d’affanne, arma de scuoglio. |
| | TELLA |
| | Fuorze cagno penziero. |
| | LILLO |
| | Oh Dio! non pozzo |
| | Voglio proprio morì |
| | TELLA |
| | Lillo non voglio. |
| | LILLO |
| | Che mmenzeone strana! |
| | Torname lo cortiello |
| 880 | Ca mo’ voglio morì |
| |
| | SCENA VII |
| |
| | CIULLO, e li stisse. |
| |
| | CIULLO |
| | Fremmate cana. |
| | LILLO |
| | Uh Ciullo!... |
| | TELLA |
| | Ciullo mio? |
| | CIULLO |
| | Che buo’ da chessa |
| | TELLA |
| | Niente. |
| | CIULLO |
| | E che facive tu?... |
| | LILLO |
| | Sientem’oh Dio! |
| | CIULLO |
| | Comme co lo cortiello |
| 885 | Accidere volive ll’arma mia? |
| | TELLA |
| | T’hà fatto stravedè la gelosia. |
| | CIULLO |
| | Cchiù bote t’aggio ditto, |
| | Ca chesta mme ncatena |
| | E non sento pe tte nesciuna pena. |
| | TELLA |
| 890 | La fede che mm’aie data? |
| | CIULLO |
| | Non vi’, ca chesta cca m’hà ncatenato. |
| | TELLA |
| | Ciullo, pe cchi mme lasse |
| | Lo spruoccolo sarrà dell’uocchie tuoje: |
| | Tu singheme fedele |
| 895 | Ammame quanto puoje, |
| | E tutte duje schiantammo sso crodele. |
| |
| | SCENA VIII |
| |
| | CIULLO, e LILLO, po RITA mmocc’a la Taverna. |
| |
| | CIULLO |
| | Chella che dice? e tu non mme respunne? |
| | LILLO |
| | Aggio tanta paura, |
| | De n’esse conosciuta, |
| 900 | Che sto de sta manera nzallanuta. |
| | CIULLO |
| | T’aggio vista mo’ nnante, e aje fatto nfenta |
| | Non conoscere Ciullo, anze mm’aje ditto, |
| | Ca non mm’aje visto ancora. |
| | LILLO |
| | Da stammatina mo’ te vedo schitto. |
| | CIULLO |
| 905 | Io sarraggio cecato. |
| | RITA |
| | (Uh che bello fegliulo.) |
| | LILLO |
| | Ciert’avarraie sbagliato; oh Ciullo mio |
| | Aggio dato a rentennere |
| | A Tella, ca song’ommo, e songo Lillo |
| 910 | Ca pe l’ammore sujo ardo, e so’ muorto. |
| | RITA |
| | (Se chiamma Lillo, oh Dio!) |
| | CIULLO |
| | Se ll’hà creduto?... |
| | LILLO |
| | Cierto, tu conferma |
| | Nzi’ che portammo chesta varca a puorto. |
| | RITA |
| | (Sento mpietto zompà lo core mio.) |
| | CIULLO |
| 915 | Faccio chello che buoie, ma tu avarraje |
| | Piatà de sto patire! |
| | LILLO |
| | Tanno mme credarraje |
| | Quanno pe tte mme vedarraie morire. |
| | RITA |
| | (Besogna dirlo a mamma.) |
| | CIULLO |
| 920 | Fedele mme sarraie. |
| | LILLO |
| | Nzin’a la morte. |
| | CIULLO |
| | Damme la fede |
| | LILLO |
| | Piglia |
| | CIULLO |
| | Oh bella Sciorte. |
| |
| | Oh quanto pagarria |
| | Se mo’ potesse oh Dio |
| | Morì vecin’a te. |
| 925 | Ca mente morarria, |
| | Derrisse; Ciullo mio, |
| | E muorto mo’ pe mme. |
| |
| | SCENA IX |
| |
| | LILLO sulo. |
| |
| | LILLO |
| | Chisto tanto se nfetta |
| | Pecché Lalla mme crede |
| 930 | E lo scuro non vede |
