| | |
| | |
| | La mbroglia scoperta, Napoli, A spese de Nicola de Beaso, 1732 |
| | a cura di Giovanni Recupido |
| |
| |
| |
|
| |
| | ATTO SECUNNO |
| |
| | SCENA PRIMMA |
| |
| | LISA, e CIANNELLA mmocca la porta soja. |
| |
| | LISA |
| | M’aje ntiso mo’? cojetate, |
| | Ca chillo c’aje veduto, e c’aie chiammato, |
| | Non è stato Meniello, è stato n’auto. |
| | CIANNELLA |
| 605 | Comme n’è stato isso si portava |
| | Chillo stisso vestito, |
| | Che s’ha ngignato, n’avarrà no’ mese. |
| | LISA |
| | (Chesta ha pigliato Ceccia pe Meniello) |
| | L’aje visto ’n facce? |
| | CIANNELLA |
| | None. |
| 610 | Ma chillo m’è paruto speccecato. |
| | LISA |
| | E lloco aje fatto arrore, è stato Fonzo, |
| | Che l’ha cercato mpriesto lo vestito. |
| | CIANNELLA |
| | Ma isso... |
| | LISA |
| | E no cchiù mo’, ca chillo more |
| | E se strude pe ttene, e m’ha pregato, |
| 615 | Che te parlasse, pe sapè che d’aje |
| | Che co lo scuro accossì ngruosso staje. |
| | CIANNELLA |
| | Chesto sia comme vuoje? |
| | Ma lo benirme a dire co no sfarzo, |
| | Ca le ffacenne soje mo’ le ffa Micco; |
| 620 | Che bo’ di’ sta scheressa? |
| | LISA |
| | È stata nnorchia. |
| | Che l’ha ditto Sasina |
| | Nnanze a Marcone, pe lo fa trottare, |
| | Ma già l’accordio è fatto. |
| | CIANNELLA |
| | E c’accordio? |
| | LISA |
| | Meniello |
| 625 | Da’ la sore a Marcone; |
| | E chisto se mmarita co Meniello. |
| | CIANNELLA |
| | Chesto chi te l’ha ditto? |
| | LISA |
| | Tutte duje. |
| | Vuoje sapere nient’auto? |
| | CIANNELLA |
| | Giacch’è chesto, |
| | Io me cojeto, va lo trova e dille, |
| 630 | Ca si l’avesse fatta mala cera |
| | La corpa non è mia |
| | Nn’è stata causa Ammore, è gelosia. |
| | LISA |
| | Ma tu quanno nce parle non di’ niente |
| | Ca Fonzo jea co lo vestito sujo, |
| 635 | Ca no mmo’, che se saccia. |
| | CIANNELLA |
| | T’aggio ntesa, |
| | Vattenne, e torna priesto, |
| | Cojeta a isso, e a mmene |
| | E fatte di’ quanno a bedè mme vene. |
| |
| | Dille che benca priesto |
| 640 | A consolà sto core; |
| | Ca squaglio pe golio |
| | De lo vedere. |
| | Te portale sto sciore (se lo leva da pietto.) |
| | Pe n’allecuordo mio |
| 645 | Lo riesto |
| | Dillo tu, |
| | Che non se faccia cchiù |
| | Caro a tenere. |
| |
| | SCENA II |
| |
| | LISA sola. |
| |
| | LISA |
| | Vi’ che fa la desgrazia! sta fegliola |
| 650 | Ha visto Ceccia, quanno jea a trovare |
| | Micco co lo vestito de lo frate, |
| | E s’ha creduto chillo; manco male, |
| | C’aggio mpecata lesta na boscia |
| | Pe no scoprire Ceccia, mo’ abbesogna |
| 655 | Che n’arremmedio n’auta co Meniello, |
| | Pe non ce fa sortì quarche grociello. |
| | Nce vole lo jodizio a sto munno |
| | E massema a nuje vecchie, che servimmo |
| | Pe commoglià le mbroglie de le giuvene, |
| 660 | Ca si non fosse chesto, uh quanta case |
| | Vedarrisse schianate |
| | E chiene de vregogna |
| | N’ha prezzo na boscia quanno abbesogna. |
| |
| | De mpeche, e de mbroglie |
| 665 | Lo munno se campa |
| | Chi meglio le stampa |
| | Da ciento arravuoglie |
| | Lo vide scappà. |
| | Chi sorca deritto |
| 670 | Se corca a l’ascuro |
| | Ca sempe st’affritto, |
| | Da juro a menuro |
| | Non pote passà. |
| |
| | SCENA III |
| |
| | MICCO, e SASINA da Capetanejo Spagnuolo pe strata. |
| |
| | SASINA |
| | Vaja ostè caperrones |
| 675 | Chittase en ora mala esto sombriero |
| | No mmide hico de pierra |
| | Ca mo’ so’ fatto Capetano a ghierra. |
| | MICCO |
| | E scumpela sta birba |
| | O mo’ nne votto craje? |
| 680 | Tu te si puosto a bino, |
| | Ed io me cagnarria pe no lopino. |
| | SASINA |
| | Se pò sapè che d’aje |
| | O mo’ me faccio acito: tu jastimme |
| | Ed io nce metto a rriseco la pelle. |
| | MICCO |
| 685 | Ma cheste bagattelle, mo’ che servono? |
| | Corrimmo co lo triego, e tu pazzie. |
| | SASINA |
| | Vi’ che male de luna, che me vota |
| | Tu si’ troppo fetente |
| | E proprio vuoje, che non ne faccia niente. |
| | MICCO |
| 690 | Aje ragione pe diece, |
| | Tu abburle, e io vao penzanno. |
| | Ca si chesto non resce, me despero. |
| | SASINA |
| | Peché non vo’ rescì provita toja? |
| | Io me songo cagnato de manera, |
| 695 | Che manco me canosco no lo bide? |
| | E po co chi te cride |
| | C’ha da fare lo viecchio? co na scorza |
| | De casillo cellese |
