| | |
| | |
| | Le zitelle de lo Vommaro, Napoli, Se venneno sotta alla Posta da Nicola de Biase, 1731 |
| | a cura di Simone Caputo |
| |
| |
| |
|
| |
| | ATTO TIERZO |
| |
| | SCENA PRIMMA |
| |
| | PERZECHELLA, e MIMMO. |
| |
| | PERZECHELLA |
| 1135 | Te juro ca fuje Lena, |
| | Che mmentaje chella burla; |
| | Ma tu non te nne cure, |
| | Ca ste ccose pe tte so’ rose, e sciure. |
| | MIMMO |
| | None no, ca mo’ propio m’è caduta |
| 1140 | Affatto da lo Core. |
| | PERZECHELLA |
| | Che mme dice! e l’Ammore, |
| | Che le portave, mo’ addo’ è ghiuto? |
| | MIMMO |
| | A mmitto. |
| | PERZECHELLA |
| | Veramente aje raggione, |
| | Te strapazza sopierchio; |
| 1145 | E lo sopierchio rompe lo copierchio. |
| | Sta Sciorte ch’avut’essa |
| | D’essere da no giovene |
| | Comm’a tte mo’ adorata, |
| | Si l’avess’io, non sarria tanto sgrata. |
| | MIMMO |
| 1150 | Eh! Perzechella mia, |
| | Si decisse addavero, |
| | Mo’ cagnarria pensiero: |
| | Ma tu mm’abburle, e io me vedo perzo. |
| | PERZECHELLA |
| | (Lo voglio fa mpazzì pe st’autro vierzo:) |
| 1155 | Siente a mme; Non commene a na fegliola |
| | Parlà sopierchio comme fa la Cola, |
| | Ma quanno tu co mmico |
| | De Matremmonio avisse qua’ ntenzione |
| | Sacc’io che borria dire. |
| |
| | SCENA II |
| |
| | MARRONE da parte, e li stisse. |
| |
| | MARRONE |
| 1160 | (O te! Stammo a sentire: |
| | che negozio co chisto ha sta Segnora!) |
| | MIMMO |
| | De matremonio? mone, da chest’ora |
| | Te ne do la parola. |
| | PERZECHELLA |
| | No ll’aje da dare a mme, parla co Patremo |
| 1165 | Dille ca non vuo’ dota, ca la cosa |
| | Sarrà concrusa. |
| | MARRONE |
| | (A cana zantragliosa!) |
| | MIMMO |
| | Nce vao mo’? |
| | PERZECHELLA |
| | No, n’avere tanta pressa. |
| | MIMMO |
| | Commo Vuo’. (Mo’ de Lena |
| | Mme voglio vennecà.) |
| | PERZECHELLA |
| | (Che bella scena.) |
| | MARRONE |
| 1170 | (Femmene veramente!) |
| | MIMMO |
| | Gioja mia? |
| | PERZECHELLA |
| | Lassa j ssi compremiente, |
| | E dimme a mmene comm’accossì priesto |
| | T’è potuto ascì Lena da lo Core? |
| | MIMMO |
| | Ca pò lo sdigno, assaje, cchiù de l’ammore |
| |
| 1175 | Lo Cacciatore |
| | Pe la Campagna, |
| | Si a n’arcegliola |
| | Che fuje, e bola |
| | Non pò menà: |
| 1180 | Pensiero cagna; |
| | Corre a l’arbusto, |
| | E co cchiù gusto |
| | Na merolella |
| | Te fa cadè! |
| 1185 | Sto fatteciello |
| | Ch’aje mo’ sentuto, |
| | M’è socceduto |
| | Mussillo bello |
| | Mo’ justo a mme. |
| |
| | SCENA III |
| |
| | PERZECHELLA, MARRONE, e po FONZO. |
| |
| | PERZECHELLA |
| 1190 | Marisso, e propio fatto a la nterlice. |
| | MARRONE |
| | Schiavo sia Cacciatrice. |