| | Ch’a l’affann’a li guaje corr’a staffetta, |
| | E Tella che mme straccia |
| | E la vita, e lo core |
| | Non hà niente piatà de st’abbrosciore |
| 935 | Vede sto chianto, che te spaccarria |
| | Na vreccia fredda, e tosta |
| | Ma chella non ce sente, e cchiù se ntosta. |
| |
| | Cade l’acqua e a poco, a poco |
| | No pepierno le spertosa |
| 940 | E la forza de lo fuoco |
| | No mitallo pò squaglià. |
| | Co ste lagreme che ghietto |
| | Addeventa cchiù ncocciosa |
| | E la vampa de sto pietto |
| 945 | Cchiù ntostare mme la fa. |
| |
| | SCENA X |
| |
| | SEBEONE, TONNO, e po RAPISTO co Rita, e le foretanelle. |
| |
| | SEBEONE |
| | Ora non ce vo’ aoto; cca mmiezo |
| | Vedimm’a chi va cchiù |
| | TONNO |
| | Ll’oco aje ragione |
| | Facimmo primmo chesto, |
| | Ca po parlammo de chill’aoto riesto |
| 950 | Cantammo na canzone |
| | La primma cante tu, l’auta cant’io. |
| | SEBEONE |
| | E si pierde mme ciede Rita mia. |
| | TONNO |
| | E si te venco non penzà cchiù a Rita. |
| | SEBEONE |
| | E chi vence lo palio l’hà da dare. |
| | TONNO |
| 955 | Ad essa |
| | SEBEONE |
| | Mme contento |
| | Va joquanno. |
| | RAPISTO |
| | Sbregammonce a l’abballo |
| | Pe bencere li palie. |
| | RITA |
| | Chi de vuie meglio abballa |
| | Vence lo primmo. |
| | SEBEONE |
| | Chiano. |
| | RITA |
| 960 | Sebeone che nc’eie? |
| | Nce simmo desfedate |
| | Nziemo co Tonno a dire na canzona. |
| | TONNO |
| | E chi canta cchiù meglio |
| | Vence no palio |
| | RITA |
| | Buono. |
| | SEBEONE |
| 965 | Lo cchiù ricco, e sfarzuso |
| | TONNO |
| | Io mme lo sceglio. |
| | TONNO |
| | Io mme lo sceglio. |
| | RAPISTO |
| | Si ve pare facimmo |
| | Primm’abballà no poco ste fegliole. |
| | RITA |
| | Non dice trist’affé |
| | TONNO |
| | Vace de truono. |
| | RITA |
| 970 | Voglio abballà io puro. |
| | RAPISTO |
| | Sì addavero. |
| | RITA |
| | E boglio fa vedereve si saccio |
| | Vencere quacche palio. |
| | RAPISTO |
| | Pe cierto ll’aggio a gusto. |
| | TONNO |
| | O buono, o buono. |
| | SEBEONE |
| | Via su ca nuje vedimmo |
| 975 | Chi cchiù lesta se move |
| | RITA |
| | E chi hà le piede |
| | Sollicete e ba a tiempo. |
| | RAPISTO |
| | E mo’ se vede |
| | Chi sa meglio abballare |
| | Pe potere lo pallio guadagnare (Cca s’abballa.) |
| | E biva Menechella co Scarfisso |
| 980 | E biva, Rita puro |
| | Te mmierete lo palio. |
| | SEBEONE |
| | Datencillo. |
| | TONNO |
| | Va piglialo, Rapisto, e piglia puro |
| | Ll’aoto pe lo fegliulo |
| | RAPISTO |
| | Mo’ le piglio. |
| | SEBEONE |
| | E tu Retella mia |
| 985 | Scigliete lo cchiù bello |
| | E po statt’a sentì ste canzoncelle. |
| | RITA |
| | Comme vuoje. |
| | SEBEONE |
| | Accommenza. |
| | TONNO |