| | No lo faccio valere no tornese. |
| | MICCO |
| 700 | Oh ca lo viecchio è cancaro mannaggia. |
| | SASINA |
| | Mo’ me saglie la rraggia; e ment’è chesto |
| | Jammoncenne a malanno. |
| | MICCO |
| | Aspè, che d’aje? |
| | SASINA |
| | Quanto cchiù pienze tanto peggio faje: |
| | Miettete a sto pontone, e sta a sentire, |
| 705 | Che face st’aleviento |
| | Mo’ vedarrimmo s’esce cucco, o viento. |
| | MICCO |
| | Non te scordà de quanto t’aggio ditto |
| | Io m’annasconno arreto a chisto vico. |
| | SASINA |
| | No cchiù ca me farraje guastà lo ntrico. |
| | MICCO |
| |
| 710 | Si te pozzo avere mmano |
| | Rennenella |
| | Bella |
| | Mia |
| | Io te nzerro a chisto pietto |
| 715 | Non te faccie cchiù scappà. |
| | De vecino, e da lontano |
| | Io te stonco a fa la spia, |
| | E non piglio maje recietto, |
| | Nzi’ che t’aggio da ncappà. |
| |
| | SCENA IV |
| |
| | SASINA e MARCONE da lo barcone. |
| |
| | SASINA |
| 720 | Ch’è fenuto sto piccio, e comm’è nsisto |
| | Su dammoce da fare... (tozzola la casa de Marcone.) |
| | Che d’è non sente nullo? |
| | Tornammo a tozzolare... E manco mone? |
| | Chiste saranno asciute: |
| 725 | O so’ muorte, o nsordute. |
| | MARCONE |
| | E che zeffunno è chisto? |
| | Chi mme scassa la porta? ah patrommio, |
| | No po’ de caretà, chiano, chianillo, |
| | Ca la casa è la mia. |
| | SASINA |
| 730 | Tienca pasienza amico, yò non credevas, |
| | Che fosse chesta casa de recottas |
| | Ch’avesse da cadè pe quattros bottas. |
| | MARCONE |
| | (M’abbesogna sta zitto, ch’è spagnuolo.) |
| | Via su non ne sia niente, che bolite? |
| | SASINA |
| 735 | Digame ostè, nce stace |
| | El Segnor D. Marcone Pettoliglias? |
| | MARCONE |
| | Marcone Pettolella? |
| | SASINA |
| | Sì Segnore |
| | MARCONE |
| | Che nn’avite da fa? |
| | SASINA |
| | Le chiero dire |
| | Dos palavras de muccia mportolanzia. |
| | MARCONE |
| 740 | Aspettate no poco ca mo’ scenne. |
| | SASINA |
| | Digale, che se sbriga, |
| | Ca tiengo muccia pressa. |
| | MARCONE |
| | Mo mmo’ patrone mio, che furia è chessa. |
| | SASINA |
| | Bene mio, ca lo viecchio è miezo muorto |
| 745 | Nché m’ha ntiso parlare spagnolisco |
| | Oje Micco si’ servuto: |
| | Si le do n’auto strillo è già speduto... (a Micco, che sta de banna.) |
| |
| | SCENA V |
| |
| | CARMOSINA, che da lo barcone de MARCONE jetta scasoalmente no Canisto de Frunne ncuollo a Sasina, e po MARCONE da la casa soja. |
| |
| | SASINA |
| | E be’ chesso che d’è? votto v’a ttristo; |
| | Nigna de mmierda; addo’ te ll’aje mparato |
| 750 | Jettà las porcarias por la finestra? |
| | CARMOSINA |
| | Scusateme bell’ommo |
| | No l’aggio fatto apposta... |
| | SASINA |
| | Eh vaja con diablo, |
| | Che puostas, che procaccios? |
| | CARMOSINA |
| | Che d’avite? |
| | N’è niente, so’ di frunne, che d’è stato? |
| | SASINA |
| 755 | Non es nada? oh mmaloras, |
| | M’aje miez’arrojenato sto vestito. |
| | CARMOSINA |
| | Che d’aje co ste ghiastemme, puozze torcere |
| | Tiemente ch’escaiuolo! |
| | Che d’è te vuo’ abbuscà no farrajuolo? |
| | SASINA |
| 760 | Esto de ma? a mme no farrajuolo! |
| | E che buo’, che mo’ scasso sta portiglia, |
| | E nce faccio venì no parapiglia? (fa forza a la porta mente sta p’ascì lo viecchio.) |
| | MARCONE |
| | Oh mamma mia la Capo, potta d’oje |
| | Ah patro’ mio, che portante è chisto? |
| 765 | Mannaggia quanno maje, |
| | Mm’avarraie sfravecato meza faccia. |
| | SASINA |
| | (Oh mmalora, e bruognolo) no es nada. |
| | MARCONE |
| | Cierto, ca mo’ so’ nato; uh che dolore. |
| | SASINA |
| | Tenga pacienza amigo, non es nada. |
| | MARCONE |
| 770 | Che pacienza ste brache: ca so’ acciso |
| | Addove si’ figliola? |
| | CARMOSINA |
| | Che bolite? |
| | MARCONE |
| | Scinneme ss’acquavita. |
| | CARMOSINA |
| | Mo’ la scenno. |
| | MARCONE |
| | Via su jate decenno, che v’accorre? |
| | SASINA |
| | Ostè es D. Marcone? |
| | MARCONE |
| | Io so’ Marcone, |
| 775 | Sto Donne non ce serve |
| | Ca n’è cosa ch’aosammo. |
| | SASINA |
| | O Amigo, O Amigo. (L’abbraccia forte.) |
| | MARCONE |
| | Chiù chiano patrò mio, ca mo’ m’affuoche |
| | No cchiù mo’, no cchiù mo’. |
| | SASINA |
| | O amigo caro |
| 780 | Io te chiero abbracciar per mille svesses. |
| | MARCONE |
| | Me vuo’ abbracciare, nzi’ che faccia vesse? |