| | PERZECHELLA |
| | Cacciatrice, e pecché? |
| | MARRONE |
| | Ca sto Segnore |
| | Che t’hà da nguadejare è Cacciatore. |
| | PERZECHELLA |
| | Semp’è meglio de te. |
| | MARRONE |
| | Meglio è chi accosta |
| 1195 | Cchiù becino a la mierco. |
| | Io pe mme ll’aggio a gusto |
| | Ma tu co sso martiello |
| | Non carche affé le cchierchia de sto fusto. |
| | PERZECHELLA |
| | (Marisso! se l’hà criso.) |
| | FONZO |
| 1200 | (Dejaschece, e che bedo!) Oje mpiso mpiso |
| | Non vuo’ sfrattà da lloco? |
| | MARRONE |
| | Chesta è chiazza de Rre, cca boglio stare. |
| | PERZECHELLA |
| | Tata, no lo cacciare |
| | Ca na cosa m’hà ditto, |
| 1205 | Che te serva la vita. |
| | MARRONE |
| | A chi mo’? |
| | PERZECHELLA |
| | (Statte zitto, |
| | E di’ commo dich’io.) (chiano a Marrone.) |
| | FONZO |
| | E mbe’ ch’aviso è chisto? |
| | PERZECHELLA |
| | Tata mio; |
| | Non saje tu lo si Mimmo |
| 1210 | Lo Cacciatore? |
| | FONZO |
| | Sine, non saccio autro |
| | Chillo ch’à data chella porva a Ciomma. |
| | PERZECHELLA |
| | Aje da sapè ca chisto, |
| | A tte mme vo’ cercare pe mogliere. |
| | FONZO |
| | Si non vo’ dota è llesto. |
| | PERZECHELLA |
| 1215 | No no, siente lo riesto: ave pensiero |
| | Da po che mm’ha sposata |
| | De ntossecare a tte, pe se pegliare |
| | Le rrobbe toje. |
| | FONZO |
| | Nnante lo vea squartato. |
| | PERZECHELLA |
| | E lo tutto a Marrone hà confedato. |
| | FONZO |
| 1220 | O povera cascetta! manco male |
| | Ca ll’aggio zoffonnata. |
| | MARRONE |
| | Ora vi’ che pastocchia, |
| | Che l’hà jettato nganna! chesta e cancara. |
| | FONZO |
| | Marrone viene cca; dimme lo tutto. |
| | MARRONE |
| 1225 | E no ll’aje ntiso? |
| | FONZO |
| | Vide che frabbutto! |
| | PERZECHELLA |
| | Mereta mo Marrone |
| | Che lo tuorne a pegliare. |
| | FONZO |
| | Sì, ll’aggio obbrecazione: |
| | Pò venì da dimano a fatecare. |
| | MARRONE |
| 1230 | (Ora vide che mbroglia ch’à tessuto.) |
| | Io resto ammisso. |
| | PERZECHELLA |
| | Mo’ pecché non dice |
| | Schiavo sia Cacciatrice? |
| | MARRONE |
| | E che buo’ che te dica? |
| | Vorria mo’ esse puorco |
| 1235 | Pe mme scippà pe tte tutte le setole. |
| | PERZECHELLA |
| | (Aggio fatta na botta a doje focetole.) |
| | FONZO |
| | Donca, chesto pò fa no galantommo |
| | Che beste a la civile? Che decite? |
| | MARRONE |
| | Che galantommo! ammafara. |
| 1240 | Ca de ssi strugge ammore. |
| | Galante songo schitto li vestite. |
| | PERZECHELLA |
| | E chille che le portano? |
| | MARRONE |
| | E chille che le portano |
| | Sarva pace paciorum |
| 1245 | A lo trattare songo tanta lazzare. |
| | FONZO |
| | E beretà. |
| | MARRONE |
| | Sa che nne può sperare |
