| | |
| | |
| | Lo simmele, Napole, [s.e.], 1724 |
| | a cura di Paologiovanni Maione |
| |
| |
| |
|
| |
| | ATTO PRIMMO |
| |
| | SCENA I |
| |
| | RECHIPPO da dinto accommenza a cantare, e caccia le seggie fora a na Poteca de Cafea. |
| |
| | RECHIPPO |
| |
| | Le Femmene belle |
| | Se fanno pregare; |
| | Ma quann’aje denare |
| | Le’può commannà! |
| |
| 5 | Arrive a le stelle |
| | Si spienne, e faje sfarzo; |
| | Ma quanno staje arzo, |
| | Te può arrecettà. |
| |
| | Ò te lo sì Nardillo! (mostranno la casa de Palomma.) |
| 10 | Vorrà parlà co ’chesta! |
| | Spassammonce co ’chisto no tantillo. |
| |
| | SCENA II |
| |
| | NARDILLO sulo, vedenno la fenesta de Palomma. |
| |
| | NARDILLO |
| | Ancora dorme! buono. |
| | Me so’ sosuto apposta |
| | Nnanze, ch’esca lo Sole, |
| 15 | Pe te dì Nenna mia quatto parole. |
| |
| | Quanno assumme a ssò barcone |
| | Mascolone |
| | Bello mio: |
| | Quanno, ò Dio |
| 20 | Te vuo’ scetà? |
| |
| | Ma zì, ca sento aprire: eccola ccà. |
| |
| | SCENA III |
| |
| | PALOMMA, ch’esce à lo barcone nvesta de cammera, NARDILLO da sotta, e pò RECHIPPO, che esce nnanze a la Poteca stojanno na Cafettera. |
| |
| | NARDILLO |
| | Mò s’è scetata la bellezza mia: |
| | Sia Palomma bonnì |
| | PALOMMA |
| | Bonnì a Ussoria. |
| | (Vì c’accunto.) |
| | NARDILLO |
| | Mò è tiempo; mò potimmo... (se fanno zinno Palomma e Rechippo.) |
| | RECHIPPO |
| |
| 25 | Quanno si biecchio può levare rimmo |
| | Ca non te serve à perdere lo suono: |
| | Lo Nnammorato n’ha da esse grimmo |
| | Ca ste figliole giovane lo vonno. |
| | E ste fegliole, e bà |
| 30 | E li viecchie, che fanno l’ammore |
| | Songo rechiamme de punia. |
| |
| | PALOMMA |
| | Ah, ah, ah, ah, ò che gusto. |
| | NARDILLO |
| | Rechì, vi quanta chiacchiere |
| | Ch’aje, bello nnante juorno. |
| | RECHIPPO |
| 35 | Me spasso. |
| | PALOMMA |
| | Và te piglia |
| | Sì Nardo lo Cafeo, ca mò mò torno. (trase.) |
| | NARDILLO |
| | Aspe’... và chiano siente, haje fatto assaje. |
| | RECHIPPO |
| | A mmè? |
| | NARDILLO |
| | Gnorsì. |
| | RECHIPPO |
| | N’è niente, ca mò torna. |
| | NARDILLO |
| | Ah! pigliame na pippa. |
| | RECHIPPO |
| 40 | Sì Nardì perdonateme. |
| | NARDILLO |
| | Fà priesto. |
| | RECHIPPO |
| | Mò. |
| | NARDILLO |
| | Chi sà si nce torna. |
| | RECHIPPO |
| | È llesto, è llesto. |
| | NARDILLO |
| |
| | Ah tu triche Nenna bella: |
| | E chest’Arma poverella (s’assetta, e fuma.) |
| | Iusto comm’a sto tabacco |
| 45 | Pe ttè nfummo se nnè và. |
| |
| | SCENA IV |
| |
| | LUCCIO, e li stisse. |
| |
| | LUCCIO |
| | Ò bonnì sì Nardillo. |
| | NARDILLO |
| | (Ò puozz’essere acciso.) |
| | RECHIPPO |
| | Ah, ah, che spasso. |
| | NARDILLO |
| | Piglia ccà tù sta Pippa. |
| | Porta Cafeo. |
| | RECHIPPO |
| | Doje Ciotole. |
| | NARDILLO |
| | Gnorsì. |
| | LUCCIO |
| 50 | Dorme la Sia Palomma? |
| | NARDILLO |
| | Signor, nò stà scetata. |
| | Ll’aje da parlare? |
| | LUCCIO |
| | Cierto. |
| | NARDILLO |
| | (Ò che te sia chiavata Cannonata.) |
| | LUCCIO |
| | Attiempo, eccola llà. |
| |
| | SCENA V |
| |
| | PALOMMA, che esce fora à lo barcone s’assetta, e se mette a cosere. |
| |
| | PALOMMA |
| 55 | Bonnì Sì Luccio. |
| | LUCCIO |
| | Oh, sia Palomma schiavo. |
| | PALOMMA |
| | Ch’è stato tanto priesto! |
| | Tù sì lo capo de li dormigliune. |
| | NARDILLO |
| | (E io comme non ncè fosse; |
| | Me sento abbottà tanto de premmune.) |
| | PALOMMA |
| 60 | Vi comm’è matinante lo sì Nardò! |
| | Vi comme stà robusto! (Palomma se senna co Luccio.) |
| | Pare no merolillo, |
| | Ddì mme lo guarde. |
| | LUCCIO |
| | È beretà. |
| | RECHIPPO |
| | Che gusto! |