| | Chest’è mala creanza; vasta mone; |
| | Uscia chi è? |
| | CARMOSINA |
| | Pigliate l’acquavita. |
| | MARCONE |
| | Nfunne lo pizzo de sto moccaturo, |
| 785 | No nne jettà, sta attiento. |
| | CARMOSINA |
| | Non nne jetto, pigliate: |
| | SASINA |
| | Ostè no mme canosce jà lo saccio, |
| | Ma credo, che vostè abbia ntennido |
| | Dal Signor Ciccio Tonno suio Ermano |
| 790 | El mio nombre; io me gliamo D. Periccos. |
| | MARCONE |
| | Qua D. Pericco? |
| | SASINA |
| | Acheglio, |
| | Che lassaje na fegliola a sujo Ermano. |
| | Quann’era a Pantesiglios, so’ tres agnos? |
| | MARCONE |
| | (Aimmè, che sento, che responno?) |
| | SASINA |
| | Diga |
| 795 | Ostè lo sape chesto? |
| | MARCONE |
| | Si, è lo vero |
| | Ma Cicco Tonno è muorto; e j no ve saccio. |
| | SASINA |
| | Me saprà me saprà; Do’ è Cianniccas? |
| | MARCONE |
| | Ma, l’ossoria porta muccias pressas; |
| | Che le mporta a sapè li fatte mieje; |
| 800 | Si non saccio chi si’? |
| | SASINA |
| | Ah Picarone |
| | Accossì se responne a D. Periccos |
| | Chiere ostè, che le dia na Coccigliada. |
| | MARCONE |
| | Che Coccigliata? Oscia vo’ pazzeare |
| | Va curre Carmosina |
| 805 | Pigliame la scoppetta. |
| | SASINA |
| | A mi scoppettas? |
| | Vico de la mmaloras, si re muoves |
| | Io te faccio Tonnina. (mette mano a la spada.) |
| | MARCONE |
| | Aimmè so’ assassenato aiuto, ajuto. |
| |
| | SCENA VI |
| |
| | MENIELLO, LISA pe strata, e li stisse. |
| |
| | LISA |
| | E chi strilla? |
| | MENIELLO |
| | Che nc’è lloco? |
| | CARMOSINA |
| 810 | Ajuto si Meniello, curre Zia. |
| | MARCONE |
| | Ca chisto me vo’ accidere. |
| | SASINA |
| | Ne mientes |
| | (Mannaggia è troppa gente.) |
| | LISA |
| | Fegliola saglie ncoppa. |
| | CARMOSINA |
| | Mo’ mmo’ vao |
| | Mara me, che fracasso! (Saglie addo Cianna, e se mette a lo barcone pe bedere.) |
| | MENIELLO |
| 815 | Patro’ mio collecienzia, che d’è stato? |
| | Uscia che bo’ da chisto? |
| | LISA |
| | Senza collera. |
| | MARCONE |
| | Io non saccio chi è chisto; m’ave ditto, |
| | Ch’è lo spagnuolo, che lassaje a fratemo |
| | Ciannella, e mo’ la vole. |
| | SASINA |
| 820 | Sì, Segnore; ch’io chiero la mucciaccia. |
| | MENIELLO |
| | Ma l’ossoria chi è? |
| | SASINA |
| | Soi D. Periccos. |
| | LISA |
| | Ma Patro’ mio, chisto no ve sape |
| | Nc’avite testemmonia? |
| | SASINA |
| | Sì, le tiengos. |
| | MARCONE |
| | Addove songo? |
| | SASINA |
| | Stanno a Pontesiglios. |
| | MENIELLO |
| 825 | Uscia le porta cca, ca le sentimmo, |
| | E chello, ch’è lo buosto ve darrimmo. |
| | SASINA |
| | Ma yo non puedo andarve, e tiengo pressas. |
| | MARCONE |
| | Ed io non pozzo dare la fegliola. |
| | SASINA |
| | T’ammattare por l’arma di Pilado. |
| | MENIELLO |
| 830 | Uscia vascia le mano |
| | (Ca nce chi lo defenne, e a sto pajese |
| | Nce sta bona jostizea.) |
| | SASINA |
| | A chi esta la giustizia? vueno, vueno, |
| | A ora lo vedremos. |
| | MARCONE |
| | Lo bedimmo. |
| | SASINA |
| 835 | Siento spagnuolos portomo a la corte. |
| | LISA |
| | Vonn’esse Taleane Patron mio, |
| | Che nuje le ccanoscimmo. |
| | SASINA |
| | E tammien Taleanos, asta Franzesios. |
| | Vieca de mierdas vava del Diavolos. |
| | MENIELLO |
| 840 | Patron mio, co creanza; Uscia, che bole, |
| | Fa propio a costejune |
| | Lloco è la Corte, a che tanta parole? |
| | SASINA |
| |
| | Costiune! à mi costiunes |
| | Costeune a D. Periccos |
| 845 | Capetaneo a mare, e ntierra. |
| | Si lo cancaros mm’affierra |
| | Do de mano a no palicco |
| | E te chiero spestellà. (passea.) |
| |
| | MENIELLO |
| | Uscia sbraveja. |
| | LISA |
| | E zitto mo’ Meniello, |
| 850 | No mmi’ ca chisto vole fa rotiello. |
| | SASINA |
| |
| | Mira ostè, che Cavagliero, |
| | Che mme face lo nfaudusos, |
| | Si mme carco lo sombriero |
| | Yo te torno a boffettunes |
| 855 | T’ammatonto los carusos |
| | E te voglio addecreà. |
| |
| | SCENA VII |
| |
| | MENIELLO, LISA, e MARCONE. |
| |
| | MENIELLO |
| | Non saccio chi mme tene, |
| | Che no le corro appriesso, e no lo scanno. |
| | LISA |
| | Fegliu’, che staje mpazzuto. |
| | MARCONE |
| 860 | Da do malanno è sciuto. |
| | Sto cano nigro pe mme sconcecare |
| | Tutte li fatte mieje? C’aggio da fare. |
| | LISA |
| | Va trova qua Dottore pe consurta. |
| | MARCONE |
