| | |
| | |
| | La Locinna, Napoli, A Spese de lo Mpressareo, 1723 |
| | a cura di Ginevra Del Vacchio |
| |
| |
| |
|
| |
| | ATTO III |
| |
| | SCENA PRIMMA |
| |
| | SERPILLO, e SIRVEIA. |
| |
| | SERPILLO |
| 1210 | No cchiù mo’ |
| | SIRVEIA |
| | Te dà mpaccio. |
| | SERPILLO |
| | Sirveia scumpe no cchiù. |
| | SIRVEIA |
| | Fuorze aggio tuorto? |
| | Va stirate sso vraccio. |
| | SERPILLO |
| | Uh! da mene, che buoie? Parle a no muorto. |
| | SIRVEIA |
| | Ll’haie fatta già la prova, |
| 1215 | Ca pe te chella scura |
| | Connannata se trova |
| | SERPILLO |
| | Aiemmè; che ghielo! |
| | SIRVEIA |
| | Pe te nc’ha sta sbentura. |
| | SERPILLO |
| | No, ca no nce cchiù n’ Cielo |
| | Jostizeia, né piatà: no, ca la sciorte, |
| 1220 | Lo destino le stelle, e porzì Ammore; |
| | Fanno le cose storte: |
| | Locinna ha da morì! Locinna more! |
| | Ddieie, crudile ve chiammo, |
| | Sì |
| | SIRVEIA |
| | A chesto curpe tune: |
| 1225 | Haie già visto, ca t’ammo |
| | Quanto |
| | SERPILLO |
| | Fremma no cchiune: |
| | Non tozzolà sta porta: |
| | Chisto è chiaieto scomputo. |
| | Pe mme, e pe tene ogne speranza è morta. |
| | SIRVEIA |
| 1230 | (O affanne male spise!). |
| | SERPILLO |
| | E si manca autro aiuto, |
| | Mm’accio fedele, e sbentoraro ammante, |
| | Azzò a li campe Alise |
| | Nce trove ll’ombra mia, ch’è ghiuta nnante. |
| | SIRVEIA |
| 1235 | Marame! che penziero! |
| | Chessa è na frennesia. |
| | SERPILLO |
| | Sine, c’accossì spero, |
| | Che llà la bella mia |
| | Aggia de me chella piatà, che maie |
| 1240 | Non have avuta cca. |
| | SIRVEIA |
| | Zitto: che d’haie? |
| | Siente |
| | SERPILLO |
| | Chesto e securo. |
| | SIRVEIA |
| | O Dio! non pienze a mmene, |
| | Ca sto a riseco io puro! |
| | Tu morarraie pe chella, e io pe tene. |
| |
| 1245 | Si chella pe te more; |
| | Tu gioia |
| | De sto core; |
| | Campa pe Sirveia toia, |
| | Non fa, ch’io porzì mora |
| 1250 | Desperata. |
| | No, caro mio; no cchiù: |
| | Leva ssa fantasia; |
| | Ca si non campe tu, |
| | Già de la morte mia |
| 1255 | Mme veo vecina ll’ora |
| | Negrecata. |
| |
| | SCENA II |
| |
| | SERPILLO sulo. |
| |
| | SERPILLO |
| | Ajemmè! c’affanno è chisto, |
| | Che fracella sto core trommentato! |
| |
| | SCENA III |
| |
| | SARVAGGIO, e lo stisso. |
| |
| | SARVAGGIO |
| | (Maro me! c’aggio visto! |
| 1260 | Dormo, o stongo scetato!) |
| | SERPILLO |
| | Cca staie Sarvaggio (o Dio!) |
| | Piatate |
| | SARVAGGIO |
| | Che piatate! |
| | Ca tremmo bene mio! |
| | Non vi’ ca sto co ll’uocchie strevellate? |
| | SERPILLO |
| 1265 | Pecchene? |
| | SARVAGGIO |
| | Uh! che stupure! |
| | Mentre, ch’a la capanna; |
| | Co tutte li Pasture; |
| | Se facea de Locinna la connanna |
| | SERPILLO |
| | Aiemmene! |
| | SARVAGGIO |
| | Zengariello! |
| 1270 | No toro de li mieie, pe ll’aria è ghiuto |
| | E comme fosse auciello, |
| | Volanno, nfra le nnuvola è sparuto! |
| | SERPILLO |
| | Che sento! |
| | SARVAGGIO |
| | E ba la mpatta! |
| | Chisto è no signo brutto! |
| 1275 | Vo’ mennetta la Ddea, ca cca se tratta |
| | De joramiento rutto, che te cride? |
| | E nce vo’, p’appracà la Dea stezzata, |
| | Lo sango de Locinna. |
| | SERPILLO |
| | Ah! ca mm’accide. |
| |
| | SCENA IV |
| |
| | CERVONE, e li stisse. |
| |
| | CERVONE |
| | Uh! che brutta jornata! |
| 1280 | Messere mio |
| | SARVAGGIO |
| | Di’ appriesso. |
| | CERVONE |
| | Lassame peglià spireto no poco. |
| | Che ghiajo! |
| | SARVAGGIO |
| | Ch’è socciesso? |
| | CERVONE |
| | Cosa peo de lo Toro; int’a lo fuoco, |