| | NARDILLO |
| | Mmè coffie sia Palomma? |
| | PALOMMA |
| 65 | Lo Cielo me nnè scanza. |
| | LUCCIO |
| | Vvo’ burlare. (à Nardillo.) |
| | NARDILLO |
| | Voscia nce vo’ zucà propejo à deritto. |
| | LUCCIO |
| | E pecchè! ch’aggio ditto? |
| | NARDILLO |
| | Uscìa, che nc’entra... |
| | Uh’ chiano chia’ lo gliuommaro. (và pe piglià lo gliuommero, ch’è caduto a Palomma.) |
| | LUCCIO |
| 70 | Vi, che non cade. |
| | NARDILLO |
| | Eh tù la vvo’ sentire... |
| | LUCCIO |
| | Le voglio fà peglià no bello mmommaro |
| | Lassa fà à mmè. (cade Nardillo.) |
| | NARDILLO |
| | Dejaschence: |
| | Che puozz’essere acciso à ttè, e lo gliuommaro. |
| | LUCCIO - PALOMMA |
| | Ah, ah, ah, ah, ah. |
| | LUCCIO |
| | Scusame. |
| | NARDILLO |
| 75 | Rideme nc... dico tù... saje, che nce metto? |
| | LUCCIO |
| | Via, giù la mano mò: leva ss’appretto. |
| | NARDILLO |
| | Vvo’ abbuscà di schiaffune? |
| | LUCCIO |
| | À mme. |
| | NARDILLO |
| | À ttè. |
| | PALOMMA |
| | Non facite accostjune. |
| | LUCCIO |
| | Vvo’ vedè chi songh’io? |
| | PALOMMA |
| 80 | Via Luccio fallo pe l’ammore mio. |
| | LUCCIO |
| |
| | Cara, pe ttè sopporto |
| | Stà brutta vellania: |
| | Ca tù sì ll’arma mia, |
| | Tù mmè può commannà. |
| |
| 85 | Siente: deritto, ò stuorto, |
| | Soffro dà tè sto tuorto, |
| | Mà de sta cortesia |
| | No, non te nne fedà. |
| |
| | SCENA VI |
| |
| | NARDILLO, e pò D. PEPPO. |
| |
| | NARDILLO |
| | Oh, ca se ll’ave rutto, e che frusciuco! |
| 90 | Siente Popata mia. |
| | D. PEPPO |
| | Ò bravo me n’allegro! (chiano à Palomma.) |
| | PALOMMA |
| | Fà zimeo. |
| | NARDILLO |
| | Quanno nziemme care, care |
| | Sarrimmo pò... |
| | D. PEPPO |
| | Lo voglio sconcecare. |
| | NARDILLO |
| | Te voglio fà... |
| | D. PEPPO |
| | Gnore bonnì à ussoria. (le vasa la mane.) |
| | NARDILLO |
| 95 | (Oh’ oje nne vottaria. |
| | Quanno maje.) dico vuje |
| | Sosere ve solite à miezo juorno; |
| | Comme mò tanto priesto, e da ccà attuorno? |
| | D. PEPPO |
| | Sia Palomma bonnì. |
| | PALOMMA |
| | Schiavo D. Peppo. |
| 100 | Comme staje? |
| | D. PEPPO |
| | Pe servireve. |
| | NARDILLO |
| | Dico, respunne a mmè. |
| | D. PEPPO |
| | Mò Gnore mio. |
| | PALOMMA |
| | Te faje caro a bedè. |
| | D. PEPPO |
| | Io nè? Io Io? |
| | NARDILLO |
| | (All’utemo avarraggio |
| | Da tenè la capezza |
| 105 | A figliemo porzì.) dico; D. Cuorno |
| | Addo’ tell’aje mparata sta creanza |
| | De nò mmè dà resposta? |
| | Iate mò, mò a la Posta, |
| | Pigliateme le llettere. |
| | PALOMMA |
| 110 | Aspetta ca mò scenno (chiano à D. Peppo.) |
| | E bì nfrà tanto de trovà na scusa. |
| | NARDILLO |
| | Non iate? |
| | D. PEPPO |
| | Mò la Posta starrà chiusa. |
| | NARDILLO |
| | Signornò stace aperta. |
| | D. PEPPO |
| | N’aggio denare ncuollo. |
| | NARDILLO |
| 115 | Veccole ccà, rompiteve lo cuollo. |
| |
| | SCENA VII |
| |
| | NARDILLO, e pò PALOMMA. |
| |
| | NARDILLO |
| | Oh’mò vedimmo si starraggio sulo... |
| | PALOMMA |
| | Sì Mamma, ca mò saglio. (ascenno da la Porta.) |
| | NARDILLO |
| | Veccola ccà; mossillo de geleppo... |
| | PALOMMA |
| | Addo’ è ghiuto D. Peppo? |
| | NARDILLO |
| 120 | Che nè vvo fà de chillo; |
| | Chiacchiareja co’ Nardillo. |
| | PALOMMA |
| | Oh’Dio perche mannato nne l’avite? |
| | NARDILLO |
| | Pè no cierto nteresso. (Palomma resta pensosa.) |
| | Dico... non responnite? |
| 125 | Non me tenitemente?... ch’è succiesso? |
| | PALOMMA |
| |
| | Palommella sbentorata; |
| | So bolata |
| | Pe golio |
| | De trovà lo bello mio: |
| 130 | E pò nc’ascio |
| | Stò brutt’ascio |
| | Comm’è scuoncio; leva, le’! |
| |
| | Bello Fato, addo’ si ghiuto? |