| | Lo ssaje ca dice buono: mo’ nce vao. |
| | LISA |
| 865 | Ma torna priesto. |
| | MARCONE |
| | Sine schiavo. |
| | LISA - MENIELLO |
| | Schiavo. |
| |
| | SCENA VIII |
| |
| | LISA, e MENIELLO. |
| |
| | MENIELLO |
| | Lisa mia, che facimmo! già so’ muorto; |
| | Sto Spagnuolo me leva Cianna mia |
| | Ed io m’accido. |
| | LISA |
| | Guarda, arrasso sia |
| | Mo’ arremedio a sto guajo curre a la casa, |
| 870 | E fatte vestì femmena da soreta. |
| | MENIELLO |
| | E pe cche fine? |
| | LISA |
| | Tu t’assemiglie a Ceccia, |
| | E quanno si’ bestuto |
| | Co li vestite suoie pare tutt’essa. |
| | MENIELLO |
| | E bene, che pe chesto? |
| | LISA |
| 875 | Io mo’ dico a lo Viecchio |
| | Ca vo’ vedere lo ciardino suio |
| | Te nce porto, e tu tanno |
| | Da’ la fede a Ciannella... già me ntienne... |
| | Quanno la cosa è fatta, |
| 880 | Che benca lo Spagnuolo, e crepa, e schiatta. |
| | MENIELLO |
| | Comme l’aje fatta lesta; e chi te dice |
| | Ca lo Viecchio se crede, ca so’ Ceccia? |
| | E po, che lo ccredesse, che nne saje |
| | Ca Cianna se contenta? |
| | LISA |
| | E che cos’aje? |
| |
| 885 | Si la preta è fredda, e tosta |
| | Lo focile la martella; |
| | Ticche, ticche tuppetea |
| | Nzi’ che fuoco ha da caccià. |
| | Accossì è sta cosa nosta; |
| 890 | Si ncocciosa t’è Ciannella, |
| | Tanto prega, e perolea, |
| | Nzi’, che t’ha da nguadeà. |
| |
| | SCENA IX |
| |
| | CIANNELLA, e li stisse. |
| |
| | CIANNELLA |
| | Lisa mia, che d’è stato? |
| | Non saccio, che mm’ha ditto Carmosina. |
| | LISA |
| 895 | Ch’è benuto a pigliarte no Spagnuolo. |
| | CIANNELLA |
| | Appunto, |
| | MENIELLO |
| | Ah Cianna mia |
| | Mo’ sì ca so’ speduto. |
| | CIANNELLA |
| | Oh Dio Meniello, ch’è chesso, che mme dice? |
| | MENIELLO |
| | Che boglio di’? ca chillo te nne porta. |
| | CIANNELLA |
| 900 | Nnanze mme jetto a mmare... |
| | LISA |
| | Non serve a peccejare |
| | Meniello va te vieste... E tu Ciannella |
| | Jammo ncoppa, e parlammo; |
| | Si faje comme dich’io; |
| 905 | Chisto fuosso sautammo. |
| | CIANNELLA |
| | Puro, ch’è cosa aonesta |
| | Faccio chello, che buoie. |
| | LISA |
| | Già se nce ntenne. |
| | MENIELLO |
| | Cianna; mme daje speranza |
| | Ca mm’aiute a sti guaie? |
| | CIANNELLA |
| | Stanne securo |
| 910 | Pocca serve pe mmene |
| | Quanto faccio pe ttene. |
| | MENIELLO |
| |
| | Sì, speranza de chest’arma |
| | Sinche tu la bella |
| | Stella |
| 915 | Cc’a sto maro revotato |
| | Doce carma |
| | Ha da portà. |
| | A te spero; si vorraje |
| | Tu sarraie |
| 920 | La Calamita, |
| | E lo puorto addesiato, |
| | Chesta vita |
| | Pò sarvà. |
| |
| | SCENA X |
| |
| | CIANNELLA, e LISA. |
| |
| | CIANNELLA |
| | Aimmè Fortuna, e scumpela na vota. |
| | LISA |
| 925 | Jammo, ca stace a tte nchiovà sta rota. |
| | CIANNELLA |
| |
| | Ammore, e la Fortuna |
| | Contrastano nfra lloro, |
| | E fanno a chi cchiù pò, |
| | Pe mme stracciare. |
| 930 | Si sta battaglia dura |
| | O moro |
| | O vao mpazzia, |
| | E quanno st’arma mia |
| | Se vo’ |
| 935 | Quietare. |
| |
| | SCENA XI |
| |
| | MICCO pe strata, e po CARMOSINA da la casa de Marcone. |
| |
| | MICCO |
| | Chisto addo’ s’è nforchiato, |
| | Che no lo trovo; e chello, ch’è lo ppeo |
| | Ca non saccio, ch’ha fatto |
| | L’haggio ntiso strellare co Marcone, |
| 940 | E mente volea ascire, aggio veduto |
| | Meniello, e Lisa; io me songo stato |
| | Pe no mme scommogliare; |
| | Mo non saccio, che fare. |
| | CARMOSINA |
| | Addove l’è benuto sto golio |
| 945 | De farme sta cca bascio a pazzeare? |
| | MICCO |
| | Oh vecco Carmosina |
| | Voglio spiare a chesta che nc’è stato. |
| | CARMOSINA |
| | Quanno nniccà Giagnaco vo a la festa. |
| | No, no carcosa nc’è ca se so’ poste |
| 950 | Essa, e Ciannella a fa consurda nsiemo. |
| | MICCO |
| | Carmosina. |
| | CARMOSINA |
| | Che buoje? |
| | MICCO |
| | Che nce faje lloco? |
| | CARMOSINA |
| | Sto a bedere chi passa, che te mporta? |
| | MICCO |
| | Che d’è staje ncontenenza? |
| | Votate cca. |
| | CARMOSINA |
| | Vattenne bosciardone |
| 955 | M’haje ditto tanta vote |
| | Ca mme volive dà na bella cosa |
| | E po ch’è stato. |
| | MICCO |
| | Eh zitto |
| | Ca te la dongo appriesso; piglia ccane |
| | Teccote sto carrino, ca t’accatte |
| 960 | Li confiette; e le ccose. |