| | Ncigna tu primmo, penza |
| | Ca si’ cchiù biecchio |
| | SEBEONE |
| | A mene? |
| | TONNO |
| 990 | Che dè fosse boscia? |
| | SEBEONE |
| | Vuo’ che te donga |
| | No punio a le ganasse. |
| | TONNO |
| | Uh lo smargiasso |
| | Fatt’a tenè |
| | RITA |
| | Fremmate |
| | Fenitela, e cantate. |
| | SEBEONE |
| | E tu Rapisto, e Rita |
| 995 | Jodecate le poste. |
| | RAPISTO |
| | Stamm’a sentire le zannate voste. |
| | SEBEONE |
| |
| | Sso pedillo, ssa faccella |
| | Ss’uocchie belle, ssa vocchella |
| | Manco Lena, che fu a Troja |
| 1000 | Mmeretà le pott’avè. |
| | Te so pietto, sso sbrannore |
| | Sso garbetto, sso jancore |
| | Gioja bella, gioja, gioja |
| | Vuoglie schitto bene a mme. |
| 1005 | Cacciottella non siente ne |
| | E non stammo nguerra gnornò, |
| | E facimmo pace gnorsì; |
| | Gnoccolette de Cagliari. |
| |
| | RITA |
| | Bravo, Bravo pe diece |
| | RAPISTO |
| | O Sebeone |
| 1010 | Lo venciarraje senz’aoto |
| | RITA |
| | Sì addavero. |
| | SEBEONE |
| | Retella sso penziero |
| | M’hà fatto carolà, tutta sta notte. |
| | TONNO |
| | Sentitem’a me mo’. |
| | RAPISTO |
| | Vatte sbreganno |
| | C’a lo dereto sentarraje le botte. |
| | TONNO |
| |
| 1015 | L’auciello sta a sentì |
| | Se va a pezzoleà |
| | Non arrecettà; |
| | Ntramente fa zì zì |
| | Uno sparanno va |
| 1020 | Che nne l’annetta. |
| | L’auciello mo’ si’ tu, |
| | Lo cacciator’io so’ |
| | Che te nne fruscio |
| | Tu si’ buono cchiù |
| 1025 | E non te stimmo no |
| | Manco no sciuscio. |
| |
| | SEBEONE |
| | Aggio vinto, aggio vinto. |
| | TONNO |
| | Che buo’ vence na mosa |
| | SEBEONE |
| | Ah lefrecaglia. |
| | TONNO |
| | Lo palio è mio lassame Retella. |
| | SEBEONE |
| 1030 | Uh nigro, scuro, e tinto |
| | Te voglio scotolà ssa perocchella. |
| | RAPISTO |
| | Che dè ss’accosteune |
| | Simmo judece nuje de le canzune. |
| |
| | SCENA XI |
| |
| | CIULLO, LILLO, e li stisse. |
| |
| | CIULLO |
| | Sebeo’ co chi ll’aje?... |
| | SEBEONE |
| | O Lalla. |
| | TONNO |
| | Lalla. |
| | CIULLO |
| 1035 | Chi Lalla? site pazze. |
| | TONNO |
| | Sbregognata addo’ vaje? |
| | Co ssi vestite ncuollo? |
| | LILLO |
| | Tu che ncintre co mico. |
| | SEBEONE |
| | Tu da chesta, che buoje, o mo’ t’ammallo? |
| | CIULLO |
| 1040 | Chesto che d’eje? |
| | RITA |
| | Uh Lillo! |
| | RAPISTO |
| | Vi’ che ntrico! |
| | TONNO |
| | Pecché te si’ bestuta de sto muodo? |
| | SEBEONE |
| | Tocca direl’a mme |
| | TONNO |
| | Va saglie ncoppa. |
| | SEBEONE |
| | Addove la canusce?... |
| | TONNO |
| | Vi’ ca schierchio. |
| | SEBEONE |
| | Tu vuo’ che molla mpoppa |
| 1045 | E te faccio a bedè |
| | TONNO |
| | Troppo te frusce. |
| | CIULLO |
| | Chisto cca che bedite, |
| | È ommo, non è femmena, ed è Lillo. |