| | Che pe lavà le Tenne s’è allommato, |
| 1285 | Na Crapa, e no Crastato |
| | Nc’hanno fatto n’abballo de mez’ora: |
| | Po, co no bello sfarzo, |
| | Songo zompate fora, |
| | E no pilo de lana non s’é arzo! |
| | SARVAGGIO |
| 1290 | Che zeffunno s’è apierto! |
| | SERPILLO |
| | O Dio, che d’è! |
| | SARVAGGIO |
| | La Ddea fa tutto chesto, |
| | Ca vo’ morta Locinna. |
| | CERVONE |
| | E chesto è cierto. |
| | SARVAGGIO |
| | A nuje facimmo priesto: |
| | Dammo a lo sagrefizeio. |
| | SIRVEIA |
| 1295 | Chiano; Sarvaggio; siente |
| | SARVAGGIO |
| | Che buoje, che n’esca quacche precepizeio! |
| | Cca non se pò fa niente. |
| | SERPILLO |
| | Si sarvare se pote |
| | Renonzannola io, |
| 1300 | Vecco, ca la renunzeio ciento vote. |
| | SARVAGGIO |
| | Te nganne: figlio mio; |
| | Co chesto non s’ajuta. |
| | Quanno chella ha ghiorato, e po nn’è asciuta. |
| | SERPILLO |
| | Nc’è na pena cchiù amara! |
| 1305 | Lo delore mme scose! |
| | Addonca hà da morì la gioja cara? |
| | SARVAGGIO |
| | Figlio; a strobbà ste cose |
| | Nullo se nce pò mettere. |
| | Cca pacienzeia nce vole. |
| | CERVONE |
| | O cinco lettere. |
| | SARVAGGIO |
| 1310 | La Ddea vo’ la mennetta; |
| | E la legge porzì. |
| | SERPILLO |
| | Legge mmardetta: |
| | Mmardi’ |
| | SARVAGGIO |
| | Non passà nnante! |
| | CERVONE |
| | Che dice! arrasso ssia! |
| | SERPILLO |
| | Sine, e mmarditte quante |
| 1315 | Vonno la morte soja, la morte mia, |
| | Mo’ nn’ordene mme metto: |
| | Mo’ mm’accio; e l’aspetto |
| | A li Luoghe vejate, |
| | Addove vanno ll’arme nnammorate. |
| |
| 1320 | Mprimmo d’essa io morarraggio; |
| | E no lietto a ll’arma bella |
| | De mortella, |
| | Rose, e shiure |
| | Le jarraggio |
| 1325 | A apparecchià. |
| | Addio vuosche, ammice, addio: |
| | Addio, Mantre, addio Pasture; |
| | Già m’abbio |
| | Pe mme scannà. |
| |
| | SCENA V |
| |
| | SARVAGGIO, e CERVONE. |
| |
| | CERVONE |
| 1330 | Tiemente comme fuje! |
| | La face la frettata. |
| | SARVAGGIO |
| | E lesto: che bo’ fa? Via, dammo a nuje. |
| | Se piglie mo’ Locinna carcerata; |
| | E se metta a progare |
| 1335 | A la Grotta d’Arfeo. |
| | CERVONE |
| | Mo’ te l’afferro |
| | (E ba, ca pò scappare; e llà la nzerro.) |
| | SARVAGGIO |
| | Po vamme apparecchianno |
| | Quanto nce vo’ a lo sagrefizeio: a tene. |
| | CERVONE |
| | Mo’ te servo volanno: |
| 1340 | (Negr’essa, e che sceruppo, che le vene!) |
| |
| | SCENA VI |
| |
| | SARVAGGIO sulo. |
| |
| | SARVAGGIO |
| | Ajemmè! da ddo’ so’ schiuse! |
| | No mm’allecordo maje |
| | Sti signe spaventuse! |
| |
| | SCENA VII |
| |
| | VEJOLA, e lo stisso. |
| |
| | VEJOLA |
| | (Mara me! quanta guaje! |
| 1345 | Uh! che sfunnolo è chisto!) |
| | SARVAGGIO |
| | (Io so’ stonato!) |
| | VEJOLA |
| | Sarvaggio mio; haje visto? |
| | SARVAGGIO |
| | Non lo bi’, ca so’ tutto strozzellato! |
| | VEJOLA |
| | Se vo’ morta Locinna. |
| | SARVAGGIO |
| | E co raggione. |
| | Aggio dato già ll’ordene, |
| 1350 | Che se metta mpresone; |
| | E che se purghe. |
| | VEJOLA |
| | Buono. |
| | SARVAGGIO |
| | Po la sagrefecammo |
| | Facennone no duono |
| | A sta Ddea, c’have affesa; e l’appracaro. |
| | VEJOLA |
| 1355 | O bravo! |
| | SARVAGGIO |
| | E dapo’ spero |
| | Dà figliama a Serpillo. |
| | VEJOLA |
| | Po rescì sso penziero; |
| | Sine, ca quanno chillo |
| | Perde la bella soja, |
| 1360 | Io peglià Sirveia toja, |
| | Che nne stace speruta, la scur’essa. |
| | SARVAGGIO |
| | E po saje, che nce resta? |
| | Che attienne la mprommessa |