| | Da ssi perucche, e posema? |
| | Mbroglie, forfantarie, truffe, e pastocchie. |
| | FONZO |
| | Abbesognante sta co tanto d’Uocchie. |
| |
| 1250 | Non se pò cchiù prattecare. |
| | Co sse mezze spennazzole. |
| | Ca vann’arze pe denare, |
| | So’ mbrogliune, raffajuole, |
| | A la larga nc’aje da sta. |
| 1255 | Vide mo’ chi avarria ditto, |
| | Ca sso’ guitto |
| | Se vo’ chesta nguadejare |
| | Pe mm’accider’e arrobbà. |
| |
| | SCENA IV |
| |
| | MARRONE, e PERZECHELLA. |
| |
| | MARRONE |
| | Ora tu mo’ a qua’ fine |
| 1260 | Aje fatta ssa mmenzione? |
| | PERZECHELLA |
| | Qua mmenzione? |
| | MARRONE |
| | De prommettere a chillo, e po di’ a Pateto |
| | Quanto ll’aje ditto? |
| | PERZECHELLA |
| | Eh! non ghì sapenno. |
| | MARRONE |
| | O, te ntenno, te ntenno: |
| | Azzò che quanno chillo |
| 1265 | A Pateto te cerca |
| | Nn’aggia na ngiuriata, |
| | E tu po faretenne na resata. |
| | PERZECHELLA |
| | Io mo’ non t’avarria |
| | Da dà sta sfazejone, ca co ttico |
| 1270 | Cchiù non me nc’aggio da parlà; ma sacce, |
| | Ca, io pe mme, non saccio comm’è stato: |
| | Ma tu nce curpe sgrato, |
| | Ch’accossì nnitto fatto |
| | Aggia data parola a chisso lloco |
| 1275 | De matremonio. |
| | MARRONE |
| | Ma p’abburla? |
| | PERZECHELLA |
| | Che? |
| | Io non saccio che burla a ffatt’a tte. |
| | MARRONE |
| | Ma pecch’aje ditto a Pateto |
| | PERZECHELLA |
| | Pe te fare restare a tte busciardo. |
| | Azzò che lo si Mimmo |
| 1280 | Le pera te menasse, |
| | E accossì bennecareme |
| | De chello, che mm’aje fatto. |
| | (Le voglio dà sso tuosseco.) |
| | MARRONE |
| | (Mo’ schiatto.) |
| | Donca tu mo’ sarraje |
| | PERZECHELLA |
| | Mogliera a chillo, |
| | MARRONE |
| 1285 | E pecché mo’. |
| | PERZECHELLA |
| | Pe fare a tte despietto. |
| | MARRONE |
| | A mme? |
| | PERZECHELLA |
| | A tte. |
| | MARRONE |
| | Pacienza. |
| | Non puo’ negà ca mm’aje voluto bene. |
| | PERZECHELLA |
| | E mo’ te voglio male. |
| | MARRONE |
| | Ca io t’aggio stemmato |
| | PERZECHELLA |
| 1290 | E rreveruto, no lo nego: è bero. |
| | MARRONE |
| | E mo’? |
| | PERZECHELLA |
| | Nme so’ cagnata de pensiero, |
| | Ch’aggio da fa? |
| | MARRONE |
| | Facite ll’ore voste. (scappa a chiagnere a Mamma.) |
| | PERZECHELLA |
| | E tu, fatte le toje. |
| | MARRONE |
| | Che nce vuo’ fa me sie’ vasta! e raggione. |
| | PERZECHELLA |
| 1295 | (Ih! chiagne sa! mo’ nn’aggio compassione.) |
| | MARRONE |
| | Te dovarrisse arrecordà ca io |
| | Songo stato no juorno, |
| | Chillo che (chiagne.) |
| | PERZECHELLA |
| | Quanno scumpe sso taluorno? |
| |
| | Sì, m’allecordo |
| 1300 | Ca tu si’ stato |
| | La bella gioia |
| | De chisto core |