| | SEBEONE |
| | Ora chest’è sopierchio |
| | Mme volit’abborlà |
| | TONNO |
| | Vi’ lo nfernuso |
| 1050 | Io songo l’abborlato, e tu te nfiette. |
| | SEBEONE |
| | Vi’ ca troppo m’appriette. |
| | CIULLO |
| | Io so’ confuso. |
| | RITA |
| | Io non saccio che dire |
| | RAPISTO |
| | Io so’ mpazzuto. |
| | CIULLO |
| | Sentit’appriesso! |
| | LILLO |
| | Mm’anno nzallenuto. |
| | SEBEONE |
| | Ah cana addo’ si’ ghiuta? |
| | TONNO |
| | Curr’appriesso! |
| | RITA |
| 1055 | Va Rapisto tu puro. |
| | CIULLO |
| | Io moro ciesso. |
| |
| | Che faccio, che penzo! |
| | L’ammore, la sciorte, |
| | La vita, la morte |
| | Trommiento mme dà. |
| 1060 | Non aggio cchiù senzo, |
| | So’ ghiuto, so’ scurzo, |
| | Piatate, succurzo |
| | Non saccio che fa. |
| |
| | SCENA XII |
| |
| | GRANNIZEA, e RITA da la Taverna. |
| |
| | GRANNIZEA |
| | Ssacciammo tu che buoje, ch’assisa è chesta. |
| | RITA |
| 1065 | Miettete pe la via |
| | Va trova Ciullo, e dill’addove stace |
| | E chi è chillo fegliulo |
| | Che è benuto cod’isso cca mo’ nnanze. |
| | GRANNIZEA |
| | Qua fegliulo tu dice? |
| | RITA |
| 1070 | Uh mamma! comm’è bello. |
| | GRANNIZEA |
| | Comme ll’aje visto, e tanto te peace. |
| | RITA |
| | Ll’aggio visto cca propio, |
| | E mpietto ntrovolato mm’hà la pace. |
| | GRANNIZEA |
| | Comme se chiamma?... |
| | RITA |
| | Lillo. |
| | GRANNIZEA |
| 1075 | Che nn’aje da fare?... |
| | RITA |
| | Uh mamma, |
| | Si mme vuo’ bene, lassa che le parla |
| | Ca po farraggio quanto mme commanne. |
| | GRANNIZEA |
| | E subeto tu ncappe!... |
| | RITA |
| | Uh quant’è bello! |
| | È trasuto nfi’ a dinto lo cortiello. |
| |
| 1080 | Uh che fuoco! ch’abbrosciore! |
| | Mamma, mamma, ahimmè lo core! |
| | Va mme chiamma Lillo bello, |
| | E dincello ch’isso sulo |
| | No mme face arreposà. |
| 1085 | Quann’è bello no fegliulo |
| | Janco, russo, aggrazeato, |
| | Lo vorrisse semp’a lato: |
| | Si le parle, si lo vide, |
| | Tu te siente si mme cride |
| 1090 | Tutta quanta addecreà. |
| |
| | SCENA XIII |
| |
| | GRANNIZEA, e SEBEONE. |
| |
| | GRANNIZEA |
| | Vi’ ch’aota frenesia s’hà puosto nchiocca, |
| | Io non saccio, che Lillo |
| | Chi Lollo va trovanno. |
| | SEBEONE |
| | Che buo’ arravà si subeto è squagliato, |
| 1095 | Ha parzo justo spireto. |
| | GRANNIZEA |
| | Sebeone mio caro |
| | SEBEONE |
| | Tu che buoje |
| | Ca mm’aje ammojenato. |
| | GRANNIZEA |
| | Dimme, cano, tu puoje? |
| | Vedè morta Grannizea. |
| | SEBEONE |
| | Chist’è n’aoto accunto. |
| | GRANNIZEA |
| 1100 | Che dè sempe mme faje ssa malacera? |
| | SEBEONE |
| | E battenn’a mmalanno |
| | Ca stongo si sapisse |
| | Co li cancare mieje |
| | GRANNIZEA |
| | Che t’aggio fatto? |