| | De dà Dorina a mme. |
| | VEJOLA |
| | Chella sta lesta. |
| | SARVAGGIO |
| 1365 | Bene mio! mo’ mme spogno! |
| | VEJOLA |
| | Ma chesto co no patto |
| | SARVAGGIO |
| | Che? parla. |
| | VEJOLA |
| | Mme vreognio? |
| | SARVAGGIO |
| | Spapura. |
| | VEJOLA |
| | Ih! |
| | SARVAGGIO |
| | Manco! |
| | VEJOLA |
| | Sine che Cervone |
| | Se piglie a mmene. |
| | SARVAGGIO |
| | È fatto! |
| 1370 | Ma tu, che nne vuoie fa de no marrone? |
| | VEJOLA |
| | Vasta. Non saje?... |
| | SARVAGGIO |
| | Te piace? |
| | VEJOLA |
| | U. |
| | SARVAGGIO |
| | Già mme so’ addonato de sso ntrico. |
| | VEJOLA |
| | Sine: no mme despiace. |
| | SARVAGGIO |
| | Allegra, e te conzola, |
| 1375 | Ch’è piso mio de t’accocchià co tico. |
| | VEJOLA |
| | Sì, ca lo boglio fa pe no sta sola. |
| |
| | So’ scura Vedolella; |
| | E sta sola solella |
| | Non face cchiù pe mmene |
| 1380 | Ca n’aggio chi mme mogne. |
| | Le pecore, e le crape: |
| | E pe d’autre abbesuogno |
| | Nce vo’ lo maretiello; |
| | N’è bero? e si nce vo’ |
| 1385 | Io quanto nce nne cape |
| | A chillo voglio bene; |
| | E tu puoje fa st’appiello |
| | Ll’haje sentito? fa tu mo’. |
| |
| | SCENA VIII |
| |
| | SARVAGGIO sulo. |
| |
| | SARVAGGIO |
| | Bonora! e che prodito! |
| 1390 | È becchia scarcagnata, e se lo leteca! |
| | So’ femmene? e marito? |
| | A tutte quante fa venì l’arteteca. |
| | O sia brutta, o sia bella: |
| | O vedola, o Zetella; |
| 1395 | O na vecchia peruta, |
| | Lo vonno; e mmalannaggia chi nce sputa. |
| |
| | S’io mme trovo ncappato a lo bisco, |
| | Pe chella |
| | Nennella, |
| 1400 | A lo manco so’ tuosto, so’ frisco, |
| | Ma essa e becchiumma |
| | Scognata, |
| | Vavosa, |
| | Scazzata |
| 1405 | Moccosa, |
| | E porzine se vo’ mmaretà! |
| | Vi’, bonora! chi squaglia chi allumma! |
| | Ma si Ammore |
| | Mm’abbruscia, e feresce |
| 1410 | Sto pietto, sto core, |
| | Sto comm’a no pesce |
| | Sano, e bello, e mme pozzo nzorà. |
| |
| | SCENA IX |
| |
| | LOCINNA, e ARMILLO. |
| |
| | LOCINNA |
| | Mantiene st’azzejone |
| | E defienne sto tratto? |
| | ARMILLO |
| 1415 | Haje ntesa la raggione. |
| | Pe te sarvà la vita io ll’aggio fatto. |
| | LOCINNA |
| | Che bita! de no core, |
| | Ch’amma co bero affetto, |
| | La vita saje qual’è? lo stisso ammore |
| | ARMILLO |
| 1420 | È bero te l’azzetto |
| | LOCINNA |
| | E n’ammore, ch’è forte, |
| | Smovere no lo pò manco la morte. |
| | ARMILLO |
| | Siente a me no tantillo, |
| | Locinna mia, non tanto |
| | LOCINNA |
| 1425 | Ddonca chisto è lo bene? |
| | Renonzareme a chillo, |
| | Pe mme levà l’avanto |
| | De morire pe tene. |
| | ARMILLO |
| | Ma chi pò campà cchiune, |
| 1430 | Si muore tu? |
| | LOCINNA |
| | Voglio, che campe tune |
| | Pe bella groleia mia, che pe te moro. |
| | ARMILLO |
| | Ch’io campe! e comme (o Dio.) |
| | Si, chesta pena smagliarria no Toro? |
| | LOCINNA |
| | Chesto da te vogl’io, |
| 1435 | Tu campa, e lassa chiovere |
| | Ncuollo a mme |
| |
| | SCENA X |
| |
| | CERVONE, co quatto Pasture e li stisse. |
| |
| | CERVONE |
| | Zitto: è chesta. (A li Pasture.) |
| | LOCINNA |
| | Tutte le. |
| | CERVONE |
| | Fremma lloco: no nte movere. |
| | ARMILLO |
| | Ajemmè! |
| | CERVONE |
| | Tu si’ presone. |
| | LOCINNA |
| | Eccome lesta. |
| | CERVONE |
| | O bravo! |
| | ARMILLO |
| | O Armillo scuro! |
| | CERVONE |
| 1440 | A nuje. |
| | ARMILLO |
| | Mo’ moro ciesso. |
| | CERVONE |
| | Jammo a lo purgaturo, |
| | E po tu saje chello, che bene appriesso. |
| | LOCINNA |
| | Chesto no mme spaventa |