| | CARMOSINA |
| | T’haggio ntiso |
| | Carcosa vuoje sapè, perzò mo’ viene |
| | Co sto carrino fauzo, no lo voglio. |
| | MICCO |
| | Piglia cca. |
| | CARMOSINA |
| | No lo voglio t’aggio ditto. |
| | MICCO |
| | Tieme’ comm’è ncocciosa, piglia mone |
| 965 | Ca no mmoglio sapere manco sale. |
| | CARMOSINA |
| | Pigliammoncillo, ma non dico niente |
| | Ca zia mme vatte, ca non mmo’ che dica |
| | Li fatte de la casa. |
| | MICCO |
| | No mmoglio sapè chesto, dimme sulo |
| 970 | Che remmore ncè stato mo’ cca nnante. |
| | CARMOSINA |
| | Si vuo’ sapere chesto, te lo dico |
| | Fatte nniccà parlammo a chisto vico. |
| |
| | SCENA XII |
| |
| | CECCIA da la Casa soja, MICCO, e CARMOSINA che parlano zitto da banna. |
| |
| | CECCIA |
| | Aggio visto da coppa venì Micco |
| | E so’ scesa pe dirle di parole |
| 975 | Uh te ca chiacchiarea co Carmosina |
| | Chi sa s’è mmasciatella, |
| | Che bo’ mannà a Ciannella. |
| | MICCO |
| | E lo Spagnuolo po che strata ha fatto? |
| | CARMOSINA |
| | E gliuto pe sto vico. |
| | CECCIA |
| 980 | Nfruseca a gusto sujo |
| | Si è pe sta vota |
| | Nce pierde la parata |
| | Eh si Micco, si Micco, na parola. |
| | MICCO |
| | (Che mmalanne vo’ chesta, e mo’ me trova |
| 985 | Chiù doce de lo mmele) |
| | Che bolite. (Carmosina se ne va.) |
| | CECCIA |
| | Micco si be’ si’ sgrato |
| | E n’aje pietà de lo tormiento mio |
| | Sgrata non te songh’io |
| | Ed aggio passejone |
| 990 | Ca te vedo perduto appriesso ad una |
| | Che non te pò vedè quanto si’ luongo. |
| | MICCO |
| | Mo’ accomienze lo piccio... |
| | CECCIA |
| | Sta a sentire |
| | Chello, che boglio dire |
| | Cano tu mmaje lassato pe Ciannella |
| 995 | E nnanze all’uocchie mieje nce faje l’ammore |
| | E te vasta lo core de lo fare? |
| | Si sapisse a lo mmanco |
| | Che pò essere toja, te scosarria |
| | Ma chesta ad auto schiecco |
| 1000 | Se mmira... |
| | MICCO |
| | Lo sapimmo, chist’è frateto. |
| | CECCIA |
| | E già che tu lo ssaje, saccie appriesso |
| | Ca pe tutta sta sera se la nguadeja. |
| | MICCO |
| | Se la nguadia? sta frisco |
| | Mentre so’ bivo, e berde no la sponta. |
| | CECCIA |
| 1005 | Vi’ ca la sponta, e restarraje chiaruto |
| | Tu non saje che ncè sotta. |
| | MICCO |
| | E tu non saje |
| | Che tengo ncuorpo. |
| | CECCIA |
| | Tiene a gusto tujo |
| | Sta rosa ha da sciorì, ma no pe ttene. |
| | MICCO |
| | E starrimmo a bedere, che nne vene. |
| | CECCIA |
| 1010 | Comme vuo’ tu, ma vi’, ca te nne piente; |
| | C’appriesso mme vorraje: |
| | Ma po no mm’avarraje. |
| | MICCO |
| | Stammoce buono |
| | Trovarraggio quacc’auta, che me voglia. |
| | CECCIA |
| | Ah forfante, fauzario, chesto dice? |
| 1015 | E mme lo dice nfacce? quanno saje |
| | Ca mme strudo pe tte? |
| | MICCO |
| | Ma tu che buoje |
| | Che te responna mo’? va saglietenne |
| | Chi sa che pò soccedere nzi’ a craje; |
| | Ca fuorze comm’apprimmo m’avarraje. |
| | CECCIA |
| |
| 1020 | Tu vuo’ ch’io spera |
| | Voglio sperare |
| | Non mme gabbare |
| | Ca lo despietto |
| | Me pò atterrà. |
| 1025 | Si no mme cride |
| | Apre sto pietto |
| | C’accossì bide |
| | De che manera |
| | Sto core sta. (se ne va.) |
| |
| | MICCO |
| 1030 | Oh, ca ll’have scomputo, aspetta, aspetta |
| | Ca mo’ la faje sta colata netta. |
| |
| | SCENA XIII |
| |
| | LISA da la casa de Marcone, e po MARCONE pe strata. |
| |
| | LISA |
| | Pe nzi’ a mmo’ jammo buono |
| | Ciannella s’è accordata |
| | Recevere Meniello stravestuto |
| 1035 | Mo’ resta sulo de mbroglià lo viecchio... |
| | E bene attiempo a tiempo; si Marcone, |
| | Che nova avimmo. |
| | MARCONE |
| | Avimmo nove bone |
| | Lo Dottore m’hà ditto ca se fida |
| | De chiarì lo Spagnuolo co portare |
| 1040 | La lit’a luongo. |
| | LISA |
| | E po? |
| | MARCONE |
| | E po nfra tanto |
| | Pozzo nsegreto muodo |
| | Fà nguadeà Ciannella co Meniello |
| | Ed io pigliarme Ceccia. |
| | LISA |
| | Dice buono. |
| | MARCONE |
| | Ora sa che buo’ fa trova Meniello... |
| | LISA |
| 1045 | Addo’ vuo’ che lo trova |
| | Si non saccio addo’ stace? |
| | MARCONE |
| | E ba da loco. |
| | LISA |
| | Io so’ schiattata ncuorpo, e no mme rejo |
| | Aspettammo che benca |
| | Ca non porrà tricare, e nuje nfra tanto |
| 1050 | Faccimmo nautra cosa. |
| | MARCONE |
