| | |
| | |
| | La taverna de Mostaccio, Napoli, A spese de Nicola de Bease, 1740 |
| | a cura di Paologiovanni Maione |
| |
| |
| |
|
| |
| | LA TAVERNA DE MOSTACCIO |
| |
| |
| | Chelleta Napoletana pe Mmuseca de Bernardo Saddumene. Da rappresentarese a lo Triato de la Pace a Carnevale de chist’anno, ch’è accommenzato 1740. Dedecata a lo Llostriss., e Acc. Segnore lo Segnore D. Frabizio Gesualdo Prencepe de Gesualdo, Marchese de S. Stefano, &c. |
| | A Napole 1740. A spese de Nicola de Bease, da lo quale se vennono a lo largo de lo Castiello sotta la Posta de Salerno. |
| |
| |
| | Accell. Segnore. |
| | Agniuno, che ttene na casa, che sta pe ccadere, si non vo vederela precepetata nterra, cerca d’ajutarela co le ppontelle; accossì io, avendo da fa rappresentare a sto piccolo Triatuozzolo sta Chelleta Napolitana, che pe ddì lo vero, sta tieneme ca mme tengo, aggio voluto i cercanno ajuto, e favore; e mperzò mm’aggio pegliato l’ardire de metterela a li piede de V. E., azzocché, degnannove de pegliarene la protezeone, le siate na pontella forte, e gagliarda, che ll’aggia da sostenere. No Perzonaggio accossì nobbele, e accossì azzellente come site vuie; e cchello, che cchiù mporta, accossì aggarbato, e cortese, non credo, che mme voglia fa restà deluso, co nnegareme le ggrazee soje; ma con a gentelezza da non crederse, degna propeo de no paro suio, e che sole ausà co ttutte: non sulo s’aggia da degnare d’azzettà la piccola afferta, che le faccio, ma aggia da comportare, che io mme pozza dechiarà mente campo. |
| | De V. Acc. |
| | Umeliss., e Devotiss. Serv. Oblig. |
| | Lo Mpresario. |
| |
| | PERZUNAGGE |
| |
| | RINA, fegliola pazzearella, figlia de Tenza Parzonara. |
| | La Segnora Gesualda d’Amore. |
| | TITTA, Ciardeniero, nnammorato de Rina. |
| | La Segnora Matalena Riccio. |
| | LELLA, sore de Titta, nnammorata de Moscardino. |
| | La Segnora Mariuccia Grasso. |
| | MOSCARDINO, giovene scquarcione, e busciardo, che ffa l’ammore co ttutte. |
| | Lo Segnore Jacovo Riccio. |
| | NTRETELLA, figlia de Mostaccio. |
| | La Segnora Antonia Spina. |
| | TENZA, Mamma de Rina. |
| | Lo Segnore Semmuono de Farco. |
| | MOSTACCIO, Viecchio Tavernaro. |
| | Lo Segnore Tommaso Scarlato, vertovuso de la Cappella Reale de Napole. |
| | MEZACAPO, Marinaro. |
| | Lo Segnore Saverio Grandi. |
| |
| |
| | La Scena se fegne a Posilleco. |
| | La Museca è dde lo Segnore Pietro Gomes |
| | Masto de Cappella Napolitano. |
| | Ngegniero, e Pettore de la Scena lo Segnore Peppo Baldo. |
| |
| |
| |
| |