| | ARMILLO |
| | Mo’ lo core se fragne! |
| | LOCINNA |
| 1445 | Moro p’Armillo mio, moro contenta. |
| | CERVONE |
| | Buono. |
| | ARMILLO |
| | Ah! |
| | LOCINNA |
| | Che d’è? tu chiagne! |
| | Che breogne so’ cheste! |
| | ARMILLO |
| | O Armillo affritto! |
| | LOCINNA |
| | Da tene voglio schitto, |
| | Che de me non te scuorde |
| | ARMILLO |
| 1450 | Ah! ca st’arma se scrasta! |
| | LOCINNA |
| | Voglio che t’allecuorde, |
| | Ca so’ morta pe tene, e chesto abbasta. |
| |
| | Sì, caro, ca la morte |
| | Pe mme non è sbentura, |
| 1455 | Perzò co n’arma forte, |
| | La vao ad affrontà; |
| | E tu no nte scordà |
| | De chi more pe te: |
| | Te lasso: Addio. |
| 1460 | Tu Campa, e te conforta, |
| | E a chella sebbetura, |
| | C’ha da servì |
| | Pe mme, |
| | Puoje scrivere accossì. |
| 1465 | Chesta p’Armillo è morta, |
| | Ca chisto cca |
| | Sarrà |
| | L’avanto mio. |
| |
| | SCENA XI |
| |
| | ARMILLO sulo. |
| |
| | ARMILLO |
| | Ajemmè! ca già so’ ghiuto! |
| 1470 | Ddonca Locinna more, |
| | E tu lo zuffre, o Armillo, e lo puoje fare? |
| | Addonca, nzallanuto |
| | Da l’aciervo delore, |
| | Non pienze, ca sta a te de la sarvare. |
| 1475 | Saje, ca cca se prommette, |
| | Ch’uno mora pe n’autro, e mbe’, c’aspiette? |
| | Mo’ corro, e la sbentura. |
| | Ch’attocca ad essa, io mme la piglio, e sia |
| | Pe mme bella ventura, |
| 1480 | Che n’aggia da sarvà la morte mia. |
| |
| | Sì; gioja, sì, core, |
| | Sì; schiecco d’ammore, |
| | Ca felice, vejato mme tengo |
| | Mo’, che bengo |
| 1485 | A morire pe te. |
| | Si moro pe tene; |
| | O cara fatella, |
| | Pe mmene |
| | La morte |
| 1490 | E la sciorte |
| | Cchiù penta, chiù bella, |
| | La cchiù doce, ch’io pozza gaudè. |
| |
| | SCENA XII |
| |
| | DORINA sola. |
| |
| | DORINA |
| | Janca me! che piatate! |
| | Scur’essa! Ll’hanno nchiusa int’a la grotta, |
| 1495 | E mo’ mmo’, nzanetate: |
| | La portarranno a fa na negra botta! |
| |
| | SCENA XIII |
| |
| | CERVONE, e la stessa. |
| |
| | CERVONE |
| | (Io so’ fatto no pizzeco!) |
| | DORINA |
| | (Ih! che compassione!) |
| | CERVONE |
| | (Chesta è no Ruospo propeio, |
| 1500 | Che ncoccia a le pretate!) |
| | DORINA |
| | O! addio, Cervone. |
| | CERVONE |
| | O! cca staje tune? schiavo, |
| | Mossillo ngeleppato. |
| | DORINA |
| | Nce riesce a st’autro affizeio |
| 1505 | De fa lo sbirro: o bravo! |
| | CERVONE |
| | Che d’è sbirro anorato, |
| | Sbirro de sagrefizeio. |
| | DORINA |
| | O bella pezza! |
| | Leva, le’: che breogna! |
| | Shiù shiù. |
| | CERVONE |
| | Chesta è grannezza. |
| | DORINA |
| | O bell’appiello! |
| 1510 | Pe te vace de pressa |
| | Chella negra fegliola a lo maciello. |
| | CERVONE |
| | Pe mme? nce corpa essa, |
| | Che a forza vo’ morire. Essa è ncocciosa, |
| | Ed essa se lo bea. |
| | DORINA |
| | Mo’ ll’haje nzertata. |
| | CERVONE |
| 1515 | Dori’, dimme na cosa: |
| | Si a chisto abballo stisse, |
| | E tu fusse Locinna, che farrisse? |
| | DORINA |
| |
| | A mme la morte! |
| | Arrassosia! |
| 1520 | Sia tutta soja: |
| | Mme pegliarria |
| | Porzì lo boja |
| | Pe no morì |
| | Io la ncocciosa! |
| 1525 | Maje tale cosa! |
| | Le faccia essa |
| | Ste cose storte |
| | Ca io, de pressa; |
| | Derria: gnorsì. |
| |
| | CERVONE |
| 1530 | Che singhe benedetta, |
| | Ca ll’haje dato addo’ tene |
| | DORINA |
| | Pe mme la dico schetta. |
| | CERVONE |
| | Sine, gioja: |
| | Mbe’, puoje pegliare a mmene: |
| | Lo sbirro è chiù cevile de lo boja. |
| | DORINA |
| 1535 | Siente, Cervo’, t’è nata |