| | Ma Nenna toja |
| | Pe sso frustato |
| 1305 | De Milordiello |
| | No nte pò ammà |
| | (Vi’ che martiello |
| | Le voglio dà!) |
| | Ma tu de collera |
| 1310 | Mo’ non t’accidere, |
| | Ca nce pò nascere |
| | Quarche streverio: |
| | (Mme vene a ridere) |
| | Spera, chi sa? |
| |
| | SCENA V |
| |
| | MARRONE, e po LENA fojenno da GRANNIZEJA che l’ave vattuta. |
| |
| | MARRONE |
| 1315 | Cche buo’ che dica? Essa hà ragione. All’utemo |
| | È femmena: e a li tiempe che simm’oje |
| | Tira cchiù na vitella, che no voje. |
| | LENA |
| | Che bo’ chesta da me? m’hà sdellommato |
| | De mazze, e manco |
| | MARRONE |
| | Chiano, chia’, ch’è stato? (a Grannizeja.) |
| | GRANNIZEJA |
| 1320 | Fonnachera, arzellosa, sfatecata. |
| | MARRONE |
| | Ch’à fatto? |
| | GRANNIZEJA |
| | E che bo’ fare? hà fatto ll’vuovo. |
| | MARRONE |
| | Senza scorza cred’io. |
| | GRANNIZEJA |
| | Ll’aggio repriso |
| | Pe la birba ch’a fatta cca mo’ nnante |
| | Co chille cacciature; e la sberressa |
| 1325 | M’hà respuso ca essa |
| | Vo’ pe despietto mio fare cchiù peo. |
| | MARRONE |
| | O questo non va bene |
| | Diciarebbe un Dottor di trecent’anni. |
| | LENA |
| | Aje ntiso a essa, ma n’aje ntiso a mmene. |
| | MARRONE |
| 1330 | E ba decenno. |
| | LENA |
| | Essa vorria, che io (Lena chiagne a selluzze.) |
| | Ste sse so |
| | MARRONE |
| | Stisse sola, |
| | E tu vuo’ stare accompagnata. |
| | LENA |
| | None. |
| | Stesse sotta a la ma |
| | MARRONE |
| | Sott’a la mamma; |
| | E tu non nce vuo’ sta |
| 1335 | T’aggio ntiso m’aje tuorto. |
| | LENA |
| | None, none. |
| | Stesse sott’a la mazza. |
| | GRANNIZEJA |
| | A lenguacciuta? |
| | LENA |
| | E io mo’ proprio voglio ma |
| | MARRONE |
| | Magnare? (a Lena.) |
| | E pecchesso la vatte? e che borrisse |
| | Che dejunasse? (a Grannizeja.) |
| | LENA |
| | No, voglio mannare |
| 1340 | A comprarme lo tuosseco. |
| | MARRONE |
| | Nfunno de maro sia tale parola, |
| | Tuosseco? E che si’ pazza? |
| | GRANNIZEJA |
| | A! lazzorola! |
| | LENA |
| | Ch’è meglio avere no ma... |
| | MARRONE |
| | No marito, |
| | Che na mamma pe nnante, t’aggio creddeto. |
| | LENA |
| 1345 | Ave no malejuorno, |
| | Che no malanno. |
| | MARRONE |
| | E chesso pur’è bero. |
| | GRANNIZEJA |
| | Via quanno scumpe sso jommisso? |
| | MARRONE |
| | Lena |
| | Scumpela mo’ ch’è lotano: |
| | Ca tu chiagne, che faje? |
| | LENA |
| | Vorria schiattare. |
| | GRANNIZEJA |
| 1350 | Priesto, priesto, mo’ lloco. |
| | MARRONE |
| | Ma nzarvamiento de li nase nuoste. |
| | LENA |
| | Ca non pozzo sta cchiù dint’a sto fuoco. |
| |
| | No tt’è ghiuor no me ngiureja. |
| | Sen za cau sa me mazzeja, |