| | Sempe de na manera?... |
| | SEBEONE |
| | E che borrisse? |
| | GRANNIZEA |
| 1105 | Che mme stiss’a sentì no quarto d’ora. |
| | SEBEONE |
| | Saccio che mm’aje da dire, |
| | Va pe ss’aote Taverne |
| | Vide de trovà sciorte. |
| | GRANNIZEA |
| | Non te movono st’uocchie, |
| 1110 | Ste carne, sta vocchella. |
| | SEBEONE |
| | Trova Masto Santillo, che t’agghiusta |
| | Se no Pontannecchino, che te frusta. |
| | GRANNIZEA |
| | A me chesso frabutto |
| | Vi’ ch’aggio da Sentì!... |
| | SEBEONE |
| | Vecchia sdentata. |
| | GRANNIZEA |
| 1115 | Uh! nigro te guallecchia, |
| | Fetente, sgavenato, schefenzuso. |
| | SEBEONE |
| | E tu vuo’, che te stira ssa pellecchia, |
| | O t’ammatonto buono lo caruso. |
| | GRANNIZEA |
| | A me vuo’ ammatontà? vuo’ che te torcio |
| 1120 | Lo cuollo, justo comm’a pollastiello. |
| |
| | SCENA XIV |
| |
| | RITA, RAPISTO, e li stisse. |
| |
| | RITA |
| | Mamma, Mamma che nc’è?... |
| | RAPISTO |
| | Ch’è sso greciello? |
| | GRANNIZEA |
| | Non vi’ sso colascione |
| | Ca vo’ fare lo guappo, |
| | E boleva da me na cosa a forza. |
| | RAPISTO |
| 1125 | E che buo’, che l’arrappo |
| | E te lo manno priesto a lo montone. |
| | SEBEONE |
| | Che dice sette scorza |
| | Tu le bide ste mmano |
| | RITA |
| | Aspetta, aspetta. |
| | SEBEONE |
| | Chiano sia perchiepetola. |
| | GRANNIZEA |
| 1130 | Oje facce de Cevettola. |
| | RAPISTO |
| | Scompitele ssi strille. |
| | GRANNIZEA |
| | Ommo de niente. |
| | SEBEONE |
| | Fattocchiara. |
| | GRANNIZEA |
| | Stregone. |
| | SEBEONE |
| | Te scippo ssi capille, |
| | E tte faccio restà netta paletta. |
| | RITA |
| 1135 | Mo’ te la voglio fa la capo netta. |
| | RAPISTO |
| | Fremma Rita che Faje |
| | GRANNIZEA |
| | Lassal’accidere. |
| | RAPISTO |
| | Che staje mbreaca |
| | SEBEONE |
| | Oh Dio, ca mme faje ridere. |
| | GRANNIZEA |
| |
| | Vessecone, guallaruso. |
| |
| | RITA |
| |
| | Non sia nullo, che mme tenga. |
| |
| | SEBEONE |
| |
| 1140 | Che te vatta mala tenga |
| | Brutta vecchia. |
| |
| | GRANNIZEA |
| |
| | Pedocchiuso. |
| |
| | RAPISTO |
| |
| | No cchiù strille no cchiù no. |
| |
| | SEBEONE |
| |
| | Chiarchiolella schiatta mo’. |
| |
| | GRANNIZEA |
| |
| | Pezzentone crepa mo’. |
| |
| | RITA |
| |
| 1145 | Sbregognato crepa mo’ |
| | Te sta botta a li feliette. |
| |
| | SEBEONE |
| |
| | No lo fa, ca te nne piente. |
| |
| | GRANNIZEA |
| |
| | Vi’ che punio a li morfiente. |
| |
| | RAPISTO |
| |
| | Non te metter’a st’apprette. |
| |
| | SEBEONE |
| |
| 1150 | Non te voglio none no. |
| |
| | GRANNIZEA |
| |
| | Tu sbarie, chi te vo’. |
| |
| | RITA |
| |
| | Piglia chesso, e torna po. |
| |
| | RAPISTO |
| |
| | Statte Rita, lassa mo’. |
| |
| |
| |
| |