| | Na bella ncontratura. |
| | Zia s’è confarfata |
| | Co Sarvaggio, e procura |
| | Che io mme piglie ad isso. |
| | CERVONE |
| | Atta d’aguanno! |
| | DORINA |
| 1540 | E chillo ll’hà mprommisso |
| | De dare a tene ad essa. |
| | CERVONE |
| | Io no malanno! |
| | E lesto. |
| | DORINA |
| | E pecché chessa. |
| | Mm’hà ncignato a frosciare, e sto fruscioco |
| | Mme farrà morì jetteca |
| 1545 | Mo’ nne caccio lo fraceto, e lo zuco. |
| | CERVONE |
| | E che pienze de fare? |
| | DORINA |
| | Tu a mme mme vuoje? |
| | CERVONE |
| | O bella! |
| | Pe te tutto abbrosciato |
| | Sta lo core, e porzì la coratella: |
| 1550 | Pe te tutto nchiajato |
| | Sto da dinto, e da fora; e p’ogne lluoco, |
| | Addo’ mme tuocche, io sghizzo sango, e fuoco. |
| | DORINA |
| | Orsù: la mano, a nuje. |
| | CERVONE |
| | Mme gabbe? |
| | DORINA |
| | Pruoje ccane. |
| | CERVONE |
| | O nenna d’oro! |
| | DORINA |
| 1555 | Correvà le bolimmo a tutte duje. |
| | CERVONE |
| | Sì, cara, a ll’uocchie lloro, |
| | Volimmo stare sempre ncontentezza. |
| | DORINA |
| | E sguazzarimmo mmiezo a l’allegrezza. |
| | A DUE |
| 1560 | Bene mio? che sciorte è chesta! |
| | DORINA |
| |
| | Che docezza |
| |
| | CERVONE |
| |
| | Che dellietto |
| |
| | DORINA |
| |
| | Maretiello |
| |
| | CERVONE |
| |
| | Moglierella |
| |
| | DORINA |
| |
| | Popatiello |
| |
| | CERVONE |
| |
| | Popatella |
| |
| | DORINA |
| |
| | De sto core |
| |
| | CERVONE |
| |
| | De sto pietto |
| |
| | DORINA |
| |
| 1565 | Sempe ngusto |
| |
| | CERVONE |
| |
| | Sempe nfesta |
| |
| | DORINA |
| |
| | Fato mio |
| |
| | CERVONE |
| |
| | Gioja mia |
| |
| | A DUE |
| |
| | Volimmo sta. |
| |
| | DORINA |
| |
| | Grazejuso, bello fatto |
| |
| | CERVONE |
| |
| | Uocchie belle |
| 1570 | Cianciusielle |
| |
| | DORINA |
| |
| | Stammo alliegre |
| |
| | CERVONE |
| |
| | Zompa, sciala |
| |
| | A DUE |
| |
| | Ca te mpatto |
| | D’havè sempe da sguazzà. |
| |
| | SCENA XIV |
| |
| | Escerranno nnante Pasture, che portarranno no vraseriello de ramma co fuoco: na scatola co cose addorose no vaso co Latte: ramme d’Auliva, de lavoro, e d’erva savina: n’Autariello pe lo Sagrefizeio: na Tovaglia de seta pe se mettere ad armacuollo, e na jorlanna de cepriesso, che serveno pe Sarvaggio; e a ll’utemo no Pastoriello, che porta la Cortella. Dapo’ de chesto esciarranno SARVAGGIO, e BEJOLA, che portano ARMILLO mmiezo, lo quale è stato azzettato de morì pe Locinna. |
| |
| | SARVAGGIO |
| | Orsù, fegljule, a nuje: |
| 1575 | Dateme la Tovaglia, e la jorlanna, |
| | E apparecchiate vuje |
| | L’Autaro, co lo fuoco, a chesta vanna. |
| | Vie, le cose addorose: |
| | L’Auliva mo’, lo lavoro, e la savina; |
| 1580 | Abbasta; e tu sso latto mm’abbecina. (Dapo’, che Sarvaggio s’avarrà posta la tovaglia, e la jorlanna: e dapo’ c’avarrà poste tutte le cose scritte a lo fuoco; dice a la Ddea.) |
| | Comme de cheste cose, |
| | Che a chisto autaro allummo. |
| | Nne sparesce o fummo; o bella Ddea; |
| | Accossì ll’ira toja sparì se vea. |
| 1585 | Giovene affortonato; (ad Armillo.) |
| | Che muore pe sarvà la bella toja; |
| | Sarraje sempe laudato |
| | Nsi’, che la luce soja |
| | Darrà lo Sole a llommenà lo Munno: |
| 1590 | Avarraje no zeffunno |
| | D’avanto gloreja, e anore, |
| | Ca l’asempejo sarraje de fede, e ammore. |
| | ARMILLO |
| | E addo’ cchiù bella sciorte |
| | Se pò trovare maje? |
| 1595 | Bella la caosa, e bella cchiù è la morte. |
| | VEJOLA |
| | Sì figlio grolejuso morarraje. |
| | SARVAGGIO |
| | Tu; Ddea, che pe la corpa |