| | E ch’è sta cosa? |
| | LISA |
| | La sia Ceccia m’hà ditto |
| | Ca vo’ venì a spassarese no poco |
| | A lo ciardino tujo co Ciannella. |
| | MARCONE |
| | Quanno? |
| | LISA |
| | Mo’ si te piace |
| 1055 | Ca se sente no poco malenconeca. |
| | MARCONE |
| | Mo’ propio? Atta de nnico, mme despiace |
| | Ca no mme trovo niente |
| | Pe farele compremiente. |
| | LISA |
| | Non zervono ste cose |
| 1060 | Chella vace a la bona, |
| | Vasta sulo |
| | Che se spassa no poco |
| | A lo Ciardino. |
| | MARCONE |
| | Ora fa comme vuoje; sì, va la piglia |
| 1065 | Ca le regalo no galano d’oro. |
| | LISA |
| | Mo’ vavo. |
| | MARCONE |
| | Viene priesto. |
| | LISA |
| | Mo’ venimmo. |
| | MARCONE |
| | Bene mio che prejezza, |
| | Non tocco pede nterra d’allegrezza. |
| |
| | Mo’, che penzo faccella d’argiento |
| 1070 | Ca starrimmo sciatillo a sciatillo |
| | De contiento |
| | Me sento squaglià. |
| | Nché tu viene, sta bella |
| | Manella |
| 1075 | Io te stregno chianillo, chianillo |
| | E si pozzo la voglio vasà. |
| |
| | SCENA XIV |
| |
| | MICCO, e SASINA puro da Spagnuolo pe strata. |
| |
| | MICCO |
| | E ddo’ te si’ nforchiato, |
| | Che m’haje fatto sudà pe te trovare? |
| | SASINA |
| | Chesto de cchiune; io so’ crepato ncuorpo |
| 1080 | Pe ghì cercanno a ttene |
| | Ca non t’aggio trovato |
| | Addo’ t’aggio lassato. |
| | MICCO |
| | Ora non ne sia chiù, che cosa aje fatto. |
| | SASINA |
| | Aggio passato guaje, ch’è benuto |
| 1085 | Meniello co la Vecchia. |
| | MICCO |
| | Ll’aggio visto, |
| | Ed agio ntiso puro sbattagliare |
| | Comme site rommase: |
| | SASINA |
| | M’anno ditto |
| | Ca vonno testemmonià, che mme sanno |
| | Ca so’ lo Capetaneo Spagnuolo. |
| | MICCO |
| 1090 | E comme t’aggio ditto |
| | Ca resceva a brennata |
| | Va curre, e trova mo’ sse testemmoneja. |
| | SASINA |
| | Jammo ca s’arremmedia, e pe la via |
| | Te dico nauta mbroglia lesta, lesta, |
| 1095 | Che m’è benuta ncapo. |
| | MICCO |
| | E ba connio |
| | Che cchiù mpeche, e cchiù mbroglie |
| | Si non ne sponta nulla. |
| | SASINA |
| | E che borrisse |
| | C’apprimmo cada l’arvolo? |
| | Tanta ne penzo, e faccio nzi’ c’arrivo |
| 1100 | A farle sto corrivo. |
| | MICCO |
| |
| | Tu me pasce de speranza |
| | Ed io songo sfortunato. |
| |
| | SASINA |
| |
| | Chesta è llerva pe la panza |
| | De no scuro nnammorato. |
| |
| | MICCO |
| |
| 1105 | Ma no mmeo na cosa mparo |
| | Pe poterme consolà. |
| |
| | SASINA |
| |
| | E tu joca a paro, e sparo, |
| | C’accossì la puo’ trovà. |
| |
| | MICCO |
| |
| | Tu la miette nzannaria |
| 1110 | Ed io stonco, che renego. |
| |
| | SASINA |
| |
| | Mo’ ve prego |
| | Senta uscia... |
| |
| | MICCO |
| |
| | E feniscela sta baja |
| | O mo’ ngigno a ghiastemmà. |
| |
| | SASINA |
| |
| 1115 | Caglia, caglia, vaja, vaja |
| | Mo’ me metto ngravetà. |
| |
| | SCENA XV |
| |
| | MENIELLO vestuto femmenna, CECCIA, e LISA da la Casa lloro. |
| |
| | LISA |
| | E priesto mo’, sbrecateve |
| | Ca lo Viecchio ng’aspetta. |
| | MENIELLO |
| | So’ sbrecato |
| | Va saglietenne mo’. (a Ceccia.) |
| | CECCIA |
| | Frate mio caro |
| 1120 | Non te mettere ncapo |
| | De darme a chillo Viecchio, ca m’accido |
| | Vi’ comme te lo ddico. |
| | MENIELLO |
| | E che cos’haje? |
| | Non havè sta paura vi’ ca faccio |
| | Sta mpeca pe gabbarelo |
| 1125 | Si te vole nguadejare ad isso |
| | Chesto che servarria. |
| | CECCIA |
| | Va che la sciorta |
| | Te pozza fa rescire lo designo |
| | Azzò me lieve da sto brutto mpigno. |
| |
| | Comm’a frasca nfra di viente |
| 1130 | La speranza, e la paura |
| | Me fann’j da cca, e da llà. |
| | Se sta vita troppo dura |
| | E tu ammore non nce siente |
| | Chist’è muodo de schiattà. |
| |
| | SCENA XVI |
| |
| | CIANNELLA da lo barcone, MENIELLO, e LISA. |
| |
| | LISA |
| 1135 | Io t’aggio posta mmano già la palla |
| | Saccetella jocare. |
| | MENIELLO |
| | È piso mio |
| | Tu allontana lo Viecchio, quanno stongo |
| | A parlà co Ciannella. |
| | LISA |
| | Ca pe chesso nce venco, oh teccotella. |
| | CIANNELLA |
| 1140 | Oimmè lo core, oddio ca già mo’ veneno |
| | Chi lo sa, che pò essere mannaggia. |
| | LISA |
| | Cianne’, che fa lo Viecchio. |
| | CIANNELLA |
| | Va attuorno pe la casa, mo? l’avviso. |
| | LISA |
| | Siente scinne tu puro ca le daje |