| 1355 | Cielo tu, che bide, e siente |
| | Si aggio tuorto, o so’ nnozente; |
| | Tu casti cala pe mme. |
| | Si mme fosse na matreja |
| | Cchiù arraggiata de n’arpia, |
| 1360 | Manco chesto mme farria, |
| | E non saccio lo perché. |
| |
| | SCENA VI |
| |
| | CIOMMA, GRANNIZEJA, e MARRONE. |
| |
| | CIOMMA |
| | O Marrone, Grannizeja? |
| | GRANNIZEJA |
| | O sta pazza! |
| | MARRONE |
| | No, creo che sia sanata. |
| | GRANNIZEJA |
| | E comme? |
| | MARRONE |
| | Lo si Mimmo |
| 1365 | Na porvera famosa ll’ave data. |
| | GRANNIZEJA |
| | Chill’astroleco. |
| | MARRONE |
| | Chillo. |
| | CIOMMA |
| | Justo de sto si Mimmo |
| | Vorrà nova da vuje. |
| | GRANNIZEJA |
| | No lo canusce? |
| | MARRONE |
| | Comme lo vo’ canoscere? |
| | GRANNIZEJA |
| 1370 | O ch’è no bello gioveniello. |
| | CIOMMA |
| | Ne? |
| | E fammillo vedè, te guarda a tte. |
| | GRANNIZEJA |
| | E pecché? |
| | CIOMMA |
| | Ca era pazza m’hanno ditto |
| | E chisso m’hà sanata. |
| | MARRONE |
| | E Perzechella se n’è nnamorata. |
| | CIOMMA |
| 1375 | Che mme dice? |
| | GRANNIZEJA |
| | Pecché? ll’aje a desgusto. |
| | CIOMMA |
| | No Granni’, ma non sa |
| | GRANNIZEJA |
| | T’aggio caputo. |
| | MARRONE |
| | E già la vo’ cercare a lo patrone. |
| | CIOMMA |
| | Oh! fa no bell’accatteto. |
| | GRANNIZEJA |
| | E pecché? Perzechella. |
| 1380 | È na bella fegliola. |
| | CIOMMA |
| | E bella, ma n’è bona; |
| | E quanno la mogliere se n’addona. |
| | GRANNIZEJA |
| | N’hà mmideja la scurezza. |
| | MARRONE |
| | Chesto è lo vero ch’è na trevellessa. |
| | CIOMMA |
| 1385 | No giovene nch’e bede |
| | Na zoccolella speretosa, subeto |
| | Parla de matremmonio: ogn’uno crede |
| | Ch’à fatta na gran spesa, |
| | Ma isso schitto sape quanto pesa. |
| |
| 1390 | A tutte pare bella |
| | Na scarp’attillatella; |
| | Ma chillo, che la porta |
| | Pecché l’è stretta, e corta, |
| | Se sente stroppejà! |
| 1395 | Cossì na fegliolella |
| | Te pararrà na fata; |
| | Ma po tu schitto saje |
| | Quanno te ll’aje sposata, |
| | Che guaje |
| 1400 | Te fa passà! |
| |
| | SCENA VII |
| |
| | MARRONE, e GRANNIZEJA. |
| |
| | MARRONE |
| | Vogl’j a dicere a Lena |
| | La mpeca ch’ave fatta Perzechella, |
| | Pe bedè che mme dice. |
| | GRANNIZEJA |
| | Te nne vaje? |
| | MARRONE |
| | Sine Granni’, ca sto passanno guaje. (e trase.) |
| | GRANNIZEJA |
| 1405 | Che gusto ch’aggio, che sta poverella |
| | Se sia sanata: ma sbareja la scura |
| | Ca se vo’ mmaretare: è troppo grossa. |
| | E quanno le Zettelle anno passata |
| | Na cert’aità, so’ lotane; |
| 1410 | E chesta creo, ca non vorrà morire |
| | Co la semmenta ncuorpo |
| | Comm’a cocozza pazza: |