| | D’una sola, lo prubbeco ammenacce; |
| | Mo’, co na bella facce, |
| 1600 | Recive la descorpa, |
| | C’haje da chisto pe chella, e tu fa digno |
| | Lo sango sujo de t’astuta lo sdigno. |
| | Damme cca la cortella. |
| | ARMILLO |
| | Sì, ca pe mme sta morte è troppo bella. |
| | SARVAGGIO |
| 1605 | Addenocchiate cca : cchiù cca no poco. |
| |
| | SCENA XV |
| |
| | LOCINNA, da baccante, e li stisse. |
| |
| | LOCINNA |
| | Ah! cano! fremma lloco: |
| | Non movere sso vraccio! |
| | O co st’ogna, ed a muorze io te spetaccio. |
| | VEJOLA |
| | (Comm’è asciuta! uh! che ntrico!) |
| | SARVAGGIO |
| 1610 | Fremma, cana: che faje! |
| | Ch’è sagreleggeio! |
| | VEJOLA |
| | Uh, uh! |
| | LOCINNA |
| | Fremma te dico. |
| | SARVAGGIO |
| | Tu si’ na scelerata. |
| | LOCINNA |
| | So’ fureia scatenata. |
| | SARVAGGIO |
| | Pasture; a buje pegliatela. |
| | LOCINNA |
| 1615 | Canaglia: non sarrà. |
| | SARVAGGIO |
| | Levatela da cca priesto attaccatela. |
| |
| | SCENA XVI |
| |
| | SERPILLO, e li stisse. |
| |
| | SERPILLO |
| | Cane; lassate a chessa: |
| | Venite ad attaccare |
| | A mmene, ca vogli’io morì pe d’essa. |
| | SERPILLO |
| 1620 | Chesto non se pò fare: |
| | Veccolo cca chi pe Locinna more. |
| | SERPILLO |
| | E ha d’havè sto delore |
| | Locinna mia de vedè muorto a chisso? |
| | Le lev’io sto trommiento: |
| 1625 | So’ cca io pe morì pe d’essa, ed isso. |
| | LOCINNA |
| | (Che d’è chesto! che sento!) |
| | ARMILLO |
| | Attocca a mme sta sciorte, |
| | Ca so’ stato azzettato, e io la voglio. |
| | SERPILLO |
| | No ca voglio io la morte: |
| 1630 | Azzettate a mme puro. |
| | SARVAGGIO |
| | (O vi’, che mbruoglio!) |
| | LOCINNA |
| | No la vencite chesta: |
| | Io de morì so’ lesta. |
| | La Ddea io ll’aggio affesa: |
| | La marvasa songh’io: |
| 1635 | E ll’have d’appracà lo sango mio. |
| | VEJOLA |
| | Va la sciuoglie sta mpresa! |
| | SARVAGGIO |
| | Uh! che confosejone! |
| | Orasusso, scompimmola: |
| | A la sciorte mettimmola, |
| 1640 | E la sciorte ve faccia sta raggione. |
| | Mettite int’a na coppola |
| | De tutte tre li signe, azzò se vea |
| | Co chesto, de vuje tre chi vo’ la Ddea. |
| | LOCINNA |
| | Io corpo, io mora. |
| | ARMILLO |
| | A mmene |
| 1645 | Tocca morì pe tene. |
| | SERPILLO |
| | A mme pe tutte duje. |
| | SARVAGGIO |
| | Mo’ sì so’ stufo! |
| | La sciorte ll’hà da di’: chesto è concruso. |
| | Via, li nzegnale; a buje. |
| | LOCINNA |
| | Chisto è lo mio. |
| | SERPILLO |
| | E lo mio chisto cca. (Metterranno li signe int’a na coppola.) |
| | ARMILLO |
| | Chisto mett’io. |
| | SARVAGGIO |
| 1650 | Viene cca: Niso a tene: |
| | Piglia qua vene vene. (Lo Pastoriello cacciarrà lo signo de Locinna.) |
| | SERPILLO |
| | Ah! che beo! |
| | ARMILLO |
| | C’aggio visto! |
| | SARVAGGIO |
| | Pruojelo ccane. È de Locinna chisto. |
| | LOCINNA |
| | Chiù gusto, cchiù allegrezza |
| 1655 | La grazeia de la Ddea |
| | Dare no mme potea. |
| | Chiena de contentezza |
| | Sta sciorte abbraccio: e pao |
| | Mo’, ch’a morire io vao; (a Serpillo) |
| 1660 | A tutte duje ll’ammore, e pao a tene |
| | Ll’obbreco puro, a tene, c’haje mostrato |
| | Lo mpigno de morì p’isso, e pe mmene. |
| | SERPILLO |
| | Aiemmè! ca mo’ sconocchio! |
| | ARMILLO |
| | Io so’ ghielato! |
| | LOCINNA |
| |
| | Tu te conzola, (ad Armillo.) |
| 1665 | Tu te conforta. (A Serpillo.) |
| | Ntennite a mmene: |
| | Ch’è groleia mia, |
| | Pe te, p’ammore, (Ad Armillo.) |
| | P’obbreco a tene, (A Serpillo.) |
| 1670 | Morì accossì. (A tutte duje.) |