| | Viecchio pazzo nzallanuto |
| 135 | Non se sà, che buo’ da me. |
| |
| | SCENA VIII |
| |
| | LUCCIO, e CUOPPO. |
| |
| | LUCCIO |
| | Non può credere Cuoppo |
| | Quanto gusto aggio avuto |
| | D’averete veduto. |
| | CUOPPO |
| | Sempe m’hà ben voluto lo si Luccio: |
| 140 | Mà non saccio, che d’è, che cchiù de quatto |
| | M’anno ditto, ben venga si Masillo. |
| | LUCCIO |
| | Eh sarrà stato quarche peccerillo |
| | Che non te canosceva: |
| | O quà coffeja cantune, |
| 145 | Che non ce manc’à stò Paese nuosto. |
| | CUOPPO |
| | Pò essere. |
| | LUCCIO |
| | Te rieste? |
| | CUOPPO |
| | E uscìa addo’ vo ire? |
| | LUCCIO |
| | Aggio da ì de pressa |
| | Pe nò negozio mio. |
| 150 | Pò nce vedimmo. |
| | CUOPPO |
| | Ò Dio |
| | V’aveva da parlà. |
| | LUCCIO |
| | Mò non pò essere. |
| | CUOPPO |
| | E che ppressa, che tiene? |
| | LUCCIO |
| | Nò ca pò torno. (se nne và Luccio.) |
| | CUOPPO |
| | Uscìa cè voglia bene: |
| | Bonora è abbesognante |
| 155 | Ch’io m’arresemeglia à stò Masillo, |
| | Perche tutte me pigliano pe chillo! |
| | Chello, ch’aggio appaura, |
| | È che ’chisto non fosse |
| | Quarche forgiodecato; |
| 160 | E io pe scagno, avesse |
| | Da stennere li piede à lo Mercato. |
| |
| | SCENA IX |
| |
| | TERESELLA à la fenesta, e CUOPPO. |
| |
| | TERESELLA |
| | Si veo nò peccerillo ncè lo manno. (votata dinto.) |
| | CUOPPO |
| | Ora mò và scavanno... |
| | Bonora, e che faccella |
| 165 | Và na doppia lo muorzo. |
| | TERESELLA |
| | Llà beo no portarrobba. |
| | Eh zì, zì? (non ce sente?) Oje portarrobba? |
| | CUOPPO |
| | Segno’ volite niente? |
| | TERESELLA |
| | Comme?... Masillo mio |
| 170 | È benuto Masillo Gnore Zio (votata dinto.) |
| | Mò te vengo à rapire. (à Cuoppo, e trase.) |
| | CUOPPO |
| | Chesto, che bene à dire! |
| | Potta mmè pare troppo! |
| | Ccà già non se pazzea |
| 175 | So’ Masillo? ò so’ Cuoppo? ecco, mò scenne. |
| | TERESELLA |
| | Masillo gioja mia (Cuoppo non responne.) |
| | Che d’è non dice niente? |
| | E commo co sti panne, |
| | Che pare no pezzente? |
| | CUOPPO |
| 180 | (Ora vide, che guaje.) |
| | Chest’è stato, sentite... (se mbroglia.) |
| | Vuje à mè che mme site? |
| | TERESELLA |
| | Negra mè, che te songo? |
| | Frate mio, tù, che d’è fusse schierchiato! |
| | CUOPPO |
| 185 | Ah’, te so’ frate sì, mm’era scordato. |
| | TERESELLA |
| | Saglie, ca Gnore Zio |
| | Te stà aspettanno. |
| | CUOPPO |
| | Nè? |
| | Lassame Sore mia |
| | Darete primmo cient’abbracce à tte. |
| | TERESELLA |
| 190 | Ora vì che pazzia! |
| | È breogna ccà miezo. |
| | CUOPPO |
| | Eh’, non è niente, |
| | Quanno t’abbraccio sorellescamente. |
| | TERESELLA |
| |
| | Mme faje ridere Masillo |
| | Comme staje allegrolillo! |
| 195 | Iammo ncoppa, jammo, jà. |
| |
| | CUOPPO |
| |
| | Bene mio, cà co stà sore |
| | Pozzo fareme Segnore |
| | Comm’è cauda (jammo, jà.) |
| |
| | TERESELLA |
| |
| | Tù non viene? Gnore zio |
| 200 | aspettanno te starrà! |
| |
| | CUOPPO |
| |
| | Levamillo stò golio: |
| | Lassa, lassate abbraccià! |
| |
| | SCENA X |
| |
| | D. PEPPO, e MARZIA. |
| |
| | D. PEPPO |
| | Vecco, ca’m’hà fatt’ire |
| | À pegliare le lettere: |
| 205 | E da po se nnè ghiuto. |
| | MARZIA |
| | Oh’ si D. Peppo. |
| | D. PEPPO |
| | Non me stà à nzallanì Sia Marzia mia. |
| | MARZIA |
| | È sempe accossì puonteco cò mmico; |
| | Che pe’ ttè me farria |
| | Tagliare à piezze, à piezze. |
| | D. PEPPO |
| 210 | (Vi che lotano è chisto.) |
| | MARZIA |
| | Dimme pecche me spriezze? |
| | Quann’io me so’ scordata de Masillo |
| | Vedenno a ttè. |
| | D. PEPPO |
| | Masillo |