| | Ca sape, pecché strilla la Cajazza. |
| |
| | Na zetella, passatella, |
| 1415 | A la casa sempe cova. |
| | Vorria fa li pollecine, |
| | Ma non trova |
| | No galluccio pe le fa! |
| | È no vruoccolo sagliuto, |
| 1420 | No Cetrulo nzemmentuto |
| | Che sapore cchiù non hà! |
| |
| | SCENA VIII |
| |
| | LENA, e MARRONE. |
| |
| | LENA |
| | Addonca Perzechella |
| | Vo’ fa sso tratto a Mimmo? |
| | MARRONA |
| | No, ll’aje ntiso? |
| | LENA |
| 1425 | O povero si astroloco! |
| | Ed io si vedo Ciccio |
| | Voglio fare lo stisso. |
| | MARRONE |
| | Vuje nce farrite nascere n’aggrisso. |
| | LENA |
| | Ma si lloro nne vonno, |
| 1430 | Abbesognante darencenne. |
| | MARRONE |
| | È bero. |
| | Ma io vorria sapè, tu co che sciorte |
| | De gente ncrine pe te mmaretare? |
| | Già ch’abborrisce chiste. |
| | LENA |
| | (Porzì Marrone, voglio repassare.) |
| | MARRONE |
| 1435 | Non respunne? |
| | LENA |
| | Io vorria no gioveniello |
| | Non tanto ricco, e manco poveriello: |
| | De la statura toja: aggrazejato |
| | Commo si’ tune. |
| | MARRONE |
| | Ammajena Lena, ammajena |
| | Ca saje ca non so’ llocco. |
| | LENA |
| | E pur’è bero |
| 1440 | Ch’accossì non derrisse |
| | Si sto core Marrone mme vedisse. |
| | MARRONE |
| | Addonca tu mme vuo’ dare a rentennere |
| | Ca io songo Capace |
| | LENA |
| | Che te ll’aggio da vennere? |
| 1445 | Chello è lo bello ch’a lo core piace. |
| | All’utemo pe mm’essere marito |
| | Che fuorze, a tte mancasse quarche cosa? |
| | Io songo geniale, so’ ammorosa |
| | Tu si’ cuccepaniello. O bella cosa |
| 1450 | Si tu fusse lo sposo ed io la sposa |
| | Che d’è? tu staje penzuso; non me cride? |
| | MIMMO |
| | Vide ch’aje fatt’arrore. |
| | LENA |
| | Credo ca non te frutta |
| | D’esse marito mio, pecché so’ brutta. |
| | MARRONE |
| |
| 1455 | Si’ fresca e grassa, |
| | Si’ ghiancolella, |
| | Pare de Massa |
| | Na recottella: |
| | Si’ tutt’ammore, |
| 1460 | Faje Cianciolille; |
| | Ma po a lo core |
| | Nnc’aje li pilille, |
| | Non faje pe mme. |
| | Ca tu coss’Uocchie |
| 1465 | Freccecarielle, |
| | Si mbe’ mpapuocchie |
| | Li fasanielle; |
| | No sportiglione |
| | Comm’a Marrone |
| 1470 | Non gabbe affé! |
| |
| | SCENA IX |
| |
| | LENA, po CICCIO. |
| |
| | LENA |
| | Co chisto ch’è frabutto |
| | Non m’è resciuto lo repassamiento. |
| | Ma vecco Ciccio. |
| | CICCIO |
| | Site de lo Vommaro, |
| | E tanto vasta. |
| | LENA |
| | Non me fare comprece |
| 1475 | De lo mmale c’hà fatto Perzechella, |
| | Ca la gatta cecata |
| | Io la facette pe dà gusto a Essa. |
| | CICCIO |
| | Manco male ch’avite già scomputo |
| | De ve spassà: ca mo’ nce ne scennimmo. |
| | LENA |