| |
| | ARMILLO |
| |
| | Quanno si morta |
| |
| | SERPILLO |
| |
| | Quanno tu muore... |
| |
| | A DUE |
| |
| | Chi pò campà! |
| |
| | LOCINNA |
| |
| | Io vao cercanno, |
| 1675 | Ch’ogn’uno senta, |
| | Che de me sola |
| | St’avanto sia; |
| | Perzò contenta, |
| | De bona voglia |
| 1680 | Corro a morì. |
| |
| | ARMILLO |
| |
| | Ah? ca l’affanno |
| |
| | SERPILLO |
| |
| | Ah? ca la doglia |
| |
| | A DUE |
| |
| | Mm’accidarrà. |
| |
| | SARVAGGIO |
| | Via su, priesto; Pasture; |
| 1685 | Scanzammo la roina. |
| | VEJOLA |
| | (Uh! poverella!) |
| | SARVAGGIO |
| | N’autra vota l’addure: |
| | Via, l’auliva, lo lavoro, la savina, |
| | Lo Latto, la cortella; |
| | Appracammo la Ddea, |
| 1690 | Nnanze, che nce soccea quacche dammaggio. |
| | LOCINNA |
| | Se mora: Eccome cca. |
| |
| | SCENA XVII |
| |
| | La Ddea, che parla; e li stisse. |
| |
| | DDEA |
| | Fremma, Sarvaggio. |
| | SERPILLO |
| | Parla la Ddea! |
| | SARVAGGIO |
| | Che sento! |
| | DDEA |
| | Tanta signe, c’haje viste. |
| | Ll’haje avute pe triste, e non so’ triste. |
| 1695 | Lo fauzo joramiento |
| | Ha scanzato n’arrore. |
| | So’ Serpillo, e Locinna frate, e Sore. |
| |
| | SCENA XVIII |
| |
| | SARVAGGIO, LOCINNA, SERPILLO, ARMILLO, e BEIOLA. |
| |
| | SARVAGGIO |
| | O Ddea meracolosa! |
| | SERPILLO |
| | C’aggio ntiso! |
| | LOCINNA |
| | Ch’è chesto! |
| | ARMILLO |
| 1700 | Comme vace sta cosa! |
| | LOCINNA |
| | Frate a mme! |
| | SERPILLO |
| | Sore a mme! |
| | VEJOLA |
| | Confosa io resto! |
| | ARMILLO |
| | (C’allegrezza mm’è ghionta!) |
| | SERPILLO |
| | Locinna sore a mmene! |
| | SARVAGGIO |
| | Viene; Serpillo; e conta |
| 1705 | Tu chi si’: d’addo’ si’; che saje de tene? |
| | SERPILLO |
| | Da Capoa io so’ benuto: |
| | Saccio, ca Jola fuje lo Patre mio. |
| | SARVAGGIO |
| | Mammama Orzilla; ed autro non sacc’io. |
| | VEJOLA |
| | Jola! |
| | J. C’aggio sentuto! |
| 1710 | Mo’ m’allecordo, sine |
| | Comme passaje lo mbruoglio. |
| | SARVAGGIO |
| | E io porzine. |
| | T’è frate senza dubbeio. (A Locinna.) |
| | VEJOLA |
| | T’è sore sta fegliola. (A Serpillo.) |
| | E becco comme fuje. |
| 1715 | Quanno fegliaje a te Sciorella, mammata; |
| | La mogliera de Jola |
| | Facette n’autro mascolo, |
| | E accossì suocce, e simmele |
| | Jerevo tutte duje, |
| 1720 | Ch’era la maraveglia de le gente. |
| | Tanno avea rente, rente |
| | Dammone; ch’era pateto; |
| | A Ghiola la Capanna: ora sortette; |
| | Dapo’ cinco, o seje mise, |
| 1725 | (Creo co qua descenziello,) |
| | Ch’a Ghiola lo fegliulo le morette |
| | SARVAGGIO |
| | E cca mbrogliaje li pise: |
| | Mo’ te siente l’appiello. |
| | VEJOLA |
| | Ascota mone: |
| | Mo’ è chiaruto lo nganno. |
| 1730 | Fuje de notte lo caso, |
| | De Luglio, o Agusto; e la matina, quanno |
| | Tu sulo a lo sportone jere rommaso |
| | (Pocca Mammeta, e Pateto |
| | Steano attuorno a le pecore,) |
| 1735 | Tanno facette Jola lo corrivo: |
| | Lassaje lo muorto; e se pegliaje lo vivo. |
| | SARVAGGIO |
| | Mammeta, a qua nzegnale, |
| | S’addonaje de l’agguajeto, |
| | Ma non potette fare manco sale. |
| | VEJOLA |
| 1740 | No, pecché avea contrareia |
| | L’assemeglianza justa, e porzì tanno |
| | Jola facea pe sette, |
| | C’avea de li pasture lo commanno. |
| | SARVAGGIO |
| | Po a Capoa se nne jette, |
| 1745 | Ne cchiù se nne parlaje; |
| | VEJOLA |
| | Lo nomme tujo |
| | D’Argasto co Serpillo lo cagnaje, |
| | Ca chisto nomme avea lo figlio sujo. |
| | SARVAGGIO |
| | Accossì propeio fuje; |
| | Né fe nce pò di’ niente, |