| | Aggio sentuto dire, ch’è tornato. |
| | MARZIA |
| 215 | È tornato Masillo? |
| | D. PEPPO |
| | E ll’aggio apparecchiato |
| | Cierte denare, che l’avea da dare. |
| | MARZIA |
| | Chillo m’ave affedata, |
| | È beretà; mà tù mme faje squagliare! |
| 220 | D. Pe’, tieneme mente. |
| | Che d’è? te paro brutta? |
| | Squatrame buono; vì mmè manca niente. |
| | D. PEPPO |
| | Ah ah ah ah, nò niente |
| | (Che pazza! me nce voglio piglià gusto.) |
| | MARZIA |
| 225 | Ch’aje ditto? |
| | D. PEPPO |
| | Si nà bella Crejatura. |
| | MARZIA |
| | N’è lo ve’? beneditto, ch’aje buon gusto. |
| | Vì ccà; ncè qualetà, piso, e mesura. |
| | D. PEPPO |
| | (Che smorfia e non vo’ ire a Beneviento.) |
| | MARZIA |
| | Comme? |
| | D. PEPPO |
| | Tù sì nà Ddea, tù sì nà Fata, |
| 230 | Anze sì na Vetella de Sorriento. |
| | MARZIA |
| |
| | Me coffie? non so’ betella. |
| | Non so Ddea, non songo Fata; |
| | Mà so’ Annecchia tennerella. |
| | Non so’ zoppa ò scartellata |
| 235 | Ah’ D. Pe? me faje schiattà. |
| |
| | Si sapisse, pè sti sciure |
| | Pè ste’rose, ch’aggio mpietto, |
| | Quanta Princepe, e Segnure |
| | Hanno perzo l’arrecietto? |
| 240 | Nò starrisse à coffejà. |
| |
| | SCENA XI |
| |
| | D. PEPPO, che resta ridenno, TERESELLA, pò CUOPPO. |
| |
| | D. PEPPO |
| | Schiavo sia Teresella. |
| | TERESELLA |
| | D. Peppo mio, non saje, |
| | Ch’è benuto Masillo? |
| | D. PEPPO |
| | Sì llo saccio. |
| | TERESELLA |
| | Mo scenne: Eccolo lloco. |
| | D. PEPPO |
| 245 | (Stò debbeto de chisto mè dà mpaccio.) |
| | Passa, e non dice niente? (esce Cuoppo e non dice niente.) |
| | Commo accossì bestuto malamente? |
| | TERESELLA |
| | Mo te dico. (à D. Peppo.) Masillo? |
| | CUOPPO |
| | Sore mia. |
| | TERESELLA |
| | Non vì lloco D. Peppo? |
| | CUOPPO |
| 250 | Chi D. Peppo? ussoria? (Tenemente à D. Peppo da capo, e pede.) |
| | D. PEPPO |
| | Che d’è mm’aje scanosciuto priesto priesto? |
| | CUOPPO |
| | Signor mio; non è chesto... |
| | È... ca li male tiempe... |
| | L’annate scarze... (Io che mmalora dico?) |
| | D. PEPPO |
| 255 | Già, già, già, t’aggio ntiso: |
| | (Vo’ dì, che m’arrecorda |
| | Ca le so’ debetore.) (chiano à Teresella.) |
| | CUOPPO |
| | Avesse da dà niente à stò Segnore? |
| | D. PEPPO |
| | Io già beo si Masillo, |
| 260 | L’abbesuogne, che tiene. |
| | CUOPPO |
| | Ajemmè mò se nne vene. |
| | D. PEPPO |
| | Io te so’ debetore, commo saje |
| | De ciente scute? |
| | CUOPPO |
| | A mme? |
| | D. PEPPO |
| | Pe la semmana, ch’entra l’avarraje. |
| | TERESELLA |
| 265 | Cridelo, cà D. Peppo è ricco à funno. |
| | CUOPPO |
| | Gnorsì pare ca stongo à n’auto munno.) |
| | TERESELLA |
| | D. Pe’ staje bello oje. |
| | D. PEPPO |
| | Sarrà ll’asteco vuosto. |
| | TERESELLA |
| | À marranchino. |
| | CUOPPO |
| | Benemio, so’ segnore! |
| 270 | Aggio asciata na sore de ciardino! (Teresa, e D. Peppo parlano co atte mute.) |
| | E songo credetore |
| | Porzì de ciento scute! |
| | Tanta fortune dà do’ so’ benute? |
| | (Ma chisto se pentesse: abbrevijammo:) |
| 275 | Sì D. Pe’, sti denare |
| | Non se ponno avè oje? |
| | D. PEPPO |
| | Voglio vedè... |
| | CUOPPO |
| | Che mmò non ce vedite? |
| | D. PEPPO |
| | Dico voglio vedè de ve servire. |
| | CUOPPO |
| | Avisse niente ncuollo? |
| | D. PEPPO |
| | Quatto doppie |
| 280 | Te pozzo dare schitto: |
| | Si le buo’. |
| | CUOPPO |
| | Si le boglio? |
| | Me ’ne faje razeja. |
| | D. PEPPO |
| | Tiene. |
| | CUOPPO |
| | Oh’sì D. Peppo mio (Cuoppo afferra le doppie e vo’ vasà la mano à D. Peppo tutto alliegro.) |
| | Te pozza vedè Prencepe: eh’ sorella, |
| 285 | Vi’ ca lo sì D. Peppo m’è Patrone |