| 1145 | La mano mo’, che saglie |
| | E le lieve lo Viecchio da vecino. |
| | CIANNELLA |
| | Mo’ scenno |
| | MENIELLO |
| | Chi lo ssa, si l’annevino? |
| | LISA |
| | Sta attiento, parla poco |
| | E non parlare forte |
| 1150 | E de lo riesto po faccia la sciorte. |
| | MENIELLO |
| |
| | Lo credo, e no lo ccredo, |
| | Ca chesto resciarrà |
| | E dico: oh Dio chi sa, |
| | Che bene appriesso. |
| 1155 | Confuso già mme vedo |
| | Né saccio a di’ pecché |
| | Chisto è no signo, ajmmè |
| | Ca resto ciesso. |
| |
| | SCENA XVII |
| |
| | MARCONE, e CIANNELLA abbascio, e li stisse. |
| |
| | MARCONE |
| | Sinche la bemmenuta |
| 1160 | Sia Ceccia mia; e che fortuna è chesta |
| | Che ve site degnata d’anorare |
| | Sta povera pagliara. (Cca Meniello fa lleverenza a lo Viecchio senza parlare, e piglia pe la mano Ciannella.) |
| | CIANNELLA |
| | Che faure so’ chisse (Meniello fegne de parlare co Ciannella.) |
| | Sia Ceccia mia. |
| | MARCONE |
| | Eh Lisa, che bo’ dire |
| 1165 | Ca Ceccia n’hà respuosto |
| | A chello c’aggio ditto. (Mentre lo Viecchio parla co la Vecchia, e Meniello, e Ciannella se ne sagliono ncoppa.) |
| | LISA |
| | Scuasala si Marcone, ch’è scornosa. |
| | MARCONE |
| | Io non saccio che scuorno |
| | M’hà da esse mogliere... |
| 1170 | E mbe’ chesto che d’è? se n’è sagliuta? |
| | E lo designo mio m’è sciuto mmano: |
| | Le voleva parpezzare chella mano. |
| | LISA |
| | Che d’aje? ca mo’ che saglie |
| | Te la vide, e le parle. |
| | MARCONE |
| | E io voleva |
| 1175 | Darle no pezzechillo pe le grada. |
| | LISA |
| | No, no, no la toccà, ca no l’hà gusto |
| | No la mette a malizia. |
| | MARCONE |
| | A chesto stammo? |
| | E ba ca mo’ mmo’ arammo. |
| |
| | SCENA XVIII |
| |
| | CECCIA mmocca la porta soja, e po CARMOSINA pe strata. |
| |
| | CECCIA |
| | Già so’ sagliute ncoppa; io tremmo tutta |
| 1180 | Chi lo ssa, si lo Viecchio non s’addona |
| | De sta mbroglia, e nce mmatte qua remmore |
| | Ajmmè che schianto; Oddio, che fa lo core. |
| | CARMOSINA |
| | M’aggio spiso se rana a ziarelle |
| | E mme ne voglio fare nocchetelle. |
| | CECCIA |
| 1185 | Ma chesta da do’ vene; passa ccane |
| | Sola sola pe chiazza, da do’ viene. |
| | CARMOSINA |
| | Me so’ ghiuta accattà ste ziarelle. |
| | CECCIA |
| | E chi t’hà dato li denare. |
| | CARMOSINA |
| | Zia. |
| | CECCIA |
| | Ah bosciarda, forfante, mo’ che bene |
| 1190 | Nce l’addimmanno. |
| | CARMOSINA |
| | No sia Ceccia mia |
| | Ca me vatte. |
| | CECCIA |
| | Te vatte ah frabuttella |
| | Addonca n’è lo vero |
| | Ca essa te l’ha date? |
| | CARMOSINA |
| | Gnorennone. |
| | CECCIA |
| | E da do’ ll’aje avute. |
| | CARMOSINA |
| 1195 | Lo si Micco m’hà dato no carrino. |
| | CECCIA |
| | E pecché te l’ha dato |
| | CARMOSINA |
| | Me l’ha dato accossì pe gusto sujo. |
| | CECCIA |
| | Pe gusto sujo? mo? mmo’ nce lo bedimmo. |
| | Saglie ncoppa. |
| | CARMOSINA |
| | Mo’ saglio, no lo dire |
| 1200 | Sia Ceccia bella mia, ca Zia m’adaccia |
| | E po vide da me, che buo’, che faccia. |
| |
| | Te do sti denare |
| | Sia Ceccia mia bella |
| | E no m’accusare |
| 1205 | Ca Zia me spestella |
| | M’arrappa, m’accide |
| | (Ah a chesta ride |
| | La scappo si affé.) |
| | Bell’uocchie de fata |
| 1210 | S’aje quarche segnore |
| | E nn’aje gelosia, |
| | Che faccia l’ammore |
| | Te faccio la spia |
| | Si vuo’ qua’ mmasciata |
| 1215 | Tu lassa fa a me. (saglie a la casa soja.) |
| |
| | CECCIA |
| | (Comm’è demmonia.) zitto jammo ncoppa |
| | E di’ la veretà ca te perdono. |
| | CARMOSINA |
| | Gnorsì sia Ceccia mia |
| | Dico la veretà (si n’è boscia.) |
| |
| 1220 | Te do sti denare, &c. |
| |
| | CECCIA |
| | Va va demmoniella |
| | Ca te voglio aggiustà bona la pella. |
| |
| | SCENA XIX |
| |
| | MARCONE da la casa, po MICCO, e SASINA da Spagnuolo co duje de lo furno sujo pe strata. |
| |
| | MARCONE |
| | Ma chisto è frusciamiento co ssa vecchia, |
| | Me s’è cosuta ncuollo comm’a zecca |
| 1225 | Che non m’ha fatto dire na parola |
| | A Ceccia mia, e bole mo’, che bava |
| | A pigliare carcosa |
| | Pe farle compremiento, uh che schiattosa. |
| | Oh mannaggia chi vene. (s’annasconne.) |
| | SASINA |
| 1230 | Vecco lo viecchio, attiento |
| | Di’ chello, ch’aggio ditto; auza la voce. |
| | MICCO |
