| | |
| | |
| | Lo Spellecchia, Napoli, pe Mechele Loise Muzio, 1709 |
| | a cura di Paologiovanni Maione |
| |
| |
| |
|
| |
| | LO SPELLECCHIA |
| |
| |
| | Commeddia pe Museca de Carlo, alias Luccio de Petris Recetata a lo Teatro de li Shiorentine l’Anno 1709. Dedecata Alla Llostriss. e Azzellentiss. Segnora D. Giovanna Pignatiello d’Aragona Pymentel, y Cortes, Dochessa de Monteleone, e Terranova; Marchesa de lo Vaglio, e de Cerchiara, Prencepessa de lo Sacro Romano Mperio, de Nola, e de lo Castiello Vetrano, Contessa de Bonello, Baronessa de lo Castiello Monardo, &c. |
| | A Napole Pe Mechele Loise Muzio. 1709. |
| | Con lecenzia de Superiure. |
| | Se venne sotto la Nfermaria de S. M. la Nova. |
| |
| |
| | Azzellentissema Segnora. |
| | Non s’arriseca a ghì pe lo Maro lontano, chi n’ha scanagliato nnanze nnanze buono, che tiempo face. E io n’arresecarria lo Vasciello de sta Commeddia poverella dinto a lo Maro de lo Munno, se nnanze n’havesse buono buono scanagliato ca Vosta Azzell. È chella, che mme la proteje, e co lo buono tiempo della bella cortesia, Grannezza, e protezeione soja, mme la pò defennere da quarzevoglia male tiempo ncontrarejo, che le porria chiovere da la shiorte. Faccia grazeja addonca receverela, proteggere chi ce l’appresenta, e co tutta l’alleverenzeja possibbole, resto |
| | De V. Azz. |
| | Devot. Osseq. & Obreg. Servetoriello. |
| | Dot. Nicola Gianni. |
| |
| |
| | L’Autore a Chi leje |
| | Saccio ca te so’ benute mmano mute commeddeje meje stampate, e de tutte pe cortesia toja n’haje havuta na grossa compassejone. Tanto cchiù te preo de chesta, che l’aggio fatta nquinnece juorne, e benché sia Napoletano tutte li vocabbole non saccio. |
| | Zerte arejette non so’ le meje, ma de no zierto Galant’ommo, che pe spassarese ha boluto fare da quanno nquanno. |
| | Tuuta la Museca de lo secunno Atto, e zerte arejette de lo primmo, e terzo l’ha fatto lo Gno Tommasiello de Mauro, che s’hà fatto a canoscere co l’accasione de muse cose saccente. |
| | Lo primmo, e terzo Atto l’hà fatto n’auto Vertoluso, che non vo’ essere canosciuto, pe n’essere nnommenato. |
| | Se qua bota mme siente dicere Ammore, fortuna, &c. sacce ca lo dico comme Poeta, non comme Crestejano, e pe la fede mia, mme cacciarria lo core s’abbesognasse, governamette. |
| |
| | Le Perzune, che parlano. |
| |
| | SPELLECCHIA co nomme Razullo. |
| | Lo Gno Iennaro Oleviero. |
| | LESENA vecchia. |
| | Lo Gno Peppo Carpano. |
| | PORZIA. |
| | La Gnora Vettoria Croce. |
| | SAPATELLA. |
| | La Gno Urzola Baldini Torebitti. |
| | RIENZO. |
| | Lo gno Gio: Grieco. |
| | FONZILLO. |
| | La Gnora Catarina de Mora. |
| | SCIADDEO. |
| | Lo Gno Salvatore de Luca. |
| | TUFOLO. |
| | Lo Gno Giacchino Corrado. |
| |
| |
| | Lo luoco addo’ se rappresenta è lo Ullo de Porta Nolana. |
| | Viste de Scene. |
| | Padula co lo ngiegno de l’acqua, Aucielle che cantano, e bolano. |
| | Lo Ullo co la fontana, addo’ se lavano li panne. |
| | Maro de la Conciaria. |
| |
| |
| |
| |