| | (Ah’, ah’, ah’ bene mio songo barone.) (e se nne và.) |
| |
| | SCENA XII |
| |
| | TERESELLA, e D. PEPPO. |
| |
| | TERESELLA |
| | Eh’ non se degna tanto stò segnore. |
| | D. PEPPO |
| | Che buo’ degnà, sì Luccio |
| | Te stà dinto à lo Core. |
| 290 | (Dammole stò martiello.) |
| | TERESELLA |
| | Và và; cossì Palomma |
| | Stesse dinto à lo tujo. |
| | D. PEPPO |
| | E sempe co Palomma? t’aggio ditto, |
| | Che chesta nò la nnuommene, |
| 295 | Pe ch’è cosa de Patemo. |
| | TERESELLA |
| | Ma tù puro nce bazzeche. |
| | D. PEPPO |
| | Ah’ Terese’, forniscela, |
| | Ò mmè ne vao. |
| | TERESELLA |
| | Vattenne. |
| | Saccio, ca nnanze ammè ncè staje pè forza! |
| 300 | Abbia, squaglia, ch’aspiette? |
| | D. PEPPO |
| | (Vi’, che robba.) |
| | TERESELLA |
| | Scompimmola ssà joia |
| | Tè si Milordo tè, a la facce toja. (Teresella trase, e serra la porta forte.) |
| | D. PEPPO |
| | Nò, apre, siente, siente. |
| | Apre: vi’ ca si n’apre tè ne piente. |
| | TERESELLA |
| |
| 305 | Da mè che nnè pretienne? |
| | Te nnè vuo’ ì? vattenne. |
| | Ma sie’: te pentarraje |
| | De chesto, che mme faje: |
| | E si te vedo cchiù... |
| 310 | Và... nò lo boglio dì. |
| |
| | Fuorze te cride tù, |
| | Cà mm’aje ncappata già |
| | Ca spanteco pe ttè? |
| | Mò ’me vogl’ì à stepà; |
| 315 | E si mme vuo’ vedè, |
| | Aje da stentà accossì. |
| |
| | SCENA XIII |
| |
| | D. PEPPO, e pò PALOMMA. |
| |
| | D. PEPPO |
| | Chesta pretenne nzomma |
| | D’averm’essa; e io |
| | Voglio vedè si pozzo avè Palomma. |
| 320 | Ò à tiempo addio bellezza. |
| | PALOMMA |
| | Che nc’è D. Peppo? |
| | D. PEPPO |
| | Siente: |
| | Già, ch’avimmo stò tiempo |
| | Vorria parlare de le’ cose noste. |
| | PALOMMA |
| | Comm’a dire? |
| | D. PEPPO |
| | Tù vide, |
| 325 | Ca patemo s’accide |
| | Appriesso à tene; E mammeta |
| | Pe mmè vace mpazzia. |
| |
| | SCENA XIV |
| |
| | LUCCIO da parte, e li stisse. |
| |
| | LUCCIO |
| | (Bella galantaria) |
| | D. PEPPO |
| | Tù ’me vuoje; Io te voglio: |
| 330 | Dammoce mò la mano, |
| | E ascimmo da stò mbruoglio! |
| | LUCCIO |
| | (Oh’ che bella consurta.) |
| | PALOMMA |
| | Nò, và chiano. |
| | Primmo famme piacere |
| | De pensare à nà cosa, che ncè vole. |
| | D. PEPPO |
| 335 | E sarrja? |
| | PALOMMA |
| | De vedere |
| | Si se contenta Luccio. |
| | LUCCIO |
| | (Bravo.) |
| | D. PEPPO |
| | Che nc’entra Luccio, che t’è frate? |
| | PALOMMA |
| | Chello che tu mmè si’; mm’è porzì Luccio: |
| | Tù ’me si’ nammorato, e Luccio puro. |
| 340 | Si vuo’ stà tù à lò llustro |
| | Io non pozzo lassà chillo à lo scuro. |
| | D. PEPPO |
| | E che ssò core tujo |
| | È la marenna de le peccerille, |
| | Che pè non sentì strille è abbesognante |
| 345 | Darene à tutte quante? |
| | PALOMMA |
| | Accossì appunto: Non te piglià collera. |
| | D. PEPPO |
| | De stà manera non vuo’ bene à nullo. |
| | PALOMMA |
| | Anze nò, voglio bene à tutte duje. |
| | LUCCIO |
| | (Dice buono, hà ragione.) |
| | D. PEPPO |
| 350 | Mà chest’è avè no core de taverna. |
| | PALOMMA |
| | (Vide, che apprenzejone!) |
| | Non può fà luce à duje co na lenterna? |
| | D. PEPPO |
| | Donca sperà non pozzo |
| | D’essere maje lo tujo? |
| | PALOMMA |
| 355 | Chi te l’hà ditto? |
| | A la primma carrera |
| | Non s’arriva lo crapio; |
| | Agge cchiù freoma. Amma, sopporta, e spera. |
| | D. PEPPO |
| | Che freoma che sperà, che sopportare! |
| | PALOMMA |
| 360 | E tù fà tutto chello che te pare. |
| | D. PEPPO |
| | Nce’volite peglià propejo de filo? |
| | PALOMMA |
| | Quanno non te piace... |
| | D. PEPPO |
| | Ah’ bene mio |
| | Stepparole schiattose |
| | So’ spanta peccerille. |