| 1480 | Io chello ch’aggio fatto a lo si Mimmo, |
| | A tte cierto si Ciccio |
| | Fatto non avarria, si tu m’avisse |
| | Ditto schitto d’ammore na parola. |
| | Vasta songo fegliola |
| 1485 | E non commene de passà cchiù nnante. |
| | CICCIO |
| | Io saccio ca pazzie, ma te mprommetto |
| | Ca pe fare despietto |
| | A sta presentosella, |
| | Pe tte mme sbenarria, |
| 1490 | E nnante notte me te sposarria. |
| | LENA |
| | Chesto mo’ no lo creo. |
| | CICCIO |
| | Fanne la prova. |
| | LENA |
| | Sì, mo’ la voglio fa, cercame a mamma. |
| | CICCIO |
| | Te nne do la parola. |
| | LENA |
| | No, non serve la mano: mo vao dinto. |
| 1495 | E co na scusa te la manno fora |
| | Puro che non mme nganne. |
| | CICCIO |
| | Che buo’ ngannà. |
| | LENA |
| | Governate. |
| |
| | SCENA X |
| |
| | CICCIO. |
| |
| | CICCIO |
| | Se face cchiù nn’un ora, che ncient’anne |
| | Si chesta non pazzeja, |
| 1500 | Bello corrivo faccio a Perzechella |
| | Pecché Lena è cchiù bella. |
| | Essa me sprezza, chesta |
| | Pare ch’attacca a curto: Addo’ se trova |
| | Llà s’accide la Caccia, |
| 1505 | No addo’ se vo’. Cammisa |
| | Che non vo’ sta co ttico, e tu la straccia. |
| |
| | Esca da chisto pietto, |
| | Chella ch’a tutte l’ore |
| | Sto negrecato core |
| 1510 | Me steva a tenaglià. |
| | Chest’autra pare a.mme |
| | Ca mme pò fa gaudè, |
| | Ma tengo no sospetto |
| | Che m’aggia da ngannà. |
| |
| | SCENA ULTEMA |
| |
| | GRANNIZEJA, LENA: po FONZO, e tutte. |
| |
| | GRANNIZEJA |
| 1515 | Chesto vo’ fare lo si Ciccio? |
| | LENA |
| | Chesto. |
| | GRANNIZEJA |
| | A mme te vo’ cercare pe mogliere, |
| | E quanno t’hà sposata? |
| | LENA |
| | Te vo’ accidere |
| | Pe se peglià quant’aje. E a tiempo a tiempo |
| | Mo’ se nne vene sa’. |
| | GRANNIZEJA |
| | Va trasetenne. |
| 1520 | Lo voglio strafocare, |
| | A la primma parola che mme dice. |
| | FONZO |
| | Nche bene lo si Mimmo |
| | A cercareme figliema, le voglio |
| | Chiavà na botta de cortiello. |
| | CICCIO |
| | All’utemo, |
| 1525 | Mo’ vedimmo si è porvera o farina. |
| | Ecco Grannizeja. |
| | MIMMO |
| | Ed ecco Fonzo, a nuje. |
| | GRANNIZEJA |
| | A mme arrobbare! |
| | FONZO |
| | Ntossecare a mme. |
| | CICCIO |
| | Sia Grannizeja? |
| | MIMMO |
| | Sio Fonzo? |
| | GRANNIZEJA |
| | Oh bemmenuto. (a Ciccio.) |
| | FONZO |
| | Che v’accorre? |
| | CICCIO |
| | Lena, |
| 1530 | Senza tanto de dota |
| | Mme la vorria sposare. (a Grannizeja.) |
| | MIMMO |
| | Perzechella, |
| | Quanno te contentasse: senza niente |
| | Io mme la pigliarria. (a Fonzo.) |
| | GRANNIZEJA |
| | Vuo’ sapè la resposta? |
| | FONZO |
| 1535 | Vuo’ che te dica lo pensiero mio? |
| | Ma sacce |