| | Signor mio Si D. Pietro. |
| | N’accorre c’Ossoria vaga a la Corte, |
| | Lo Sio Marco ha jodizeo, mo’ le parlo; |
| 1235 | Dico chi site vuoje, e senza lite |
| | Ve darrà la fegliola. |
| | SASINA |
| | Ottov’a tristo |
| | A mi esto? a mi esto? io chiero andare |
| | A la Corte per farlo j ngaleras |
| | Comm’a no truffatore de mugheras. |
| | MARCONE |
| 1240 | (O mmalosca, e che sento! |
| | Chisto sarrà addavero lo Spagnuolo, |
| | Che dette Cianna a fratemo.) |
| | MICCO |
| | Ma Uscia sta grazea l’ha da fare a Micco, |
| | Comm’a Creato vuosto. |
| | SASINA |
| | Non se puode. |
| | MICCO |
| 1245 | Ma pecché non se pò? |
| | SASINA |
| | Porché ’l vegliacco |
| | M’hà perduto el respiettos. |
| | MICCO |
| | Uscia lo scusa |
| | Ca no v’hà conosciuto. |
| | SASINA |
| | Perché me prega tantos, me contiento |
| | De perdonarle; Ostè le parla, e luogo |
| 1250 | Se faccia dà Ciannicca. |
| | MICCO |
| | Mo’ ve servo, |
| | Vedimmo se nce sta... Oh si Marcone |
| | Na paro’, collecienzia Si D. Pietro. (Parla zitto a Marcone, e Sasina passea.) |
| | SASINA |
| | Attienda (già lo viecchio mo’ se parte |
| | Pe ll’auto munno, n’auto nullo vole.) |
| | MARCONE |
| 1255 | Tu comme lo canusce? |
| | MICCO |
| | Lo canosco |
| | Quanno teneva lo furno a Ponteciello, |
| | Che Ciccotonno frateto llà steva |
| | Aspe’... venite cca belle fegliule, |
| | Chiste puro lo ssanno |
| 1260 | Ca stevano co mmico a Ponteciello, |
| | N’è lo vero... (fanno segno de sì.) Scostateve da lloco |
| | SASINA |
| | Che dise esto vegliacco? |
| | MICCO |
| | Adaso, adaso |
| | Ca farrà nzò che bole l’Ossoria. |
| | SASINA |
| | Priesto, priesto Segnor, che mas non puedo. |
| | MICCO |
| 1265 | Sì D. Pietro mo’ mo’; Vi’ Si Marcone |
| | Sbrigate, che buo’ fare? |
| | Ca chisto è no nfaduso, ed è manisco. |
| | MARCONE |
| | Dammoncella a mal’anno: |
| | Ma famme no piacere, io me trovo |
| 1270 | Dato parola ad uno |
| | De nce la dare pe mogliere, voglio: |
| | Ch’isso mme faccia mantenere chesto. |
| | MICCO |
| | Si è cosa bona lo negozio è lesto |
| | Si D. Pie’ favorisca; Lo Si Marco |
| 1275 | È prunto a darve la fegliola. |
| | SASINA |
| | Biene. |
| | MICCO |
| | Ma vole no favore, e ve ne prego |
| | A farencillo pe ll’ammore mio. |
| | SASINA |
| | Che chiere? |
| | MICCO |
| | M’ave ditto... (parla zitto.) |
| | MARCONE |
| | Si chisto la mmarita co Meniello |
| 1280 | Aggio l’attiento mio; che me mporta |
| | Ca se la piglia, affranco chesta spesa. |
| | SASINA |
| | Non Segnor, yo non chiero mmaretarla. |
| | MICCO |
| | Faciteme sta grazea. |
| | SASINA |
| | Yo non chiero. |
| | MARCONE |
| | Ma Uscia le farrà perdere la sciorta. |
| | SASINA |
| 1285 | Che sciortas, che sciortitas? |
| | Non chiero mmaretarla. |
| | MARCONE |
| | Ed io non stonco maje pe ve la dare. |
| | SASINA |
| | Ah pierro, io te chiero sbennegnare. (SASINA afferra MARCONE facenno fenta de l’affocare, MICCO fa fenta de volerlo ajutare, e spartirele, e lo pallottejano.) |
| | MICCO |
| | Ah Si D. Pietro ferma. |
| | MARCONE |
| | Ajuto, ajuto. |
| |
| | SCENA URDEMA |
| |
| | CARMOSINA da lo barcone, e li stisse. |
| |
| | CARMOSINA |
| 1290 | Che strille nce so’ a chiazza? Uh maramene |
| | Marcone, e lo Spagnuolo n’auta vota, |
| | Voglio tirà di prete pe spartirele. (Trase dinto, e po esce co no mantesino de prete a la seconda parte, e mena nfretta.) |
| | SASINA |
| |
| | Muore perro. |
| |
| | MARCONE |
| |
| | Ajuto, ajuto. |
| |
| | MICCO |
| |
| | No chiù mo’ ca l’accedite. |
| |
| | SASINA |
| |
| 1295 | Statte Ostè. |
| |
| | MARCONE |
| |
| | Ajmmè so’ ghiuto. |
| |
| | MICCO |
| |
| | Si D. Pietro, che facite. |
| |
| | SASINA |
| |
| | La mocciaccia chero cca. |
| |
| | MICCO |
| |
| | Signor sì ca te la dà. |
| |
| | MARCONE |
| |
| | Io la voglio mmaretà. |
| |
| | CARMOSINA |
| |
| 1300 | Ah canaglia, arreto, arreto. |
| |
| | SASINA |
| |
| | (O malora, che pretate.) |
| |
| | MICCO |
| |
| | No menà che sinch’accisa. |
| |
| | MARCONE |
| |
| | Mena mena. |
| |
| | CARMOSINA |
| |
| | E buje sfrattate. |
| |
| | SASINA |
| |
| | (Lo negozio vene a fieto.) |
| |
| | MICCO |
| |
| 1305 | Sta moccosa nce stravisa. |
| |
| | MARCONE - MICCO - SASINA |
| |
| | Scappa scappa. |
| |
| | CARMOSINA |
| |
| | Ah a. |
| |
| |
| |
| |
| |