| | PALOMMA |
| 365 | Ò peccerille, ò gruosse, |
| | Si non ce può passare |
| | (Io ’me sento crepare) asciate n’auta. |
| | D. PEPPO |
| | Vi’ che rrobba! Palomma |
| | Chesto mò à quarcun’auto lo buo’ dire |
| 370 | C’a mmè tù non me faje |
| | Tanto d’apprenzejone |
| | Ca da tantillo vide, ch’aggio fatto |
| | L’ammore, juorno, e notte. |
| | PALOMMA |
| | Che buo’ dire pe chesto? |
| | D. PEPPO |
| 375 | Ca D. Peppo non cade à cheste botte. |
| |
| | Lo viento gagliardo |
| | Farrà l’arvolille |
| | Tremmare, e cadè! |
| | Ma à n’arvoro forte |
| 380 | Che mpaccio le dà? |
| |
| | Palomma; ssi’ grille |
| | Non fanno pe mmè: |
| | Ca manco la Morte |
| | Paura mme fà. |
| |
| | SCENA XV |
| |
| | PALOMMA. e LUCCIO. |
| |
| | PALOMMA |
| 385 | Oh’ Luccio, aje visto, aje visto? |
| | LUCCIO |
| | Aggio visto, e sentuto. |
| | PALOMMA |
| | Besogna che D. Peppo sia mpazzuto! |
| | Senza lecienzia toja, |
| | Mme voleva fà dì ch’era la soja! |
| | LUCCIO |
| 390 | (Chesta’me fà votà le cellevrella.) |
| | Donca si non vogl’io |
| | Isso non t’avarrà? |
| | PALOMMA |
| | Nò Luccio mio. |
| | LUCCIO |
| | Io non voglio securo. |
| | PALOMMA |
| | E isso cierto restarrà à lo scuro. |
| | LUCCIO |
| 395 | Addonca stò contratto |
| | Se concruda nfrà nuje. |
| | PALOMMA |
| | Si vo’ D. Peppo tù mmè faje mpazzire. |
| | PALOMMA |
| | Mme pare ammè, ca non la vuo’ sentire. |
| | Tu saje, ca voglio bene a tutte duje? |
| | LUCCIO |
| 400 | Lo ’saccio. |
| | PALOMMA |
| | E ca non pozzo dà no gusto |
| | A tte; che chillo pò nn’aggia desgusto: |
| | Siente à mmè; tutte duje state ccà dinto |
| | E de no stisso muodo |
| | A tutte duje, ve ncè fà stà Copinto. |
| |
| 405 | Io pe mmè non saparria |
| | A chi voglio bene cchiù. |
| |
| | Perche chillo è l’arma mia, |
| | E lo core mio si tù. |
| |
| | SCENA XVI |
| |
| | LUCCIO, e NARDILLO. |
| |
| | NARDILLO |
| | È chisto sempe attuorno. (s’addona de Luccio.) |
| | LUCCIO |
| | S’hà d’ammare |
| 410 | Donca de sta manera? |
| | NARDILLO |
| | Che d’è, n’avite avuto bona cera? |
| | LUCCIO |
| | Aggio avuto... vuo’ proprio, che ’me scappa? |
| | NARDILLO |
| | Che d’è, già t’è sagliuto lo senapo? |
| | LUCCIO |
| | Non me nfettà, ch’aggio auto pe la capo |
| 415 | (Luccio addonca è restato |
| | Da chesta coffejato. |
| | Chi l’avarria mai ditto.) |
| | NARDILLO |
| | Che t’è socciesso? |
| | LUCCIO |
| | Siente sì Nardillo: |
| | Sia n’ommo lesto, prunto, e marranchino |
| 420 | Chello hà da fà che bole lo destino. |
| |
| | Cà uno corre, cà và chiano, |
| | Pè lo monte, pè lo chiano; |
| | Ddo’ non crede |
| | Llà se vede |
| 425 | Ntroppecare, e derropà! |
| |
| | Cà tu vuote, |
| | Cà rrevuote |
| | P’arrevare addo’ non può; |
| | Ddo’ non vuo’ |
| 430 | T’aje da fermà. |
| |
| | SCENA XVII |
| |
| | NARDILLO, e CUOPPO. |
| |
| | NARDILLO |
| | E non ncè vonno credere, ca chesta |
| | Coffeja miezzo munno! |
| | CUOPPO |
| | Ah, ah, ah, sì mmè resta |
| | Stò nomme de Masillo, m’arrecchesco.) |
| | NARDILLO |
| 435 | (Mà n’è chisto Masillo? |
| | Mò recuperarraggio |
| | Li duciente ducate, |
| | Che mm’hà da dà: ma stà male vestuto.) |
| | Sì Masi’ bemmenuto. |
| | CUOPPO |
| 440 | Bentrovato à ussoria. (primma lo tenemente, e pò responne.) |
| | (Vi’ ch’auto accunto è chisto.) |
| | NARDILLO |
| | Tù già saje, ca te songo servetore. |
| | CUOPPO |
| | Patrone. (stà a bedere |
| | Ca chisto sarrà n’auto debetore.) |
| | NARDILLO |
| 445 | Si tu sapisse li besuogne, ch’aggio, |
| | Cride, ca te farria strasecolare. |
| | CUOPPO |
| | (Vo’ dire mò, ca non me pò pagare. |
| | Abbreviammo.) Frate; |