| 1750 | Ca la Ddea lo sapea meglio de nuje. |
| | Via susso, allegramente: |
| | Abbracciateve priesto. |
| | SERPILLO |
| | O ammata sore. |
| | LOCINNA |
| | Frate mio, caro, caro, |
| | ARMILLO |
| | (Mo’ sorzeta sto core.) |
| | SARVAGGIO - VEJOLA |
| 1755 | Mo’ è docezza pe nuje tutto l’amaro. |
| |
| | SCENA UTEMA |
| |
| | SIRVEJA; DORINA, CERVONE, e li stisse. |
| |
| | SIRVEIA |
| | Chesto, che d’è! |
| | CERVONE |
| | Ch’è stato! |
| | SARVAGGIO |
| | O a tiempo justo! |
| | Sirveia; viene correnno: |
| | Viene, e miettete ngusso: |
| | Chiste so’ frate, e sore. |
| | SIRVEIA |
| | E comme chesso? |
| | SARVAGGIO |
| 1760 | Vasta. Non ghì sapenno, |
| | Ca po sentite tutto lo socciesso, |
| | Orsù dammo a lo riesto. |
| | Lo vide a chisto cca. (a Locinna mostrannole Armillo.) |
| | LOCINNA |
| | Tocca a fratemo chesto |
| 1765 | Isso ha da commannà. |
| | SERPILLO |
| | È la toja, ca t’attoca. (ad Armillo.) |
| | ARMILLO |
| | O contentezza! |
| | SARVAGGIO |
| | Via: la mano. |
| | ARMILLO |
| | O che gusto! |
| | LOCINNA |
| | O ch’allegrezza! |
| | SERPILLO |
| | E io; si piace a tene; (a Sarvaggio.) |
| | Sirveia mme pegliarria. |
| | SIRVEIA |
| 1770 | (O consolata mene!) |
| | SARVAGGIO |
| | Via; fatte sotta. (a Sirveia). |
| | SERPILLO |
| | O cara! |
| | SIRVEIA |
| | O gioia mia! |
| | SARVAGGIO |
| | Addo’ si’ tu? ncantato? (a Cervone.) |
| | Dà ssa mano a Bejola. |
| | DORINA |
| | (Mo’ siente!) |
| | CERVONE |
| | Co chi ll’haje? io so’ nzorato. |
| | SARVAGGIO |
| 1775 | Nzorato! |
| | CERVONE |
| | E sta fegliola |
| | È la mogliera mia. |
| | SARVAGGIO |
| | Ah! malandrino! |
| | Mogliere a te? |
| | DORINA |
| | Gnorsine. |
| | CERVONE |
| | Uscia: che bole? |
| | SARVAGGIO |
| | Te sgorgio, te sfarino |
| | SERPILLO |
| | Via mo’, ca so’ perdute sse parole. |
| | ARMILLO |
| 1780 | Mmatola se contrasta: |
| | Lo matremmoneio è fatto? |
| | CERVONE |
| | E porzì conzummato. |
| | SERPILLO |
| | E ba lo guasta, |
| | CERVONE |
| | Guastalo pe na pressa. |
| | SARVAGGIO |
| | Era buono lo tratto |
| 1785 | Le dà sso viecchio a mmene? |
| | CERVONE |
| | Ed a mme chessa? |
| | DORINA |
| | Chisso a mmene? ed è bivo? |
| | VEJOLA |
| | C’abburla nc’ hanno fatta! |
| | SARVAGGIO |
| | Uh che corrivo! |
| | Orsù: siente; Vejola: |
| | Tu non puoje stare sola; e manco io: |
| 1790 | Mme vuoje a mme? |
| | VEJOLA |
| | T’azzetto |
| | SARVAGGIO |
| | E bienetenne; o gioja. |
| | VEJOLA |
| | O fato mio. |
| | SERPILLO - LOCINNA - ARMILLO - SIRVEIA |
| | O juorno de dellietto! |
| | SARVAGGIO - VEJOLA - DORINA - CERVONE |
| | O juorno prezeiuso! |
| | TUTTE |
| | Viva la Ddea nosta. |
| | SARVAGGIO - VEJOLA - DORINA - CERVONE |
| 1795 | E biva lo Pastore vertoluso. |
| | SARVAGGIO |
| | Mettiteve de posta; |
| | Fegliu’, priesto; scialammo |
| | N’abballo a ll’uso nuosto: a buje frosciammo (cca s’abballa.) |
| | O buono! abbasta chesto |
| 1800 | E ghiammo a la Capanna a fa lo riesto. |
| | SERPILLO - SIRVEIA |
| |
| | Gioja cara |
| |
| | ARMILLO - LOCINNA |
| |
| | Doce ammore |
| |
| | DORINA |
| |
| | Fato bello |
| |
| | CERVONE |
| |
| | Fata bella |
| |
| | SARVAGGIO - VEJOLA |
| |
| | Viva; core... |
| |
| | TUTTE |
| |
| | Ad anore de la Ddea, |
| 1805 | Sempe avimmo da scialà. |
| | E pe nnuie sempe se vea. |
| |
| | SERPILLO - SIRVEIA - ARMILLO - LOCINNA |
| |
| | L’allegrezza |
| |
| | SARVAGGIO - VEJOLA DORINA - CERVONE |
| |
| | La preiezza |
| |
| | TUTTE |
| |
| | Che nce facciano sguazzà. |
| |
| |
| |
| |
| |
| |
| |
| |
| |