| | GRANNIZEJA |
| | Aje da sapè |
| | GRANNIZEJA |
| | Eccola lloco. (le mette la foca ncanna.) |
| | FONZO |
| | E chisto. (caccia lo cortiello) |
| | CICCIO |
| | O bonora che faje? |
| | MIMMO |
| | Che si’ mpazzuto? |
| | MARRONE |
| | Oh! te! che bedo? Che buo’ fare Fonzo? |
| 1540 | Grannizeja che buo’ fa? |
| | FONZO |
| | Voglio scannare |
| | Chisto che mme voleva ntossecare. |
| | MARRONE |
| | E tu? |
| | GRANNIZEJA |
| | Co chisto voglio fa lo stisso. |
| | LENA |
| | Jate chiano no poco. |
| | Che cos’è sta chiazzata? |
| | PERZECHELLA |
| 1545 | Che rommore nce loco? |
| | CIOMMA |
| | A negrame scasata! |
| | Tu vuo’ accidere chisto |
| | Che mm’hà sanata? ah! primma |
| | Apreme chisto pietto. |
| | MARRONE |
| | Stateve zitto |
| 1550 | Ca vuje parlate fora squatro, chesta |
| | Nzieme co la sia Lena |
| | Pe se spassare co ssi galantuommene, |
| | Anno tessuta ssa matassa. |
| | PERZECHELLA |
| | A mme? |
| | MARRONE |
| | No lo negate. All’utemo volite |
| 1555 | Fa venì n’accisione? |
| | FONZO |
| | Comme tu? |
| | GRANNIZEJA |
| | Tu faciste ssa mmenzione? |
| | LENA |
| | No lo boglio negà. Pe nce levare |
| | Ssi segnure da tuorno; e beretà. |
| | GRANNIZEJA |
| | Ed io mo’ pe despietto, |
| 1560 | Voglio che te lo piglie. |
| | CICCIO |
| | Lena mia |
| | Non dicere ca no. |
| | FONZO |
| | Già che Ussoria |
| | Senza dote la vole, |
| | Jo te la voglio dà. |
| | PERZECHELLA |
| | Ma non vogl’io. |
| | Pocca Marrone e lo marito mio. |
| | MIMMO |
| 1565 | Commo mo’, no guarzone |
| | PERZECHELLA |
| | Ll’aggio data parola |
| | No le pozzo mancà. |
| | MARRONE |
| | Sine Patrone, |
| | Ca lo negozio non pà ire areto. |
| | FONZO |
| | Ah! cana, pigliatella |
| 1570 | Già che la cosa è fatta: E a tte si Mimmo |
| | T’offeresco nepotema |
| | Tu ll’aje sanata, e tu senza no callo |
| | Si la vuo’ pigliatella. |
| | Che dice Ciomma |
| | CIOMMA |
| | Chisto |
| 1575 | Sarria lo gusto mio. |
| | MIMMO |
| | Songo mbrogliato |
| | CICCIO |
| | Mimmo, Lena e la mia. |
| | Non è lo vero? |
| | LENA |
| | P’obbedire a Mamma. |
| | MIMMO |
| | Ed io songo de Ciomma. |
| | CIOMMA |
| | Allegramente, |
| | Ca le cose abburlanno |
| 1580 | So’ resciute addavero. |
| | CIOMMA |
| | Accossì è stato. |
| | GRANNIZEJA |
| | Accossì avea lo Cielo destenato. |
| | MARRONE |
| | All’utemo s’avea |
| | Da sbrogliare sso gliuommaro. |
| | TUTTE |
| | E biva le Zitelle de lo Vommaro. |
| |
| | Pazzejanno, pazzejanno |
| 1585 | Senza mbroglie, e senza nganno |
| | St’allegrezza mo’ se fa. |
| | Chi p’ammore com’a tenga |
| | No vo’ sbattere se venga |
| | A lo Vommero a nzorà. |
| |
| |
| |
| |
| |
| |
| |
| |
| |
| |