| | Lo debbeto quant’eje? |
| | NARDILLO |
| 450 | So’ duciente ducate. |
| | CUOPPO |
| | (Scazza!) |
| | NARDILLO |
| | (Vi’ comm’è nzemprece!) |
| | CUOPPO |
| | Siente quanto cchiù ’priesto |
| | Lo debbeto se paga |
| | È meglio. |
| | NARDILLO |
| | Securissimo. |
| 455 | (Mò ’me vorrà pagare.) |
| | CUOPPO |
| | Site lesto? |
| | NARDILLO |
| | Lestissemo. |
| | A DUE |
| | Via sù jate peglianno li denare. (tutte duje aparano le ’mano.) |
| | NARDILLO |
| | Io vuo’, che piglia li denare? |
| | CUOPPO |
| | Priesto. |
| | Ca pò aggio da fare. (e stenne la mano cchiù.) |
| | NARDILLO |
| 460 | Masi’, vuo’ pazzeja? che bo’ dì chesto? |
| | CUOPPO |
| | Commo non vuo’ pagare? |
| | NARDILLO |
| | E bà à malora. |
| |
| | SCENA XVIII |
| |
| | LUCCIO, e li stisse. |
| | (Luccio esce nò poco primma, e sente.) |
| |
| | LUCCIO |
| | Aiemme, Cuoppo s’appicceca. |
| | Lassammillo ajutà lo pover’ommo, |
| | Che nc’è si Nardo nè? |
| | NARDILLO |
| | Stò segnoriello |
| 465 | Non vo’ pagà li debbete. |
| | CUOPPO |
| | A mmè? |
| | LUCCIO |
| | Nò lo nnegà stà ncellevriello. |
| | E pò lassa fà a mmene. |
| | NARDILLO |
| | Mò voglio li denare. |
| | CUOPPO |
| | Nò nte nfadà ca te le boglio dare. |
| |
| 470 | Non fare cchiù greciello |
| | Te pago fine, e commo? |
| | (Stà frisco, sà stà bello.) |
| | Craje te le boglio dà. |
| |
| | Pozz’io fà stà mancanza? |
| 475 | Sai, che so’ Gentelommo |
| | (Parlanno cò creanza.) |
| | Che serve ssò strellà. |
| |
| | SCENA XIX |
| |
| | NARDILLO, LUCCIO, e pò D. PEPPO. |
| |
| | NARDILLO |
| | Potta de nnico, chisto mmè coffeja. |
| | LUCCIO |
| | Oh’, ca te paga a bista. |
| | NARDILLO |
| 480 | Io no lo voglio perdere de vista. (le corre à priesso.) |
| | LUCCIO |
| | Votta cò ssà scianchella. |
| | D. PEPPO |
| | E chisto assiste sempe. (ascenno vede Luccio.) |
| | Luccio tù sempe staje de sentenella. |
| | LUCCIO |
| | Siente D. Peppo mio |
| 485 | Ncè perdimmo lo tiempo, tù, e io. |
| | Volimmo fà na cosa? |
| | Tù ciedemmelle, e io faccio lo stisso: |
| | Vedimmo, che responneno. |
| | D. PEPPO |
| | Cierto, ca se confonneno. |
| | LUCCIO |
| 490 | Che’mporta, nuje nfrà tanto nce spassamo. |
| | D. PEPPO |
| | Dice buono. |
| | LUCCIO |
| | Accossì ddonca restammo. |
| | D. PEPPO |
| |
| | L’ammore à la moda |
| | Cossì s’ha da fà. |
| | S’assiste, se loda, |
| 495 | Se fegne d’ammà. |
| |
| | Assaje se mpromette |
| | E niente se dà. |
| |
| | SCENA XX |
| |
| | RECHIPPO, LUCCIO, PALOMMA, e pò NARDILLO. |
| |
| | RECHIPPO |
| | Che ncè sì Luccio, avimmo dà fà niente? |
| | LUCCIO |
| | Addio. |
| | PALOMMA |
| | Rechippo? (da lo barcone.) |
| | RECHIPPO |
| | Eccome sia Palomma. |
| | PALOMMA |
| 500 | Avisse visto mamma? |
| | NARDILLO |
| | Gnorsì ll’aggio vist’io. |
| | PALOMMA |
| | Addo’? |
| | NARDILLO |
| | Mmocca à no cano. |
| | PALOMMA |
| | Sì tù non fusse viecchio, e biecchio pazzo |
| | Ò che bella resposta te darria. |
| | RECHIPPO |
| 505 | E bia mò sia Palomma |
| | Ca lo sì Nardo more pe ussoria. |
| |
| | Comm’à no strummolillo |
| | Mmano à ssa segnorella, |
| | Lo Core de Nardillo |
| 510 | Stà co na funecella |
| | Arravogliato. |
| |
| | Essa lo rocioleia |
| | Lo piglia mmano, e pò... |
| | Vi commo ride mò. (ride Palomma.) |
| 515 | Tutto nce lo pazzeja |
| | Lo sfortunato. (trase.) |
| |
| | SCENA XXI |
| |
| | MARZIA LUCCIO CUOPPO, e NARDILLO. |
| |
| | MARZIA |
| | Che d’è sì Luccio staje pensuso? |
| | LUCCIO |
| | None, |
| | Mà siè... (la tira da parte.) |
| | CUOPPO |
| | Schiavo sì Nardo |
| | E chillo lò sì Luccio. |
| | MARZIA |
| 520 | Chillo è isso. |
| | CUOPPO |
| | Chi è chillo mascarone (mostranno Marzia.) |
| | Sì Luccio? |
| | MARZIA |
| | Tè? Masillo |
| | Vi’ si mme dice niente lo briccone! |
| | Ih’ comme s’è arredduto! |
| | Ncè lo bole, frabutto. |
| 525 | Masillo viene ccà... |
| | LUCCIO |
| | Oh chesta è bella. |
| | MARZIA |
| | Ah cano perro cano |
| | Commo non dice niente à Marzejella? |
| | CUOPPO |
| | E battenne à mmalora. |
| | MARZIA |
| | Frabuttone à mogliereta! |
| | CUOPPO |
| | Moglierema |
| 530 | Moglierema de cchiù? vattenne à cancaro: |
| | (Cò sto debbeto iusto nce vorria |
| | Stà mogliere de cchiù.) vattenne zia. |
| | MARZIA |
| | A mmè zia? zia à mmè? chest’è sopierchio |
| | Pedocchiuso, briccone, ommo de niente |
| 535 | Marito scanoscente... |
| | NARDILLO |
| | Via sia Marzia |
| | Ca mò Masillo se nne saglie ncoppa, |
| | E llà v’acquietarrite. |
| | CUOPPO |
| | Che ncoppa à vuje, che cancaro decite? |
| | Mogliere? chesta non m’è manco prossemo. |
| | LUCCIO |
| 540 | Di’ ca non sì Masillo. (chiano à Cuoppo.) |
| | CUOPPO |
| | Ora segnure mieje |
| | Io non songo Masillo: |
| | Cuoppo, è lo nommo mio: |
| | Io non aggio da dare, e non d’avere; |
| 545 | Non aggio sore, e manco aggio mogliere. |
| | NARDILLO - MARZIA |
| | Ah, ah, ah, ah, che bella mmenzejone! |
| | NARDILLO |
| | E cò chesto pretienne |
| | De non ghire presone? |
| | CUOPPO |
| | Presone? |
| | MARZIA |
| | Si presone marranchino |
| 550 | Attaccato accossì. |
| | NARDILLO |
| | Non ghì neganno |
| | Ca t’affoco. |
| | MARZIA |
| | Te scanno. (le danno de mano.) |
| | CUOPPO |
| | Iate, chiano; sentite. |
| |
| | SCENA XXII |
| |
| | TERESELLA, e li stisse. |
| |
| | TERESELLA |
| | Da fratemo se sà, che nne volite? |
| | MARZIA |
| | Figlia mia stò rommore |
| 555 | È benuto, cà chisto |
| | Dice ca n’hà mogliere, e non hà sore. |
| | NARDILLO |
| | Ne debbete, ch’è chello, che cchiù mporta. |
| | CUOPPO |
| | Che faccio. (à Luccio.) |
| | LUCCIO |
| | Nega sempe. (à Cuoppo.) |
| | NARDILLO |
| | Se crede ca ccà stammo into à quà buosco. |
| | TERESELLA |
| 560 | Masillo frate mio... |
| | CUOPPO |
| | Che frate affatt’attè, nò nte canosco. |
| | TERESELLA |
| | Negra mè sfortunata. |
| | NARDILLO |
| | Vuo’, che proprio te faccia quà strapazzo. |
| | MARZIA |
| | Fosse puro mpazzuto. (à Teresella.) |
| | TERESELLA |
| | Accossì creo. |
| | LUCCIO |
| 565 | Gnorsine |
| | NARDILLO |
| | È pazzo. |
| | MARZIA |
| | È pazzo. |
| | CUOPPO |
| | Pazzo! |
| | NARDILLO |
| | Gnorsì, và trovà masto Giorgio. |
| | MARZIA |
| | Facimmolo attaccare. |
| | CUOPPO |
| | A chi? vi cà te sgorgio. |
| | TERESELLA |
| | Nn’aggio pietà. (sennè trase.) |
| | NARDILLO |
| | Chiamma na seggia. |
| | MARZIA |
| | Seggia. |
| | CUOPPO |
| 570 | Sì Lu... |
| | LUCCIO |
| | Non ncè remmedio. (vene la seggia.) |
| | NARDILLO |
| | Avite fune? (à li seggettare.) |
| | MARZIA |
| | Veccone ccà nò mazzo. |
| | CUOPPO |
| | Mmalora ca so’ Cuoppo! |
| | Sì Luccio. |
| | LUCCIO |
| | Aggie pacienzeja. |
| | NARDILLO |
| | È pazzo. |
| | MARZIA |
| | È pazzo. |
| |
| 575 | Haje mogliere? |
| |
| | CUOPPO |
| |
| | So’ scasato. |
| |
| | NARDILLO |
| |
| | Si Masillo? |
| |
| | CUOPPO |
| |
| | Non segnore. |
| |
| | MARZIA - NARDILLO |
| |
| | Chiancarelle poverelle! |
| |
| | LUCCIO |
| |
| 580 | (Oh’ mar’isso sfortunato!) |
| |
| | CUOPPO |
| |
| | Vi ca vuje facit’arrore. |
| |
| | MARZIA |
| |
| | Vi’ che vuocchie! |
| |
| | NARDILLO |
| |
| | Vi’ che facce! |
| |
| | CUOPPO |
| |
| | Oh’ che guaje! |
| |
| | LUCCIO |
| |
| 585 | Che nce vuo’ fà. |
| |
| | CUOPPO |
| |
| | Fremma, fremma. |
| |
| | MARZIA - NARDILLO |
| |
| | Iate, jà. |
| |
| |
| |
| |
